Ikaal 17:16 - Uwumbɔr aagbaŋ

¹⁶ Ubɔr ngbaan taa li kpa itaan sakpen ki di tii waajab, u mu taa cha bi buen Ijipt aatiŋ ni, ke u ti daa itaan; ba pu? Uwumbɔr bui ke waanib ponn ni ubaa taa ki gir buen kitiŋ ngbaan ni.

Ikaal 17:16 ပူးပေါင်းရင်းမြစ်များ

2 Samuel 8:4

U nan chur waajab bi dik itaan pu na ikui kipiik ni ilole la, ki chur bijab bi chuun bitaa pu na mu ŋichur moninko. U nan nyan itaan i ga ŋeer itaan aatɔroku mam nkub na, le ki gaa kpar i gur na aataachur.

1 Bibɔrb 1:5

Tɔ, Absalom aah kpo na, David ni upuu Hagif aajapɔɔn Adonija le nan gur ye ujapɔpol ki fu. U nan ye uja u ŋan sakpen na la. David aa nan kee daa utafal tibɔr tibaa pu, le unimbil nan man ke uma le ga li ye ubɔr. U nan ban ubaa aataan aatɔroku tiib, ni itaan, ni bijab bi ga kiir u na piiŋmu.

1 Bibɔrb 4:26

Solomonn nan kpa tɔroku aataan ŋichur imonko ilee, ni itaan ngbaan aah koo tidir ti ponn ni na, le ki kpa itaan i waajab diŋni i pu na ŋichur kipiik ni ŋilee.

1 Bibɔrb 5:6

Kina pu na, tun saatutum Lebanonn aachook ni, aan bi ti gaa santina aadɔ tii mi. Bi ni maatutum le ga li tun, le m ga pa saah ga siin kidaak ki na. Aa nyi ke maatutum aa nyi idɔ aagaam ke saatutum aah nyi pu na.”

2 Bibɔrb Aabɔr 1:16

Waaninkpiib le nan lik itaan i nyan ni Musri, ni Silisia aatim ni na,

2 Bibɔrb Aabɔr 9:25

Ubɔr Solomonn nan ki kpa itaan ni yaatɔroku tiib aasisii chee ŋiker ŋichur ŋinaa la, le ki kpa butɔb aataan mu ŋichur kipiik ni ŋilee. Ibaa nan bi Jerusalem ponn ni, le iken mu bi bi ntim muken na ni.

Ilahn 20:7

Bibaa tii baatɔb aataan aatɔroku le naadii, le biken mu tii baataan naadii, le tima tii Tidindaan Uwumbɔr aapɔɔn naadii.

Nnyam 13:17

N‑yoonn mu Ijipt aabɔr ngbaan nan tii nsan ke binib ngbaan nya ki li cha na, Uwumbɔr aa nan cha bi dii Filistia aasan, nsan ngbaan mu le nan geei kaa daa. Uwumbɔr nan dakl ke, “Maa ban binib ngbaan kpeln baalandak ki gir buen Ijipt aatiŋ ni buyoonn bi kan ke bi ga to butɔb nsan ni na.”

Nnyam 13:18

Nima pu na, u nan di bi mann dii nteersakpiin pu ki toŋ Limɔɔkal Aanyusakpem wɔb. Israel yaab nan gor bi to butɔb.

Nnyam 14:13

Moses nan giin bui bi ke, “Taa san ijawaan man. Sil chob man, ni ga kan Uwumbɔr aah ga ŋa pu ki gaa nimi lii din wee na. Naan ki kan Ijipt yaab bee daalbaadaal.

Aisaya 2:7

Salmaa ni tikunabr le gbii kitiŋ ngbaan ni, le ubaa aa nyi baapɔɔn mɔk. Itaan le gbii baatiŋ ngbaan ni, le ubaa aan ŋmaa kahn baataan aatɔroku tiib.

Jeremia 42:19

Le m ki moo len ke, “Uwumbɔr bui mi ke m tuk nimi bi gur Juda ni na ke ni taa buen Ijipt aatiŋ ni. Kina pu na, m sur nimi dandana wee ke

Esekiel 17:15

Juda aabɔr nan nyan upuwɔb, le ki buen Ijipt aabɔr chee ti ban itaan, ni butɔb aajab bi wiir na. U ga nyaŋ aa? U ga ŋmaa nya tibɔr ngbaan ni ii? Waan ŋmaa bii kimɔbaan ngbaan kaa kan ntafadaan.”

Hosea 11:5

“Bi yii kaan gir ni m chee, kina pu le bi ga ki gir Ijipt aatiŋ ni, le Asiria aabɔr ti li joo bi.

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Maika 5:10

Uwumbɔr bui ke, “N‑yoonn ngbaan kan, m ga gaa nimi aataan ni chee, le ki bii nimi aataan aatɔroku tiib.

Ikaal 28:68

Uwumbɔr ga cha iŋɔsakpiin giin nimi buen Ijipt aatiŋ ni, nin chee u nan puu ke waan cha ni ki gir buen na. Nima chee le ni ga ti pɔɔn nibaa ke ni di nibaa kooh tii nimi aadim aan ki li ye baanaagbiib, le ubaa mu aan li ban ke u daa nimi.”

1 Samuel 8:11

Samuel nan kpiir tuk bi ke, “Kina le nimi aabɔr ngbaan ga nan li joo nimi: u ga di nijapɔtiib ŋa butɔb aajab; bibaa ga li ye butɔb aataan aatɔroku aatutum, biken mu ga li ye waatɔb aajab bi dik itaan pu na, le biken mu ga loln waataan aatɔroku mam pu nsan ki san.