Ikaal 17:7 - Uwumbɔr aagbaŋ

⁷ Ni cha seeraadam ngbaan pue mee u ŋitakpal, aan nimi bi gur na mu kpee bi pu, ki ku u. Ni yaa ŋa kina kan, ni ga nyan titunwanbir ngbaan ni chee.

Ikaal 17:7 ပူးပေါင်းရင်းမြစ်များ

Liifai Yaab 24:14

“Cha bi nyan uja ngbaan linampal ki di u buen nibaa chee, ki cha unii umɔk ŋun ke uja ngbaan puun lii Uwumbɔr aayimbil pu na di uŋaal paan uyil paab ki bui ke waabɔr bii, nee aapuwɔb, Israel aanib ngbaan mɔmɔk mae u ŋitakpal ki ku u,

Jɔnn 8:7

Bi nan beenin baa u, le u yaar ki bui bi, “Ni ponn ni u kaa kpa taani na kan, u puen mee upii wee litakpal,”

Ikaal 13:10

Ni mae ŋitakpal ku u, ba pu? u ban u ŋmann nimi aan ni yii Nidindaan Uwumbɔr u nyan ni nimi Ijipt aatiŋ ni, ki nyan nimi tinaagbiir ni na la.

Ikaal 13:5

Tɔ, ubɔnabr ngbaan, bee unii u nyi tidaŋ aatataa na yaa bui nimi ke ni yii Uwumbɔr u nan nyan ni nimi Ijipt yaab aatiŋ ni, nin chee ni nan ye binaagbiib na kan, ni ku u. Unii ngbaan aaboln ye mbiindaan la, le ki pɔɔni ubaa ke u nyan nimi Uwumbɔr aasan mu u tuk nimi ke ni li dii mu na ni. Ni ku udaan ngbaan, nima kan, ni ga gaa nibaa titunwanbir chee lii.

Ikaal 13:6

“Hali ni yaa ye aana aabo, bee aajapɔɔn, bee aabisal, bee aapuu u aa gee sakpen na, bee aajɔ u aa ni u aan ŋmaa yakr tɔb chee na, le yaa loon bui si ke ni li dooni ŋiwaa kan, aa taa kii tii u. Aa ni aayaajatiib aa kee dii ŋiwaa ngbaan.

Ikaal 13:9

Ni ku u. Sin u, u pue len aa chee kina na kan, aa piin ki li mae u ŋitakpal aan ki cha biken kpee aa pu.

Ikaal 17:12

Unii u yii ubɔjir, bee utotoor u bi lituln ni liyaadaal ngbaan na aamɔb kan, ni ku u. Ni yaa nyan udaan ngbaan kina kan, ni ga nyan kina aatunwanbir, Israel aatiŋ ni.

Ikaal 21:21

Bi cha kitiŋ ngbaan ni aajab mɔmɔk mae ŋitakpal ki ku u, nima kan, ni ga nyan titunwanbir kina aaboln nibaa chee. Binib bimɔk bi Israel aatiŋ kee ni na yaa ŋun naah ŋa pu na kan, bi ga san ijawaan.

Ikaal 22:21

bi di u buen ute aadichal aanampal, aan kitiŋ ngbaan ni aajab mae ŋitakpal ku u. Upii ngbaan aah nan laa bi ute do ki bee uja aan ki nin kun tichar pu na, u jinn waanib Israel yaab inimɔɔn. Ni yaa ku u kan, ni ga nyan kina aatunwanbir aaboln nibaa chee.

Ikaal 22:22

“Ni yaa chuu uja, uŋeen aatɔ aapuu chee kan, ni ku bi mɔmɔk bilee. Ni yaa ŋa kina kan, ni ga nyan kina aatunwanbir aaboln nimi Israel yaab chee.

Ikaal 22:24

ni nyan bi kitiŋ ngbaan aagbaan ki ti mae ŋitakpal ku bi. Ni ŋeer ke ni ku upiibo ngbaan, ba pu? u yii, kaa wii yin binib; u yaa ba wii kan, binib ba ga ŋun ki gaa u lii. Le uja mu ŋeer ke u kpo, ba pu? u doon upiibo u ubaa ban u yoor na chee. Ni yaa ku bi mɔmɔk bilee ngbaan kan, ni nyan kina aatunwanbir aaboln nibaa chee a.

Ikaal 24:7

“Israel aanii umɔk loon chuu uŋeen aatɔ ki di u ŋa waanaagbiija, bee u di u kooh bi ti ŋa u unaagbiinii na kan, ni ku u. Ni yaa ku u kan, ni ga nyan kina aatunwanbir aaboln nibaa chee.

Bibɔjirb 20:13

Nyan ni man bininsum ngbaan Gibea aatiŋ ni, aan ti ku bi ki nyan titunwanbir ngbaan Israel aanib ni.” Tɔ, Benjaminn aanibol aanib ngbaan aa nan di Israel yaab ngbaan aabɔr ngbaan yin nibaa.