Ikaal 2:34 - Uwumbɔr aagbaŋ

³⁴ N‑yoonn ngbaan, ti nan ki nyaŋ ki kuln waatim, ni binib bi mɔmɔk nan bi mu ni na, bijab, ni bipiib, ni mbim. Taa nan cha unii ubaa kina ŋmar.

Ikaal 2:34 ပူးပေါင်းရင်းမြစ်များ

Ikaal 3:6

Ti nan bii ntim ngbaan mɔmɔk, ki ku binib bimɔk nan bi mu ni na; ti nan ku bijab, ni bipiib, ni mbim, ke taah nan ŋa Hesbonn aabɔr Sihonn ni waanib pu na.

Ikaal 7:2

N‑yoonn mu Nidindaan Uwumbɔr ti di binib ngbaan ŋa nimi aapɔɔn ni, aan ni nyaŋ bi na kan, ni ku doo bi kookoo. Ni taa ŋa bi nimaantɔtiib, ki taa li san bi kinimbaak.

Ikaal 7:26

Ni taa joo ni ŋiwaa ngbaan ŋibaa nido, ni yaa ŋa kina kan, Uwumbɔr aah ga kuln ŋi pu na, u ga kuln ni mu kina la. Uwumbɔr aah ga kuln ŋiwaa ngbaan pu na, ni mu li nan ŋi, ki yii ŋi.

Josua 10:28

Liyaadaal ngbaan le Josua nan ton butɔb ki nyaŋ Makeda yaab aatiŋ, ni kaabɔr. U nan ku binib bi mɔmɔk nan bi kitiŋ ngbaan ni na kookoo, le ubaa aa nan gur ki ŋmar. U nan ŋa Makeda aabɔr ke waah nan ŋa Jeriko aabɔr pu na la.

Josua 10:40

Josua nan nyaŋ kitiŋ ngbaan mɔmɔk. U nan nyaŋ bibɔrb bi aatim nan bi ŋigongon paab na, ni liwipuul wɔb aafataŋ aatim, ni ntim mu bi liwilir wɔb, ŋigongon aataab na, ni mu bi nteer pu ki cha ŋŋangii wɔb na. U nan ku binib ngbaan mɔmɔk, waa nan cha unii ubaa gur ki ŋmar. Kina le Israel yaab Aadindaan Uwumbɔr nan bui ke bi ŋa.

Josua 11:14

Israel yaab nan yoor tiwanyaan mɔmɔk, ni tiwakor, ntim ngbaan mɔmɔk ni, ki joo bibaa, le ki ku binib ma doo, unii aa nan gur ki ŋmar.

Josua 6:21

Bi nan di baajum le ki ku bijab ni bipiib mɔmɔk, ni mbim, ni bininkpiib. Bi nan ku inaa, ni ipiih, ni ibon mu.

Josua 7:11

Israel yaab le tun titunwanbir. Maah bui bi ke bi taa ŋa pu na, bi yii ki ŋa ni. Tiwan ni m nan bui bi ke bi bii ni na, bi yii ki yoor ni. Bi sun tiwan ngbaan, le ki gii inyamɔn ni pu, ki di kpaan baawan ponn ni.

Josua 9:24

Le bi giin bui u ke, “Uninkpel, taah ŋun ibamɔn ni, ke Nidindaan Uwumbɔr nan bui waatutunn Moses, ke naah tur koo ni kitiŋ ngbaan mɔmɔk ponn ni na, u ga cha ni ku binib bimɔk bi ki ponn ni na pu la, nima le cha ti ŋa kina. Tipobil le yuk, le timi aamɔfal pu na, ijawaan chuu timi ke ni ga ku ti mɔmɔk.

1 Samuel 15:3

Buen ti tak Amalek yaab ki doo baah kpa tiwan ni mɔmɔk na. Taa di cha nibaa; ku baajab mɔmɔk, ni bipiib, ni bibilb, ni mbipɔm, ni inaa, ni ipiih, ni laakumii tiib, ni ibon.”