Ikaal 2:36 - Uwumbɔr aagbaŋ

³⁶ Tidindaan Uwumbɔr le nan cha ti gaa ntim ngbaan mɔmɔk, ki nyan Aroer aatiŋ ni, ki di dii Anonn aafataŋ aagbaan, ni kitisakpeŋ ki mu bi kifataŋ ngbaan aakaasisik ni na, ki di ti ker Gilead aatiŋ. Ntim ngbaan mɔmɔk aagon aa nan pɔɔ nyaŋ timi.

Ikaal 2:36 ပူးပေါင်းရင်းမြစ်များ

2 Samuel 24:5

Bi nan ti puur Jɔɔdann Aamɔɔl, le ki ti kal Aroer, kitiŋ ki bi kifataŋ aakaasisik ni, Gad aanibol aapepel ni na aaŋangii wɔb. Bi nan nyan nima, le ki buen ŋŋangan wɔb, Jaser aatiŋ ni,

2 Bibɔrb 10:33

li bi Jɔɔdann Aamɔɔl aawipuul wɔb na, ki di dii ŋŋangii wɔb ki ti saa Aroer aatiŋ ki bi Anonn Aamɔɔl chee na. Ŋipepel ŋimina nan bi nima wɔb la: Gilead ni Basann aapepel, nin chee Gad ni Rubenn aanibol, ni Manase aanibol li bi liwipuul wɔb na nan koo na.

Ilahn 44:3

Saanib aa nan di baajaak aajum le nyaŋ ki gaa kitiŋ ngbaan; baa nan di bibaa aapɔɔn le di kan linyaŋ ngbaan; ni nan ye sin aapɔɔn pu la; saah nan bi bi chee pu na le nan cha bi nyaŋ, le ki mɔk ke aa gee bi.

Nnyam 23:31

M ga siin nimi aatiŋ aanaanmɔk ki yoor ni Limɔɔkal Aanyusakpem ki ti saa Yufrates aamɔɔl mɔk, ki yoor nima ki ti saa Kaasisik ni Aanyusakpem, ki ki yoor nima ki ti saa nteersakpiin ni. M ga tii nimi mpɔɔn, ni di nyaŋ binib bimɔk bi kitiŋ ngbaan ni na, le naah tur koo bi ponn ni na, ni ga li nyaŋni bi.

Aisaya 17:2

Binib ga san cha Siria aatim mɔmɔk. Mu ga li gur ye inaa ni ipiih aah ŋmɔ timoor nin chee, aan ubaa aan san jenn i na la.

Jeremia 48:19

Nimi bi koo Aroer aatiŋ ni na, li si kii isan chee man; baa binib bi san na, ki bee tiwan ni ŋa na.

Nkahm 32:34

Gad yaab nan ki gir maa ntim mu kpa ŋigon ŋi fɔk ki pɔɔ, ki ye Dibonn, ni Atarof, ni Aroer,

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Ikaal 3:12

“Taah nan gaa kitiŋ ngbaan na, m nan di lipepel li bi Aroer aatiŋ ŋŋangan wɔb ki bi gbɔk Anonn Aamɔɔl chee, ni ŋigongon aatiŋ Gilead aapepel nibaa wɔb, ni kaatim, le di tii Rubenn ni Gad aanibol.

Ikaal 4:48

Kitiŋ ngbaan nan yoor kina le ki ti ker Aroer aatiŋ ki bi Anonn Aamɔɔl aagbaan na, le ki yoor kina ti saa Sirionn Aajool chee, ŋŋangan wɔb, bi nan ki yin lijool ngbaan ke Hemonn la.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Josua 12:2

Ubaa le nan ye Amor yaab aabɔr u bi nan yin u ke Sihonn na, uma le nan jin nnaan Hesbonn aatiŋ ni. Waanaan ngbaan le nan ye Gilead aapepel ligeln, ki nyan Aroer aatiŋ ki bi Anonn Aafataŋ aamɔgben na, ni kitiŋ ki bi kifataŋ ngbaan aakaasisik ni na, ki ti ker Jabok Aamɔɔl li ye Amonn yaab aatiŋ mɔk na,

Josua 13:16

Baatiŋ nan yoor ki ti ker Aroer mɔk, ki nan bi Anonn Aafataŋ aamɔgben la, ni kitiŋ ki bi kifataŋ ngbaan aakaasisik ni na, le ki kpee ntim mu mann gonn Medeba aatiŋ na,

Josua 13:9

Baatiŋ mɔk nan yoor ki ti ker Aroer aatiŋ mɔk, ki nan bi Anonn Aafataŋ aamɔgben la, ni kitiŋ ki nan bi kifataŋ ngbaan aakaasisik ni na, ki kpee Medeba aatiŋ, ki ti ker Dibonn aatiŋ mɔk na,

Josua 21:44

Uwumbɔr nan tii bi nsuudoon, kitiŋ ngbaan mɔmɔk ni, ke waah nan puu tii biyaajatiib pu na. Le baadim ponn ni ubaa kina aa ŋmaa ŋa bi nibaa, ba pu? Uwumbɔr le nan tii bi linyaŋ baadim mɔmɔk pu.

Bibɔjirb 11:22

Bi nan gaa Amor yaab aapepel mɔmɔk ki nyan Anonn Aamɔɔl li bi ŋŋangii wɔb na ki ti saa Jabok Aamɔɔl li bi ŋŋangan wɔb na, ki nyan nima ki yoor nteersakpiin ni, liwipuul wɔb, ki ti saa Jɔɔdann Aamɔɔl mɔk liwilir wɔb.

Bibɔjirb 11:26

Ŋibin ikui itaa le na, le Israel yaab joo Hesbonn ni Aroer aatim, ni ntim mu mann goln mu na, ni ntim mu mɔmɔk bi Anonn Aamɔɔl aagbaan na. Ba ŋa saa ŋmaa gaa mu n‑yoonn ngbaan mɔmɔk ni?