Ikaal 17:20 - Uwumbɔr aagbaŋ

²⁰ Nima kan, waan dakl ke u jer Israel yaab biken, ki yii Uwumbɔr aasan. Nima kan, u ga yunn nnaan ngbaan ponn ni, le uyaabitiib ga li joo nnaan ngbaan ki yunn pam.

Ikaal 17:20 ပူးပေါင်းရင်းမြစ်များ

2 Samuel 22:23

M dii waakaal mɔmɔk; maa yii waamɔb.

1 Bibɔrb 11:34

M mu aan tee gaa nnaan ngbaan mɔmɔk Solomonn chee, m ga cha u li beenin bi mpɔɔn ni, buyoonn u laa bi limɔfal ni na. Maatutunn David, u m nan lee u aan u kii tii maakaal, ni maah tuk u pu na pu, le m ga ŋa kina.

1 Bibɔrb 11:36

le ki ga tee cha Solomonn aajapɔɔn li joo linibol libaa, aan ki li kpa maatutunn David aayaabil ubaa n‑yoonn mɔmɔk u li joo Jerusalem aatiŋ, kitiŋ ki m lee ki ke bi li dooni mi nima chee na.

1 Bibɔrb 15:3

U nan tun titunwanbir baan ti ute nan tun na, le kaa nan di ubaa tii Udindaan Uwumbɔr kookoo, ke uyaaja David aah nan di tii pu na.

1 Bibɔrb 15:5

David aah nan tun ŋitun ŋi piin Uwumbɔr aasui, kaa yii waah tuk u pu na pu, le u nan ŋa kina. David aataani ubaa u, u nan tun na le ye Hef aanii Uria aabɔr na baanja.

1 Bibɔrb 2:3

ki ŋa Aadindaan Uwumbɔr aah bui si ke aa ŋa pu na. Li dii waakaal, ni waamɔkm mɔmɔk, baah ŋmee i pu Moses Aakaal ponn ni na, aan ki kan tinyoor saatuln mɔmɔk ni, ni nin chee mɔk aa buen na.

2 Bibɔrb 10:30

Uwumbɔr nan bui Jehu ke, “Aa ŋa Ahab aayaabitiib tiwan ni mɔmɔk m ban ke aa ŋa na. Kina pu na, m puu ke aayaabitiib aayaabisɔsɔk ga li ye Israel aatiŋ aabɔrb.”

2 Bibɔrb 14:10

Tɔ, Amasia, aa kpa kipupuk ke aa nyaŋ Edom yaab a. Cha kina aayimbil ŋeer si, aan aa li ka aado. Ba ŋa aa ban aa ban tibɔr tii aa ni saanib?”

2 Bibɔrb Aabɔr 25:19

Tɔ, Amasia, aa kpa kipupuk ke aa nyaŋ Edom yaab a, tɔ, m ban m sur si ke aa li ka aado suuna. Ba ŋa aa ban tibɔr tii aa ni saanib?”

2 Bibɔrb Aabɔr 26:16

Tɔ, Ubɔr Usia aah pɔɔk na, le u gur kpa kipupuk, le ni tur u lii libuul ni. U nan koo Uwumbɔr Aadichal ni ki ti see tulalee aayon, le ki bii Udindaan Uwumbɔr aakaal.

2 Bibɔrb Aabɔr 33:12

Waafalaa ni, le u sunn ubaa taab, ki fenn toŋ Udindaan Uwumbɔr, ki gaŋ u ke u ter u.

2 Bibɔrb Aabɔr 33:19

Ubɔr ngbaan aameel, ni Uwumbɔr aah nan kii li pu na, ni waah nan tun titunwanbir ti ki nin kpeln waabimbin na, ni tibɔbir ti u nan ŋa na, ni waah nan maa tiwaadir ti na, ni liwaapii Asera aanaŋ ti u nan naan na, ni ŋiwaa ŋi u nan dooni na, mɔmɔk mu bi Uwumbɔr aabɔnabtiib aagbaŋ ni.

2 Bibɔrb Aabɔr 33:23

Tɔ, uma aa nan tee sunn ubaa taab ke ute na ki fenn toŋ Uwumbɔr. U nan kpaan ye utunwanbirdaan ki jer ute.

