Ikaal 2:11 - Uwumbɔr aagbaŋ

¹¹ Bi nan yin bi ni Anak yaab mu ke Refa yaab la, le Moab yaab ma nan yin bi ke Em yaab.

Ikaal 2:11 ပူးပေါင်းရင်းမြစ်များ

Mpiin 14:5

Ŋibin kipiik ni ŋinaa ni, le ubɔr Kedolaomer, ni bibɔrb biken nan di baajab ti to ki nyaŋ Refa aanib bi nan bi Asterof Kanayim aatiŋ ni na, ni Sus aanib bi nan bi Ham aatiŋ ni na, ni Em aanib bi nan bi Kiriataim aafataŋ ni na,

Mpiin 6:4

N‑yoonn ngbaan, ni nee aapuwɔb, le ŋiniwɔk, ni mpɔɔndam, ni bininyuum le nan bi dulnyaa ni. Ŋiniwɔk ngbaan aah nan yoor baah gee bipiib bi na le nan ma bi.

2 Samuel 21:16

Liwɔkl libaa, bi nan yin u ke Isbi‑Benob, u nan joo tikumann aakpaatuŋ ki aanyunyuun nan ga li pii ndibim kuruwaa bitaa ni ligeln aah nyuun pu na, ki pee kijaak aajupɔŋ na, nan dak ke u ga ŋmaa ku David la,

Nkahm 13:22

Njan bi nan pue buen Kanaann aatiŋ aaŋangii wɔb na la, le ki ti nyan Hebronn aatiŋ, nin chee Ahimann yaab, ni Sesai yaab, ni Talmai yaab aataŋaal pu aanib ka na, bi nan ye ŋiniwɔk ŋi bi yin ŋi ke Anak yaab na aayaabitiib la. Hebronn aatiŋ nan bi le ŋibin ŋilole aapuwɔb na Soann aatiŋ ki bi Ijipt ni na mu nin ŋa kitiŋ.

Nkahm 13:28

Tɔ, binib bi koo nima chee na kpa mpɔɔn pam, le baatim wiir ki kpa ŋigon mann goln mu mɔmɔk. Ni jer ni mɔmɔk na, ti kan ŋiniwɔk aayaabitiib bi nima chee.

Nkahm 13:33

Ti kan Anak aaniwɔk na aayaabitiib mu nima chee, ke ti yaa si bi chee kan, ti naahn inaakan la. Bi yaa lik timi kan, ti ga li bi kina le bi chee.”

Ikaal 1:28

Ba pu aan ti ga buen nima? Ti san ijawaan la. Bijab bi ti tun bi na tuk timi ke binib bi koo nima na pɔɔ, ki fɔk jer timi, le ki mu ki bi ŋigon ŋi fɔk ti tuu kitaapaak na aatim ni la. Bi nan ki kan ŋiwɔk mu nima.’

Ikaal 2:20

Bi ki yin lipepel ngbaan ke Refa yaab aatiŋ, ba pu? binib bi nan bi nima chee na, bi nan yin bi kina la, le Amonn yaab ma yin bi ke Samsum yaab.

Ikaal 3:11

Ubɔr Og le nan gur ye ŋiniwɔk Refa yaab aakookoo aanii, nima chee. Bi nan di ŋitakpal le ŋa waanikpol aadakaa, waawawaan nan ye ŋitaa ŋiloob la, le waafɔfɔk mu ga nan li pii ŋitaa kipiik ni ŋinaa, le ni dii baah nan ŋaŋni tiwan mɔmɔk pu na. Dakaa ngbaan beenin bi Amonn yaab aatiŋ Raba ni, ki nan saa din.

Ikaal 9:2

Binib ngbaan fɔk ki kpa mpɔɔn. Bi ye ŋiniwɔk la, le ni ŋun ke ubaa aan ŋmaa faa bi butɔb.