Ikaal 18:16 - Uwumbɔr aagbaŋ

¹⁶ “Nwiin mundaal ni nan kuun sil Sainai Aajool chee na, ni nan gaŋ ke Uwumbɔr taa ki cha ni ŋun uneel pu, ki taa ki cha ni kan mmii mu ponn ni u nan len tibɔr ni chee na daalbaadaal. Naah nan ŋun kina na, ni nan dak ke ni ga kpo la.

Ikaal 18:16 ပူးပေါင်းရင်းမြစ်များ

Nnyam 20:18

N‑yoonn mu binib ngbaan nan ŋun utaal gben, ni kakaan aawiil, ki kan utaal moor, ni iŋmanyuu Sainai Aajool ngbaan pu na, le ijawaan chuu bi, le biwon gbaa, le bi san ti sil dandar.

Nnyam 20:19

Le bi bui Moses ke, “Ni yaa ye sin le len ti chee tibɔr kan, ti ga ŋun; ti san ijawaan ke Uwumbɔr yaa len ti chee kan, nibaakan ti ga kpo.”

Jeremia 1:9

Nee aapuwɔb le Uwumbɔr taln uŋaal ki di meeh mmɔgban, le ki bui mi ke, “Li pel, m bi tii si tibɔr ti aa ga len na la.

Ikaal 1:6

U nan bui ke, “Taah nan bi Sainai Aajool chee buyoonn na, le Tidindaan Uwumbɔr nan bui timi ke, ‘Ni kal lijool ngbaan chee ni yunn pam.

Ikaal 10:4

Uwumbɔr nan ŋmee ŋitakpapapan ngbaan pu tibɔr chachaan ti u nan ŋmee njan, aan ni ye waakaal kipiik i u nan di tii nimi, buyoonn ni nan kuun lijool ngbaan taab, aan u len ni chee tibɔr mmii ni na. Uwumbɔr nan di ŋitakpapapan ngbaan tii mi,

Ikaal 9:10

Le Uwumbɔr nan di ŋitakpapapan ŋilee ŋi pu u nan di ubaa aaŋaal ŋmee waah nan len ni chee tibɔr, mmii ni, bundaal ni nan kuun si lijool ngbaan chee na, tii mi.

Hiibru Yaab 12:19

ki ŋun kakaan wii mpɔɔn pu, ki ŋun nneel mu len mpɔɔn pu. Baah ŋun nneel ngbaan pu na, le bi gaŋ Uwumbɔr ke u taa ki len bi chee tibɔr.