Ikaal 2:24 - Uwumbɔr aagbaŋ

²⁴ “Taah dii Moab aapepel ki jer doo na, le Uwumbɔr bui timi ke, ‘Dandana wee, fenn ki puur Anonn Aamɔɔl man. M ga di Amor yaab aabɔr Sihonn u koo Hesbonn aatiŋ ni na, ni waatiŋ, ŋa niŋaal ni. Tak u man, ki piin ki gaa waatiŋ man.

Ikaal 2:24 ပူးပေါင်းရင်းမြစ်များ

2 Bibɔrb Aabɔr 36:23

“Pesia aanaan Aabɔr Sairus le siin nkaal mue. Uwumbɔr u ye paacham Aadindaan na, uma le ŋa mi dulnyaa wee mɔmɔk aajojoor, le ki tii mi lituln ke m maa lidichal, Jerusalem aatiŋ ki bi Juda aatiŋ ni na tii u. Tɔ, ni mɔmɔk bi ye Uwumbɔr aanib na, li cha man nima, aan Nidindaan Uwumbɔr li bi ni chee.”

Esra 1:2

“Pesia aanaan aabɔr Sairus le siin nkaal mue. Uwumbɔr u ye Paacham Aadindaan na le ŋa mi dulnyaa wee mɔmɔk aajojoor, le ki tii mi lituln ke m maa lidichal Jerusalem aatiŋ ki bi Juda aatiŋ ni na tii u.

Jeremia 27:5

“Maapɔɔnsakpiin pu le m naan dulnyaa wee, ni unibɔn, ni tiwakor ti mɔmɔk bi kitiŋ pu na; le ki joo ki tii unii umɔk m gee na.

Esekiel 29:20

Waajab aah nan tun maatun na pu le m ga di Ijipt aatiŋ tii u. Min Dindaan Uwumbɔr le len kina.

Daniel 2:38

U ŋa si unibɔn aah bi nimɔk na aabɔr, ki tii si mpɔɔn tiwakor ni inyoon pu ke aa li lik ni. Sin le ye liyil li bi di salmaa naan li na.

Daniel 4:17

Uwumbɔr aatuuntiib bi gor bibaa ki lik mbamɔm na aalandak le na. Kina pu na, cha binib mɔmɔk dulnyaa wee mɔmɔk ni bee ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga ŋmaa di mu tii umɔk u gee na, hali unii u binib lik seen u na.’”

Nkahm 21:12

Bi nan nyan nima chee le ki ti kal Sered aafataŋ ni.

Ikaal 2:36

Tidindaan Uwumbɔr le nan cha ti gaa ntim ngbaan mɔmɔk, ki nyan Aroer aatiŋ ni, ki di dii Anonn aafataŋ aagbaan, ni kitisakpeŋ ki mu bi kifataŋ ngbaan aakaasisik ni na, ki di ti ker Gilead aatiŋ. Ntim ngbaan mɔmɔk aagon aa nan pɔɔ nyaŋ timi.

Josua 6:16

Nfum mulole aayoonn ngbaan aah fuu na, le bitotoorb bi pii ikpiin na aah ban bi kpaan nfum mubaa pu ki pii sakpen buyoonn na, le Josua lii waanib bumɔb ke bi faa ikaa, le ki bui ke, “Uwumbɔr le di kitiŋ kee tii nimi.