Ikaal 18:10 - Uwumbɔr aagbaŋ

¹⁰ Ni taa di nimi aabim see mmii ni, nimi aatork aabimbiln pu. Ni taa cha ubaa le ye ubɔɔ, ubaa mu taa ji nnyɔk. Ubaa taa ban ke u bee tiwan ni ga fe ŋa fen na.

Ikaal 18:10 ပူးပေါင်းရင်းမြစ်များ

Mpiin 44:5

Ba ŋa ni sun maaninkpel aakunabr aayikuuk? U joo kima le nyu nnyun, ki joo kima le beer tiwan ni choo ki ga ŋa na. Ni ŋa bakaa u bir sakpen na.’”

2 Bibɔrb 16:3

le ki dii Israel aatiŋ aabɔrb aasan i kaa ŋan na. U nan kpaan di ujapɔɔn kɔr toor ŋiwaa ki see u mmii ni tii ŋi, le ki tun tijɔŋ aatunwanbir ti binib bi Uwumbɔr nan jenn nyan bi baatiŋ ni buyoonn Israel yaab nan choo na nan tun na.

2 Bibɔrb 17:15

Bi nan yii kaa kii waamɔkm, baa nan joo tipuur ti u nan puu tii biyaajatiib na, le kaa di waah nan sak bi pu na yin nibaa. Bi nan dooni waafam tiib, le ki mu ŋa fam bibaa, le ki nan dii ŋitimbol ŋi mann goln bi na aakaal ki yiil Uwumbɔr aah bui ke bi taa li ŋani ŋitimbol ngbaan aah ŋani pu na.

2 Bibɔrb 17:17

Bi nan kɔr bijapɔtiib ni bibisatiib ki joo seer mmii ni tii ŋiwaa; bi nan buu tibɔɔr bibɔɔb, ni bipɔnijoob chee, le ki di bibaa tii tiwan ni kaa ŋan Uwumbɔr chee na pel pel, le ki fiin waaŋuul.

2 Bibɔrb 21:6

U nan di ujapɔɔn toor kitork ki di see mmii ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na chee, ki len bitekpiib chee tibɔr. U nan tun Uwumbɔr titunwanbir sakpen, le ki fiin waaŋuul.

2 Bibɔrb 23:24

Ubɔr Josia nan nyan Jerusalem aatiŋ ni, ni Juda aatim mɔmɔk ni, binib bi mɔmɔk bui ke bi ŋun bitekpiib aaliin na, ni bibɔɔb mɔmɔk, ni ŋidichal aawaa, ni ŋiwaa mɔmɔk, ni ŋiwaa aadoon mɔmɔk, ke u kan nsan aan ikaal i ŋmee kigbaŋ ki Utotoorninkpel Hilkia nan kan Uwumbɔr Aadichal ni na tun lituln.

1 Bibɔrb Aabɔr 10:13

Sɔɔl aah kaa nan dii Uwumbɔr mbamɔm na, le u nan kpo. U nan yii Uwumbɔr aakaal, le ki tee ban bitekpiib chee nsurm,

2 Bibɔrb Aabɔr 28:3

le ki seer nnyɔknii Hinom Aafataŋ ni. U nan kpaan di ujapɔtiib kɔr ki see mmii ni tii ŋiwaa, le ki tun titunwanbir ti binib bi Uwumbɔr nan jenn nyan bi baatiŋ ni buyoonn Israel yaab nan choo na aatun.

2 Bibɔrb Aabɔr 33:6

U nan di ujapɔtiib toor kitork ki di see mmii ni, Hinom Aafataŋ ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na, ni binib bi len bitekpiib chee tibɔr na chee. U nan tun Uwumbɔr titunwanbir sakpen le ki fiin waaŋuul.

Nnyam 22:17

Tɔ, ni yaa ye ke upiibo ngbaan aate aa kii ke uja ngbaan yoor ubisal kan, see u pan upiibo ngbaan aate tichoowan ti ŋeer usapɔɔn u kaa nyi uja na aapal.

Nnyam 22:18

“Ni ku upii u jin nnyɔk ki joo ŋani iwaan aawan na.

Aisaya 47:13

Hali saah kani nsurm mumɔk na, saa kpa mpɔɔn mubaa. Cha saanib bi lik iŋmabi ki buu tibɔɔr na dan ki nan gaa si lii, bima le bui ke bi ye binib bi bae iŋmabi, ki nyi kitaapaak aapepel mɔmɔk, ki tuk si uŋmal ki ti saa uŋmal tiwan ni ga ŋa si na.

