Ikaal 2:9 - Uwumbɔr aagbaŋ

⁹ Le Uwumbɔr bui mi ke, ‘Taa muk Moab yaab, ki taa tak bi, Lot aayaabitiib le bi na. M di Ar aatiŋ le tii bi, le maan di baatiŋ nibaa chee tii nimi.’”

Ikaal 2:9 ပူးပေါင်းရင်းမြစ်များ

2 Bibɔrb Aabɔr 20:10

“Tɔ, Amonn, ni Moab, ni Edom yaab nan tak timi a. Tiyaajatiib aah nan nyan ni Ijipt aatiŋ ni na, saa nan cha bi koo ntim ngbaan ni, kina pu na, tiyaajatiib nan gɔnn bi, le kaa kuln bi.

Ilahn 83:8

Asiria yaab mu kpee Amonn ni Moab yaab bi ye Lot aayaabitiib na pu, ki pɔɔ pam.

Aisaya 15:1

Moab yaab aanaŋ sɔ. Kinyeek kibaa le Ar ni Kir aatim ga bii, le ni mɔmɔk ga ŋmin chii.

Nkahm 21:15

ni tifatann ti di ti nyan Ar aatiŋ ni, ki di toŋ Moab yaab aanaanmɔk na.”

Nkahm 21:28

N‑yoonn mubaa, Hesbonn aatiŋ ni, Sihonn aajab nan tun tijar ke mmii na, le ki bii Ar aatiŋ ki bi Moab aatiŋ ni na, le ki kuln ŋigongon ŋi bi Anonn Aamɔɔl aapaacham na.

Nkahm 22:4

Le Moab yaab bui Midiann yaab aayidam ke, “Binib sakpem bimina ga dan nan bii tiwan nimɔk bi ti chee na dandana wee, bi ga bii ni mɔmɔk ke unaaja yaa kan timonyaan kan, u ŋmɔ ti mala mala pu na la.”

Ikaal 2:29

aan ki ti puur Jɔɔdann Aamɔɔl, ki koo Tidindaan Uwumbɔr aah ban u di kitiŋ ki tii timi na ni. Esɔ aayaabitiib bi koo Edom aatiŋ ni na, ni Moab yaab bi koo Ar aatiŋ ni na, kii tii timi, le ti dii baapepel ni ki jer.’

Ikaal 2:5

ni mu taa tak bi, ba pu? maan di baatiŋ nibaa chee tii nimi. M di Edom aapepel tii Esɔ aayaabitiib la.

Bibɔjirb 11:15

“Naa ye mbamɔn ke Israel yaab nan gaa Moab yaab ni Amonn yaab aatim.

Bibɔjirb 11:17

Nima chee le bi nan tun ituun Edom aabɔr chee ke u tii bi nsan aan bi bɔ waatiŋ ni jer. Tɔ, Edom aabɔr aa nan kii. Bi nan mee Moab aabɔr mu nsan, le u mu aa nan tii bi nsan ke bi bɔ waatiŋ ni jer. Kina pu le Israel aanib ngbaan nan gaar Kades aatiŋ ni.

Bibɔjirb 11:18

Nee aapuwɔb le Israel yaab nan ki di koo nteersakpiin ni, ki gɔln Edom aatiŋ, ni Moab aatiŋ, ki ti fuu Moab yaab aatiŋ aawipuul wɔb, Anonn Aamɔɔdapuul. Bi nan laa kal nima, bi mu aa nan tee puur Anonn Aamɔɔl li nan ye Moab aatinaanmɔk na.