Ikaal 2:25 - Uwumbɔr aagbaŋ

²⁵ Din wee ki joo cha, m ga cha ŋipepel mɔmɔk aanib san nimi ijawaan. Unii umɔk ŋun nimi aayimbil bɔr na kan, ijawaan ga chuu u, le uwon gbaa.’

Ikaal 2:25 ပူးပေါင်းရင်းမြစ်များ

Mpiin 35:5

Nee aapuwɔb le Jakob ni udo yaab nan piin ki nyan cha, le ijawaan sakpiin chuu binib bi aatim nan bi gbɔk nima chee na, le baa kaa bi paan bi pu.

1 Bibɔrb Aabɔr 14:17

David aayimbil nan yaa ni kookoo, le Uwumbɔr cha ŋitimbol mɔmɔk san u ijawaan.

Ilahn 105:38

Ijipt yaab nan san bi ijawaan la; le baah nan nyan baatiŋ ni na, Ijipt yaab aasui nan piir.

Nnyam 23:27

“M ga cha binib bi kpak nimi na san mi ijawaan. M ga cha naah ga to binib bi butɔb na aalan ŋmal, le bi fenn ki san cha nimi.

Jeremia 33:9

Jerusalem ni le maamɔɔn, ni bunyuŋ, ni limakl ga li nya ni, le dulnyaa wee aatimbol li ŋun maah ŋani tiwanyaan ni tii Jerusalem aanib, ni nkam mu m joo ni kitiŋ ngbaan ni na pu kan, biwon ga li gbaa, le bi san ijawaan.”

Nkahm 22:3

le ijawaan chuu u ni waanib mɔmɔk.

Ikaal 11:25

Nidindaan Uwumbɔr aah nan puu pu na, u ga cha linibol limɔk ni fuu laatiŋ ni na aanib li san nimi ijawaan. Ubaa aa bi ki ga ŋmaa kiir nimi kpala.

Ikaal 28:10

Le binib bi mɔmɔk bi dulnyaa wee ni na ga kan ke Uwumbɔr le nyan nimi ke ni li ye waanib, le bi ga li san nimi ijawaan.

Josua 10:2

Jerusalem yaab aah ŋun kina na, le bipobil yuk sakpen; ba pu? Gibeonn aatiŋ wiir ke ntim mu kpa bibɔrb na aah wiir pu na la, ki wiir jer Ai aatiŋ, le kaajab ŋmaa to butɔb pam.

Josua 9:24

Le bi giin bui u ke, “Uninkpel, taah ŋun ibamɔn ni, ke Nidindaan Uwumbɔr nan bui waatutunn Moses, ke naah tur koo ni kitiŋ ngbaan mɔmɔk ponn ni na, u ga cha ni ku binib bimɔk bi ki ponn ni na pu la, nima le cha ti ŋa kina. Tipobil le yuk, le timi aamɔfal pu na, ijawaan chuu timi ke ni ga ku ti mɔmɔk.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.