Ikaal 18:2 - Uwumbɔr aagbaŋ

² Bi taa li kpa ikpaakon ke biken aah kpa pu na, baayimɔɔn le ye ke bi ye Uwumbɔr aatotoorb ke waah nan puu tipuur pu na.

Ikaal 18:2 ပူးပေါင်းရင်းမြစ်များ

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Ilahn 119:57

Uwumbɔr, sin baanja le ye tiwan ni m ban na, m puu ke m ga li joo saakaal.

Ilahn 16:5

Uwumbɔr, sin le ye maawangol, le aa tii mi maah ban pu na; maataak ki ga woln na bi sin le aaŋaal ni.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Aisaya 61:6

Le binib ga li nyi nimi, ke ni ye Uwumbɔr aatotoorb, timi Aawumbɔr aatutum. Ni ga ji ŋitimbol ŋiken aawangol, ki li mak ke ni ye nimi yaan la.

Inandalahn 3:24

Uwumbɔr baanja le m kpa, kina pu le m kpa limakl u pu.

Esekiel 44:28

“Maah di tiwan ni tii bitotoorb Israel yaab ponn ni ke bi li joo nabr biyaabisɔsɔk na le ye maatork aatuln. Baa kpa lifaal libaa Israel aatiŋ pu; baawan mɔmɔk le ye min.

Nkahm 18:20

Uwumbɔr nan ki bui Aaronn ke, “Saa kpa liwangol libaa aayaabitiib ga ji li lifaal, le baan gii Israel yaab aatiŋ nibaa chee tii si. Min Uwumbɔr ŋeer si.”

Nkahm 18:7

Aa ni aajapɔtiib baanja le ga tun lituln li ye kitork ni kaabimbiln yaan na, ni Chain Chain Aapepel wɔb ni aatuln. Ŋitun ŋimina mɔmɔk ye nimi yaan la, ba pu? min le di kitork aatuln tii nimi ipiin. Unii u kaa ŋeer ke u tun lituln ngbaan na yaa dan tiwan ni m ŋa ni chain na chee kan, u ga kpo.”

Ikaal 10:9

Kina pu le baa nan yakr kitiŋ tii Liifai yaab aanibol ke biken na. Baah nan gaa ipiin i na le ye ke bi nan kpa nsan ke bi li ye Nidindaan Uwumbɔr aatotoorb, ke waah nan puu pu na.

Josua 13:14

Moses aa nan yakr kitiŋ tii Liifai aanibol. Uwumbɔr aah nan bui Moses pu na, Liifai yaab le nan yeh tiwan nimɔk binib nan joo toor kitork ki seer mmii ni tii Israel yaab Aadindaan Uwumbɔr na aanann ngem.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.