Ikaal 17:3 - Uwumbɔr aagbaŋ

³ ki dooni ŋiwaa, bee nwiin, bee uŋmal, bee iŋmabi, ki yenn Uwumbɔr chee.

Ikaal 17:3 ပူးပေါင်းရင်းမြစ်များ

Mpiin 2:1

Kina le Uwumbɔr nan naan kitaapaak, ni kitiŋ, ni tiwan mɔmɔk doo.

2 Bibɔrb 21:3

U nan ki gir maa tiwaadir ti ute Hesekia nan ber na. U nan maa ŋiwaa aatork aabimbin ke bi li dooni liwaal Baal nima chee, le ki naan liwaapii Asera aanaŋ, ke Israel yaab aabɔr Ahab aah nan ŋani pu na, ki dooni iŋmabi mu.

Nnyam 22:20

“Ni ku unii u toor kitork tii liwaal na.

Jeremia 19:5

le ki maa liwaal Baal aabimbin ke bi li joo baabim toor kitork ki seer mmii ni ŋipaab tii li. Maa nan bui bi daalbaadaal ke bi ŋa kina; kina aa nan kpaan koo n‑yil ponn ni.

Jeremia 32:35

Bi maa liwaal Baal aatork aabimbin Hinom Aafataŋ ni, ke bi li joo bijapɔtiib ni bibisatiib toor kitork tii liwaal Molek. Maa nan bui bi ke bi ŋa kina; kina aalandak aa nan kpaan koo nsui ni ke bi ga ŋa kina aawan ki di Juda aanib koon titunwanbir ni.”

Jeremia 7:31

Bi maa kitork aabimbiln li bi yin li ke Tofef na, Hinom aafataŋ ni, ke bi li joo bijapɔtiib ni bibisatiib toor kitork mmii ni. Maa nan bui bi ke bi ŋa kina, kina aalandak aa nan kpaan koo ni nsui ni.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Esekiel 8:16

Kina pu na, u nan di mi koon Uwumbɔr Aadichal aachinbik ni. Chain aapepel ni, mbisamɔb chee, kitork aabimbiln, ni baah diir nin chee na aakaasisik ni, bijab moninko ni biŋmu nan ka nima. Bi nan fenn bipuwɔb tii chain aapepel, le ki gbaa kitiŋ ki dooni nwiin mu laa bi puur ni na.

Ikaal 11:16

Ni taa cha nibaa ŋmann nimi aan ni yii Uwumbɔr ki fenn dii ŋiwaa ki dooni ŋi.

Ikaal 17:4

Ni yaa ŋun kina aabɔr kan, ni pɔɔn nibaa ki lik tibɔr ngbaan ponn ni mbamɔm. Ni yaa ye mbamɔn ke titunwanbir ngbaan sil bi Israel aatiŋ ni kan,

Ikaal 4:19

Ni taa cha nibaa tɔŋ nimi aan ni li dooni tiwan ni ni waa kitaapaak, ni ye nwiin, ni uŋmal, ni iŋmabi na. Nidindaan Uwumbɔr le di tiwan nimina mɔmɔk tii binib bi mɔmɔk bi dulnyaa wee ni na.

Josua 23:16

Ni yaa kaa joo nkaal mu Nidindaan Uwumbɔr bui nimi ke ni li joo mu na, ki yaa dooni ŋiwaa kan, waaŋuul ga fii, le u ga daa nitafal, naan yunn le ni mɔmɔk ubaa kina aan ki gur kitinyaan ki u di tii nimi na ponn ni.”