Jeremia 27:10

Bi ŋmanni nimi la, le kina ngbaan ga cha bi chur nimi buen dandar ki cha nimi aatiŋ. M ga jenn nyan nimi, le bi ku doo nimi.

Jeremia 27:9

Taa ŋun tii bibɔnabr man, bee unii umɔk bui ke u ga ŋmaa len tiwan ni ga fe ŋa fen na tidaŋ ni, bee bitekpiib aawiin, bee binib bi joo inyɔk tun na. Bi mɔmɔk tuk nimi le ke ni taa kii tii Babiloŋ aabɔr.

Jeremia 32:35

Bi maa liwaal Baal aatork aabimbin Hinom Aafataŋ ni, ke bi li joo bijapɔtiib ni bibisatiib toor kitork tii liwaal Molek. Maa nan bui bi ke bi ŋa kina; kina aalandak aa nan kpaan koo nsui ni ke bi ga ŋa kina aawan ki di Juda aanib koon titunwanbir ni.”

Jeremia 7:31

Bi maa kitork aabimbiln li bi yin li ke Tofef na, Hinom aafataŋ ni, ke bi li joo bijapɔtiib ni bibisatiib toor kitork mmii ni. Maa nan bui bi ke bi ŋa kina, kina aalandak aa nan kpaan koo ni nsui ni.

Liifai Yaab 19:26

“Ni taa ŋmɔ tinann ti nsin beenin bi ti ni na. Ni taa li ŋani bibɔɔb aatuln ki ji inyɔk.

Liifai Yaab 19:31

“Ni taa ban binib bi baa bitekpiib chee tibɔr na aasurm. Ni yaa ŋa kina kan, ni ga bii nibaa, kaan ki li bi chain. Min le ye Nidindaan Uwumbɔr.

Liifai Yaab 20:6

“Ubaa yaa buen bibɔɔb chee u ti ban nsurm bitekpiib chee kan, m ga daa utafal, waan ki li ye maanib ponn ni ubaa.

Maika 5:12

M ga bii nimi aanyɔk i ni joo tun nimi aatun na, ki cha ni taa ki li kpa bibɔɔb.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Lituln 8:9

Le uja ubaa nan bi nima bi nan yin u ke Simonn; u nan ye ubɔɔ la, ki tun lijinjiir aatun ŋi gar Samaria aatiŋ aanib na pam, le ki yoor ubaa ke uma le ye uninyuun.

Galantiya 5:20

ki dii ŋiwaa, ki chuun ji inyɔk, ki nan binib, ki ban tibɔr, ki kpa lipiipoln, ki kpa liŋuul, ki kpa kukumɔŋ, ki kpak tɔb kinikpakpak, ki yakr tɔb,

Ikaal 12:31

Ni taa li dooni Nidindaan Uwumbɔr ke baah dooni baawaa pu na, ba pu? bi dooni baawaa ki ŋani tiwan ni kaa ŋan na aabɔŋ, le Uwumbɔr nan kina aabimbin. Hali bi joo baabim le kɔr toor kitork ki seer mmii ni, ŋibimbin paab tii ŋiwaa.

1 Samuel 15:23

Aa yaa yii waamɔb kan, ni ye titunwanbir ke kisook na la. Kigaak mu bir ke ŋiwaa aadoon na la. Saah yii Uwumbɔr aamɔb pu na, kina le u mu yii si, ke saan ki li ye ubɔr.”

1 Samuel 28:3

Le Samuel nan kpo, le Israel yaab mɔmɔk nan wii waakpuul ki ti sub u udo aatiŋ Rama ni. Sɔɔl nan jenn nyan bibɔɔb, ni binib bimɔk joo inyɔk tun lituln na Israel ni.

1 Samuel 28:7

Le Sɔɔl bui waaninkpiib ke, “Ban kan man upii u joo inyɔk buu tibɔɔr na, aan m buen u chee ti baa lik.” Bi nan bui u ke, “Ubaa bi Endor ni.”

1 Samuel 28:8

Le Sɔɔl kpeln waawanpeenkaan, ki di ni kaa ye ubɔr aawanpeenkaan na peen, le ki di waajab bilee buen bi ti kan upii ngbaan kinyeek. U nan ti bui upii ngbaan ke, “Baa bitekpiib tii mi aan ki bui mi tiwan ni ban ni ŋa na. Yin utekpiir u aayimbil m ga yin na.”

1 Samuel 28:9

Le upii ngbaan bui u ke, “Aa nyi gbingbin Ubɔr Sɔɔl aah ŋa pu na, waah jenn nyan bibɔɔb, ni binib bi joo inyɔk tun lituln na mɔmɔk Israel pu na. Ba ŋa aa ban aa ŋmann mi ke bi ku mi?”