2 Bibɔrb Aabɔr 34:27

le aa kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem aatiŋ, ni kaanib aatafal pu na. M ŋun saameel,

Ilahn 119:102

Sin aabaa aah ye maamɔmɔkr na, maa lik saakaal fam.

Ilahn 132:12

Aajapɔtiib yaa dii mi mbamɔm, ki kii ikaal i m di tii bi na kan, bijapɔtiib mu le ga nan gaa nnaan, ki li ye bibɔrb n‑yoonn mɔmɔk.”

Ilahn 19:11

Ŋi tii mi, saatutunn nlan; le aa pa mi maah kii tii ŋi pu na.

Ŋiyataŋak 10:27

Kii tii Uwumbɔr, ki li kpa limɔfal li fɔk na. Bibiindam kpoi kaa fuur baakundaal.

Ŋiyataŋak 27:24

ba pu? liwangol aan gaar unibaan chee. Hali ŋitimbol aan ŋmaa li bi ki ti saa n‑yoonn mu kaa kpa ndoon na.

Ulandaan 8:13

bibiindam ma kan aan kan kina. Baamɔfal bi ke kijunjuŋ na la, le baah kaa kii Uwumbɔr aamɔb na, bi ga kpo baabiyar ni.”

Aisaya 2:12

Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Habakuk 2:4

Tibɔr ngbaan sɔ: ‘Utunwanbirdaan aan ŋmar, le uninyaan aah gaa Uwumbɔr ki kii na, u ga li kpa limɔfal.’”

2 Korenti 12:7

Tɔ, Uwumbɔr aah nan mɔk mi lijinjiir aawan sakpen pu na, waa ban ke m yoor mbaa paacham lijinjiir aawan ngbaan pu. Nima le u cha limukl li nyan ni kinimbɔŋ chee na muk mi. Limukl ngbaan wu mi ke nkokon aah saa tiwon kan, ni wu pu na.

Ikaal 12:25

Ni yaa joo ikaal ngbaan mbamɔm kan, Uwumbɔr ga li kpa mpopiin ni pu, le ni ga li ŋan tii nimi, ni nimi aamaal.

Ikaal 12:28

Ni li joo ikaal imɔk m di tuk nimi na mbamɔm, le tiwan mɔmɔk ga li ŋan tii nimi, ni niyaabitiib, ki joo cha n‑yoonn mu kaa kpa ndoon na, ba pu? ni yaa ŋani tiwan ni ŋan na kan, Nidindaan Uwumbɔr ga li kpa mpopiin ni pu.

Ikaal 12:32

“Ni pɔɔn nibaa ki ŋa maah bui nimi pu na mɔmɔk, ni taa di tiwan nibaa kpee maah mɔk nimi pu na, ki mu taa nyan nibaa mu.

Ikaal 17:11

Ni dii baah siin pu na mbamɔm, aan ki ŋa baah mɔk nimi pu na, ki ti doo.

Ikaal 4:2

Ni taa di nibaa kpee ikaal ngbaan ni, ki taa nyan nibaa i ni. Ni kii tii Nidindaan Uwumbɔr aakaal i m joo tuk nimi na mbamɔm.

Ikaal 5:32

“Nimi Israel yaab, ni pɔɔn nibaa man, aan ki li ŋani tiwan nimɔk Nidindaan Uwumbɔr bui ke ni ŋa na. Ni taa yii waakaal mubaa man.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

1 Samuel 10:25

Samuel nan kpiir tuk binib ngbaan ubɔr aasan, ni waatun aah ye pu na, le ki ŋmee ni ŋa kigbaŋ ponn ni, ki di bil Uwumbɔr aadiik ni, le ki cha binib ngbaan mɔmɔk gir kun.

1 Samuel 15:23

Aa yaa yii waamɔb kan, ni ye titunwanbir ke kisook na la. Kigaak mu bir ke ŋiwaa aadoon na la. Saah yii Uwumbɔr aamɔb pu na, kina le u mu yii si, ke saan ki li ye ubɔr.”