Ikaal 2:23 - Uwumbɔr aagbaŋ

²³ Krete aadikl aanib le nan ka kpak Kaasisik ni Aanyusakpem aagbaan. Bima le nan kuln Afim yaab. Binib ngbaan le nan pue ka nima chee, le bi kuln bi, ki gaa baatiŋ ki dii ŋŋangii wɔb ki ti nyan Gasa aatiŋ ni.

Ikaal 2:23 ပူးပေါင်းရင်းမြစ်များ

Mpiin 10:14

ni Patrus yaab, ni Kaslu yaab, ni Krete yaab; Krete aayaabitiib le ye Filistia yaab aanibol.

Mpiin 10:19

ki ti ker Saidonn mɔk, ki yoor kina ti saa Gerar, Gasa chee, ki cha liwipuul, ki ti pii Sodom, ni Gomora, ni Adma, ni Seboyim ki bi gbɔk Lasa aatiŋ na.

1 Bibɔrb 4:24

Solomonn le nan joo kitiŋ ki bi Yufrates Aamɔɔl liwilir wɔb na, ki nyan Tifsa aatiŋ ki bi Yufrates aagbaan na, ki ti saa Gasa aatiŋ ki bi liwilir wɔb na. Bibɔrb bi mɔmɔk nan bi Yufrates aawilir wɔb na nan ye waatutum la, le u nan kpa nsuudoon ŋitimbol ŋi mann goln u na chee.

2 Bibɔrb 18:8

U nan nyaŋ Filistia yaab le ki loon baatiwaatiir ni ntikpaam mɔmɔk. Gasa aatiŋ ni kaapepel mu nan bi waah nan loon ntim mu na ni.

1 Bibɔrb Aabɔr 1:12

ni Patrus, ni Kaslu, ni Krete aanib, (Krete aanib le ye Filistia yaab aayaajatiib).

Jeremia 47:4

N‑yoonn fuu ni ke Filistia kuln, n‑yoonn fuu ni ke ki taa ki kan Taya ni Saidonn aaterm mu gur na. Min Uwumbɔr le ga kuln Filistia yaab, bi mɔmɔk nyan ni Krete aanyun aagbaan ni na.

Amos 9:7

Uwumbɔr len ke, “Israel aanib, m gee Kus aanib ke maah gee nimi pu na la. Maah nan nyan ni nimi Ijipt aatiŋ ni pu na, kina le m nan di Filistia yaab nyan ni Krete aatiŋ ni, ki nyan Siria yaab mu Kir aatiŋ ni.

Sefania 2:4

Unii ubaa aan gur Gasa aatiŋ ni. Bi san cha Askelonn aatiŋ nkuun a. Liwingeln le bi ga di jenn nyan Asdod aanib baatiŋ ni, ki jenn nyan Ekronn aatiŋ aanib mu.

Sekaria 9:5

Askelonn aatiŋ ga kan nimina le ijawaan chuu ki. Gasa aatiŋ ga kan ni le ki ji iween aafalaa. Kina le Ekronn aatiŋ ni kaamakl mɔmɔk ga bii. Bi ga ku Gasa aatiŋ aabɔr, le Askelonn aatiŋ ga kpaln tilangbenn.

Lituln 17:26

Njan u nan naan uja ubaa, uma le ye ŋinibol mɔmɔk aayaaja. Uma Uwumbɔr le cha ŋinibol mɔmɔk bi dulnyaa wee mɔmɔk ponn ni. U nan siin n‑yoonn mu binib mɔmɔk ga li bi na, ki siin nin chee bi mɔmɔk ga li bi na.

Josua 10:41

Josua aah nan ton butɔb dii pu na mɔmɔk nan yoor u ŋŋangii wɔb, Kades Banea aatiŋ ni, ki ti saa Gasa aatiŋ ki bi nnyusakpem aagbaan na, ki kpee Gosenn aapepel, le ki ti saa ŋŋangan wɔb, Gibeonn aatiŋ ni.

Josua 11:22

Anak yaab ngbaan aa nan ki gur ki bi Israel aatiŋ ni, bi nan gur siib kina le ki bi Gasa, ni Gaf, ni Asdod aatim ni.

Josua 13:3

ki kpee Afim yaab aatiŋ ki bi ŋŋangii wɔb na. (Kitiŋ ki dɔ Sihor aabun chee, ki bi Ijipt yaab aatiŋ aanaanmɔk na, ki yoor ti ker ŋŋangan wɔb, Ekronn aatiŋ mɔk na ye Kanaann yaab aatiŋ la; Filistia yaab aabɔrb le nan bi Gasa, ni Asdod, ni Askelonn, ni Gaf, ni Ekronn aatim ni.)

Josua 15:47

Ntim mu nan ki bi na le nan ye Asdod ni Gasa aatim, ni itingbaan i bi gbɔk mu na, le ki yoor kina ki ti ker mbun mu ye Ijipt aatiŋ mɔk na, ni Kaasisik ni Aanyusakpem aagbaan.

Bibɔjirb 1:18

Uwumbɔr nan ter Juda aanib, le bi gaa ŋigongon aatiŋ ngbaan. Bi mu aa nan tee ŋmaa nyaŋ Gasa, ni Askelonn, ni Ekronn aatim, ni mu aapepel. Binib ngbaan, bi nan koo nnyusakpem aagbaan na, nan kpa itaan aah dar tikur aatɔroku tiib, kina pu na, Juda aanib aa nan ŋmaa jenn nyan bi.