Ikaal 17:9 - Uwumbɔr aagbaŋ

⁹ ki di tibɔr ngbaan ŋa bitotoorb bi ye Liifai yaab na, ni ubɔjir u bi lituln ni n‑yoonn ngbaan na aaŋaal ni. Bima le ga lik tibɔr ngbaan ni.

Ikaal 17:9 ပူးပေါင်းရင်းမြစ်များ

1 Bibɔrb Aabɔr 26:29

Isar aayaabitiib ponn ni, Kenania ni ujapɔtiib le nan ye bi lik ŋitun mɔmɔk pu na; bima le nan ŋmee ŋitun ni tiwan ni mɔmɔk ŋani na aabɔr bilni, le ki toor Israel aanib aakaasisik ni tibɔr.

Nnyam 18:16

N‑yoonn mu binib bilee kpa kinikpakpak na, bi ga dan m chee, le m bee u aabɔr ŋan na, le ki tuk bi Uwumbɔr aakaal, ni waah ban pu na.”

Nnyam 22:8

Bi yaa kaa chuu unaayuk ngbaan kan, bi di unii u joo ŋimombil, bee tiwanyaan ngbaan na, di dan min Uwumbɔr aanimbiin ni, aan ki cha u puu tipuur ke waa jin tiwan ngbaan ubaa.

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Esekiel 44:24

Tibɔr yaa ŋa kan, bitotoorb le ga di maakaal aah mɔk pu na toor ti. Bi li joo maasan aadiim aajim aasan, ni yaah mɔk pu na, ki li joo Likpaakool daal aawiin chain.

Hagai 2:11

U nan bui ke, “Baa bitotoorb ki bee mbaan mue aabɔr.

Sekaria 3:7

Uwumbɔr Mpɔɔnsakpiindaan len ke: “Aa yaa joo maakaal, ki tun lituln li m di tii si na kan, aa ga li beenin ye Maadichal ni laachin aajojoor, le m ga tii si nsan ke aa dan nnimbiin ni ke maatuuntiib ngbaan.

Sekaria 7:3

ki baa waabɔnabtiib ni bitotoorb mbaan mumina ke: “Ti li beenin wii Uwumbɔr Aadichal aah bii pu na, ki lulni bumɔb ŋmaŋmu ni ke taah puen ŋa ŋibin ŋi jer pam na ni pu na aa?”

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Ikaal 16:18

“Nyan bibɔjirb, ni biyidam kaan ntim mu Nidindaan Uwumbɔr di tii nimi na mɔmɔk ni. Binib ngbaan li ji tibɔr, ki taa li kpa imaagann.

Ikaal 17:10

Bi yaa lik ti ponn ni, ki bui nimi pu na kan, ni ŋa baah len pu na.

Ikaal 21:5

Liifai aanib bi ye bitotoorb na mu li bi nima chee, ba pu? bima le ga ŋmaa len kina aakun aabɔr. Nidindaan Uwumbɔr le nyan bi ke bi li tun waatuln, aan ki li joo waayimbil ŋani tinyoor ŋani binib pu.

Ikaal 25:1

“Nimi Israel yaab ŋmeen aajab bilee yaa kpa kijaak ki di tɔb buen libɔjil ni, aan ubaa ti jin mbamɔn, uken aabɔr bii kan,

Ikaal 33:10

Bima le ga mɔk saanib aan bi li joo saakaal mbamɔm; Bima le ga di tiwakor toor kitork saabimbiln paab.