Ikaal 18:18 - Uwumbɔr aagbaŋ

¹⁸ M ga tun ni maabɔnabr ke saah bi pu na. U ga li ye binaabitiib ponn ni ubaa la. M ga bui u waah ga len pu na, le u ga tuk nimi tiwan nimɔk m ban na.

Ikaal 18:18 ပူးပေါင်းရင်းမြစ်များ

Ilahn 110:4

Uwumbɔr puu tipuukpaan, kaan kpeln ti ke, “Aa ga li ye utotoor ki ti saa n‑yoonn mu kaa kpa ndoon na ke Melkisedek aah nan ye pu na la.”

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Nnyam 4:12

Nima pu na, li cha. M ga ter si aa len, le ki tuk si saah ga len pu na.”

Nnyam 4:15

Bui u waah ga len pu na. M ga ter nimɔk bilee ni len, ki mɔk nimi naah ga ŋa pu na.

Aisaya 50:4

Tidindaan Uwumbɔr mɔk mi maah ga len pu na aan ki pɔɔk binib bi aataakpab yɔl na aataakpab. U cha m jek ke m pel waah ban u mɔk mi pu na kichakpiik mɔmɔk ni.

Aisaya 51:16

Min le daa taln kitaapaak, le ki baan kitiŋ aatinyik; le m bui Jerusalem yaab ke, ‘Nimi le ye maanib. M tii nimi maamɔkm, le ki joo ŋŋaal kii nimi.’”

Aisaya 51:4

Maanib, li pel man, li pel maah len pu na man: M joo maamɔkm tii ŋitimbol mɔmɔk; maakaal ga woln binimbil.

Jeremia 1:9

Nee aapuwɔb le Uwumbɔr taln uŋaal ki di meeh mmɔgban, le ki bui mi ke, “Li pel, m bi tii si tibɔr ti aa ga len na la.

Hosea 12:14

Israel aanib cha Uwumbɔr aaŋuul fii ni ti nyaŋ, baatunwanbir ŋeer nkun la. Uwumbɔr ga daa bitafal titunwanbir ti bi di tii u na pu.

Amos 2:11

Min le nan lee nijapɔtiib bibaa bi li ye maabɔnabtiib, le ki lee biken mu bi li ye maatutum bi puu ke baan nyu ndaan kpala na. Israel yaab, m gii la aa? Min Uwumbɔr le len kina.

Malakai 3:1

Tɔ, Uwumbɔr Mpɔɔnsakpiindaan gar ke, “M ga tun ni maatuun aan u nan toor nsan siin mi. Le Dindaan u ni ban na ga fuu ni libuul ngbaan ni, Waadichal ni. Ntuun mu ni neen sakpen ke ni kan mu na ga dan ki nan di maah puu tipuur ti na moon.”

Nkahm 12:13

Nima pu na, Moses nan wii yin Uwumbɔr ke, “Uwumbɔr, cha u pɔɔk.”

Nkahm 23:16

Uwumbɔr nan dan Balaam chee, le ki nan tuk u waah ga len pu na, ki giin tun u Balak chee, ke u ti di tibɔr ngbaan tuk u.

Nkahm 23:5

Uwumbɔr nan tuk Balaam waah ga len pu na, le ki tun u Balak chee, u ti bui u tibɔr ngbaan.

Tibɔnyaan ti Luk ŋmee ti na 24:19

Le u baa bi, “Tilabɔr?” Le bi bui u, “Yesu u nan ye Nasaref aatiŋ aanii na aabɔr. U nan ye Uwumbɔr aabɔnabr la. U nan kpa mpɔɔn ki tun lijinjiir aatun; waaliin mu nan kpa mpɔɔn. U piir Uwumbɔr ni binib mɔmɔk aasui.

Jɔnn 1:21

Le bi ki baa u ke, “Aa ye ŋma? Aa ye Elaija aa?” Le u bui bi, “Maa ye.” Bi nan ki baa u ke, “Aa ye Uwumbɔr aabɔnabr u bi bui ke u ga dan aa?” Le u bui bi, “Aayii.”

