Ikaal 2:7 - Uwumbɔr aagbaŋ

⁷ “Ni teer man Nidindaan Uwumbɔr aah ŋa tinyoor ŋa ni pu nimi aatuln mɔmɔk ponn ni pu na. Naah nan chuun yiini nteersakpiin ponn ni pu na, le u kii nimi, ki joo nimi mbamɔm. Ŋibin imonko ilee ŋimina ponn ni, uma le joo nimi, le ni kan tiwan nimɔk ni ban na.

Ikaal 2:7 ပူးပေါင်းရင်းမြစ်များ

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 24:35

Uwumbɔr ŋa tinyoor sakpen ki ŋa u pu, le u ŋa uwankpadaan. Uwumbɔr tii u ipiih, ni iŋoob, ni inaa, ni tikunabr, ni salmaa aamombil, ni binaagbiib, ni laakumii tiib, ni ibon.

Mpiin 26:12

Aisak nan kon ki bun njikaabim kitiŋ ngbaan ni, le u nan chee tijikaar libiln ngbaan ni, nfum nkub ki jer waah bun pu na, ba pu? Uwumbɔr nan ŋa tinyoor ŋa u pu.

Mpiin 30:27

Le Labann nan bui u ke, “Cha m len tibɔr tee. M baal, ki ŋun ke si pu le Uwumbɔr ŋa m pu tinyoor.

Mpiin 39:3

le uninkpel ngbaan kan ke Uwumbɔr le bi Josef chee ki cha u ŋani tiwan mɔmɔk deedee, kaa kpa ngalm.

Mpiin 39:5

Josef pu na, ki nyan n‑yoonn ngbaan ki joo cha, Uwumbɔr nan ŋa tinyoor ŋa uninkpel ngbaan do, ni waawan, ni waasar mɔmɔk pu.

Nehemia 9:21

Aa nan tii bi baah ban pu na nteersakpiin ni, ki ti saa ŋibin imonko ilee. Baawanpeenkaan aa nan kpo, le bitaa mu aa nan duun, kaa wu mu.

Job Aagbaŋ 23:10

Le Uwumbɔr tee nyi maah yoor litaal limɔk na; u yaa tɔŋ mi kan, u ga kan ke maa kpa tijɔŋ tibaa.

Ilahn 1:6

Uwumbɔr le kiir ki joo bininyaam, le titunwanbirdam ma cha baadoon ni.

Ilahn 107:4

Bibaa nan chuun yiini nteersakpiin mu kaa kpa isan na, kaa kan kitiŋ ki ponn ni bi ga li koo na.

Ilahn 31:7

Saageehm mu bi n‑yoonn mɔmɔk na pu le nsui ga li piin, le m mɔɔni. Aa kani maafalaa, ki nyi maah bi tibɔr ti ponn ni na.

Ilahn 90:17

Tidindaan Uwumbɔr, cha saanyoor li bi ti pu. Tii timi tinyoor timi aatun mɔmɔk ni.

Nnyam 16:35

Israel yaab nan jin mana aajikaar ŋibin imonko ilee, le ki ti nin fuu Kanaann aatiŋ ni, le ki kal nima.

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Hosea 13:5

M nan kpiin nimi nteersakpiin mu aatiŋ kuun na ni.

Amos 2:10

Min le nyan ni nimi Ijipt aatiŋ ni, ki di nimi dii nteersakpiin ni, ŋibin imonko ilee, le ki di Amor yaab aatiŋ tii nimi, le ki kpaln nimi aatiŋ.

Nkahm 1:1

Israel yaab aah nan nyan Ijipt aatiŋ ni, ni ti saa ŋibin ŋilee na, lelee aaŋmal ni, njan aawiin daal, le Uwumbɔr nan len Moses chee tibɔr, uma Uwumbɔr Aabool ni, Sainai Aateersakpiin ni. U nan bui Moses ke,

Nkahm 14:33

Le nimi aabim ga li chuun yenni nteersakpiin mue ni, ki ti saa ŋibin imonko ilee, le naah nyan mpuwɔb pu na, bi ga ji kina aafalaa, aan ni mɔmɔk ti kpo doo.

Nkahm 14:34

Ni ga ji nimi aatunwanbir aafalaa ki ti saa ŋibin imonko ilee. Libiln libaa ga sil iwiin imonko ilee i ni nan di chuun mann goln kitiŋ ngbaan na mbaabaa. Nima le ga cha ni bee ke m gee liŋuul ni pu.

Nkahm 22:12

Uwumbɔr nan bui Balaam ke, “Taa dii bijab ngbaan buen, ki mu taa puun lii Israel yaab pu, ba pu? maanyoor le bi bi pu.”

Nkahm 32:13

Uwumbɔr nan gee bi gur na pu liŋuul, le ki cha bi chuun manni nteersakpiin ni, ki ti saa ŋibin imonko ilee, le binib bi nan bii usui na kpoi doo.

Tibɔnyaan ti Luk ŋmee ti na 22:35

Tɔ, Yesu nan baa bi, “Maah nan tun nimi ki nan bui nimi ke ni taa li joo ŋimombil aataakɔr, ki taa li joo litaakɔr mu, ki taa li joo ŋinaatak na, ni nan lann nibaa aa?” Le bi bui u, “Taa nan lann nibaa.”

Jɔnn 10:27

Maanib ŋun maaneel, le m nyi bi, le bi dii mi.

Ikaal 1:19

“Tidindaan Uwumbɔr aah nan bui ke ti ŋa pu na, ti nan ŋa kina. Ti nan fii Sainai Aajool chee, ki di bɔ dii ijawaan aateersakpiin ngbaan ni, le ki di buen Amor yaab aatiŋ ki ye ŋigongon na ni. N‑yoonn mu ti nan ti fuu Kades Banea aatiŋ ni na,

Ikaal 1:46

Nima pu na, ti nan bi Kades aatiŋ ni ki yunn.

Ikaal 2:14

Taah nan nyan ni Kades Banea buyoonn na aabin piitaa ni ŋiniin le na. Uwumbɔr aah nan bui ke bijab bi waan cha bi koo tipuur aatiŋ ni na nan kpo doo a.

Ikaal 2:6

Ni ga ŋmaa daa bi chee tijikaar, ni nnyun.’

Ikaal 29:4

Tɔ, ki yoor ki nan saa din wee na, waa cha ni bee naah nan kan tiwan nimɔk na aatataa.

Ikaal 29:5

Ŋibin imonko ilee le Uwumbɔr nan loln ni pu nsan, nteersakpiin ni, le nimi aawanpeenkaan ni ŋinaatak aa nan kpoi.