Ikaal 2:15 - Uwumbɔr aagbaŋ

¹⁵ Uwumbɔr le nan gann nyan bi, le ki bii bi mɔmɔk, ŋibin piitaa ni ŋiniin ngbaan ponn ni.

Ikaal 2:15 ပူးပေါင်းရင်းမြစ်များ

Ilahn 106:26

Kina pu le u nan sak bi mbamɔm ke u ga cha bi kpoi nteersakpiin ngbaan ni,

Ilahn 32:4

Uwumbɔr, aa nan dar ntafal nwiin pu ni kinyeek; le maapɔɔn doo, ke limaln aah kuur lipeel aatotoŋ chee pu na.

Ilahn 78:33

Le u kuln baawiin ke kifuurk kibaa na, ki di tibɔbir kuln baamɔfal.

Aisaya 66:14

Ni yaa kan nimina ŋa kan, ni ga mɔɔr nimi ki tii nimi mpɔɔn ni laafee. Le ni bee ke min Uwumbɔr ter binib bi kii maamɔb na, ki mɔk maadim maaŋuul.”

Nkahm 14:28

Giin bui bi ke: ‘M puu ke maah ga li bi cha pu na, naah len pu m ŋun na, m ga ŋa nimi kina, min Uwumbɔr le len kina.

1 Korenti 10:5

Le bi ponn ni binib pam mu aa nan piir Uwumbɔr aasui. Kina pu na, bi nan kpo ki bee kipɔɔk ni.

Juud 1:5

Ni nyi maah ga tuk nimi pu na mɔmɔk. Le m ban m teer nimi. Uwumbɔr nan nyan Israel yaab Ijipt aatiŋ ni ki gaa bi lii. Le u mu nan ku bi ponn ni binib bi kaa gaa u ki kii na.

Bibɔjirb 2:15

N‑yoonn mumɔk bi buen butɔb ni na, Uwumbɔr aaŋuul nan ka bi pu, ke waah nan len pu na la. Bi nan gur bi mpombiin sakpiin ni la.

1 Samuel 5:11

Le bi ki gir yin Filistia aabɔrb biŋmu na ki nan bui bi ke, “Giin man Israel yaab Aakaal Aadakaa buen waabuul ni, aan u taa ku timi ni timi aadichal ni yaab.” Ijawaan nan bi kitiŋ ngbaan mɔmɔk ponn ni; ba pu? Uwumbɔr nan bi dar bitafal sakpen.

1 Samuel 5:6

Uwumbɔr nan daa Asdod yaab aatafal sakpen, le ni ŋa bi ijawaan. U nan cha iween i naahn ŋichakpelar ki ku bi na lir bi pu; le ŋisayik mu gbiin Asdod aatiŋ ni, ni ntim mu bi ki mann goln ki na.

1 Samuel 5:9

Dakaa ngbaan aah fuu nima chee na, le Uwumbɔr ki daa nima yaab mu aatafal ki cha bipobil yuk. U nan cha iween i naahn ŋichakpelar na ki ku bi mu, mbim ni bininkpiib mɔmɔk.

1 Samuel 7:13

Kina le Uwumbɔr nan nyaŋ Filistia yaab, le kaa ki cha bi koo ni Israel yaab aatiŋ ponn ni n‑yoonn mumɔk Samuel nan bi limɔfal ponn ni na.