Jɔnn 1:25

Le bi ki baa u ke, “Saah kaa ye Kristo u ga gaa timi lii na, kaa ye Elaija, kaa ye Uwumbɔr aabɔnabr ngbaan mu na, ba pu aa muini binib nnyun ni?”

Jɔnn 1:45

Filip mu nan ti kan Natanael le ki tuk u, “Ti kan unii u Moses ni Uwumbɔr aabɔnabtiib mu nan ŋmee waabɔr Uwumbɔr aakaal aagbaŋ ni na. Uma le ye Josef aajapɔɔn Yesu, u ye Nasaref aatiŋ aanii na.”

Jɔnn 12:48

Unii umɔk yii mi, kaa gaa maaliin na kan, tiwan nibaa bi ki ga mɔk ke waabɔr bii a. Kookoo aataadaal kan, maaliin le ga mɔk ke waabɔr bii,

Jɔnn 15:15

Maan ki yin nimi ke bitutum; m yin nimi ke njɔtiib la. Ututunn aa nyi udindaan aabɔr mɔmɔk; m tuk nimi tibɔr timɔk m ŋun Nte Uwumbɔr chee na.

Jɔnn 17:18

Saah tun ni mi dulnyaa wee ni pu na, kina le m mu tun bi dulnyaa ni.

Jɔnn 17:8

ba pu? m tuk bi saah tuk mi tibɔr ti na, le bi gaa ti, ki nyi ke ni ye mbamɔn ke m nyan ni aa chee, ki pak ke si le tun ni mi.

Jɔnn 4:25

Le upii ngbaan bui u, “M nyi ke Masiya u bi yin u ke Kristo na ga dan. U yaa fuu ni kan, u ga nan tuk timi tiwan mɔmɔk aah bi pu na.”

Jɔnn 8:28

Nima pu le u bui bi, “Ni yaa nan yoor min Unibɔn Aabo kitiŋ paacham kan, ni ga bee ke m ye maah ye u na. Ni ga bee ke maa tun nibaa mbaa pu. M len Nte Uwumbɔr aah tuk mi pu na la.

Lituln 3:22

Uwumbɔr aabɔnabr Moses nan len ke, ‘Nidindaan Uwumbɔr ga tun ni ubɔnabr ubaa ni chee, ke waah tun ni mi pu na. U mu ga li ye ninaabitiib ponn ni ubaa la. Li keei waah ga len tibɔr ti na mɔmɔk man.

Lituln 7:37

Uma Moses le tuk Israel yaab, ‘Uwumbɔr ga tun ni ubɔnabr ubaa ni chee, ke waah tun ni mi pu na. U mu ga li ye ninaabitiib ponn ni ubaa la.’

Ikaal 18:15

U ga tun ni waabɔnabr u li bi ke min na, udaan ga li ye ninaabitiib ponn ni ubaa la. Ni ŋun tii u.

Ikaal 33:5

N‑yoonn mu Israel yaab aanibol ni biyidam nan kuun sil na, le Uwumbɔr ŋa baabɔr.

Ikaal 34:10

Israel yaab aatiŋ ni, Uwumbɔr aabɔnabr ubaa aa kee nyan ki bi ke Moses aah nan bi pu na, le Uwumbɔr nan len Moses chee tibɔr.

Ikaal 5:5

N‑yoonn ngbaan, min le nan sil nimi ni Uwumbɔr aakaasisik ni, le ki tuk nimi waah len pu na, ba pu? ni nan san mmii ngbaan ijawaan, le kaa kaa ke ni buen lijool ngbaan paab. “Le Uwumbɔr nan bui ke,

1 Timoti 2:5

Ba pu? Uwumbɔr ye Uwumbɔr baan la. Uchandatuln ubaa baanja le bi Uwumbɔr ni binib aakaasisik ni. Uma le ye Yesu Kristo u nan kpaln unibɔn,

Hiibru Yaab 7:22

Uwumbɔr aah puu tipuupɔln ti tii Yesu na, nima le mɔk ke tipuupɔln ngbaan le ŋan ki jer tipuukpokl na.