Ikaal 17:12 - Uwumbɔr aagbaŋ

¹² Unii u yii ubɔjir, bee utotoor u bi lituln ni liyaadaal ngbaan na aamɔb kan, ni ku u. Ni yaa nyan udaan ngbaan kina kan, ni ga nyan kina aatunwanbir, Israel aatiŋ ni.

Ikaal 17:12 ပူးပေါင်းရင်းမြစ်များ

Esra 10:8

Bi nan bui ke joo cha ni iwiin itaa daal na, unii umɔk yii kaa dan na, bi ga gaa waawangol mɔmɔk, le waan ki li kpa nsan ke u ye binib ngbaan ponn ni ubaa.

Ilahn 19:13

ki ki nyan mi titunwanbir ti m nyi ki tun ti na ni; taa cha ti li kpa mpɔɔn m pu, aan m li ŋan chain ki taa li kpa titunwanbir tibaa.

Ŋiyataŋak 21:11

Unii u kpa kigaak na yaa kan ntafadaan kan, nima chee le bigbaam mu bae nlan. Ulandaan ma ga bae nlan baah mɔk u tiwan ni na chee la.

Hosea 4:4

Uwumbɔr bui ke, “Ubaa taa galn binib ngbaan ki taa sak bi; nimi bitotoorb chee le maagalm cha.

Sekaria 3:7

Uwumbɔr Mpɔɔnsakpiindaan len ke: “Aa yaa joo maakaal, ki tun lituln li m di tii si na kan, aa ga li beenin ye Maadichal ni laachin aajojoor, le m ga tii si nsan ke aa dan nnimbiin ni ke maatuuntiib ngbaan.

Nkahm 15:30

Tɔ, u yaa nyi le ki tun titunwanbir, ki ye utinbo, bee uwɔwɔnii kan, usui aah kaa lik faar Uwumbɔr pu na, ni ku u;

Nkahm 15:31

ba pu? u yii Uwumbɔr aamɔb, le ki bii waakaal. Unii ngbaan aan ki li bi waanib ponn ni. Uma le ban ubaa aakun.

Matiu 10:14

Lidichal libaa aanib, bee kitiŋ kibaa aanib yaa kaa gaa nimi, ki yaa kaa kii nimi aabɔr kan, ni nyan nima ki kpaar nitaa aatatan ki lii nima.

Tibɔnyaan ti Luk ŋmee ti na 10:16

Yesu nan tuk waadidiliib, “Unii u ŋun nimi aabɔr na kan, u ŋun maabɔr le na. Unii u yii nimi na kan, u yii mi le na. Unii u yii mi na kan, u yii Uwumbɔr u tun ni mi na le na.”

Jɔnn 12:48

Unii umɔk yii mi, kaa gaa maaliin na kan, tiwan nibaa bi ki ga mɔk ke waabɔr bii a. Kookoo aataadaal kan, maaliin le ga mɔk ke waabɔr bii,

Jɔnn 20:23

Ni yaa di cha pinn binib baatunwanbir kan, bi ga kan chapinn. Ni yaa kaa di cha pinn bi kan, baan kan chapinn.”

Ikaal 1:43

M tuk nimi Uwumbɔr aah len pu na, le naa gar mi. Ni yii waamɔb, le nimi aagaak pu, ni buen ti lir ŋigongon aatiŋ aanib ngbaan pu.

Ikaal 10:8

Baah nan bi lijool ngbaan chee na, le Uwumbɔr nan nyan Liifai aanibol ke bi li lik Nkaal Aadakaa ngbaan, ki li tun bitotoorb aatuln tii u, ki li joo waayimbil ŋani tinyoor ŋani waanib pu. Liifai yaab laa beenin tun lituln ngbaan ki nan saa din wee.

Ikaal 13:11

Israel yaab mɔmɔk yaa ŋun naah ku u pu na kan, bi ga san ijawaan, le ubaa aan ki ŋa titunwanbir ngbaan aaboln.

Ikaal 13:5

Tɔ, ubɔnabr ngbaan, bee unii u nyi tidaŋ aatataa na yaa bui nimi ke ni yii Uwumbɔr u nan nyan ni nimi Ijipt yaab aatiŋ ni, nin chee ni nan ye binaagbiib na kan, ni ku u. Unii ngbaan aaboln ye mbiindaan la, le ki pɔɔni ubaa ke u nyan nimi Uwumbɔr aasan mu u tuk nimi ke ni li dii mu na ni. Ni ku udaan ngbaan, nima kan, ni ga gaa nibaa titunwanbir chee lii.

Ikaal 13:6

“Hali ni yaa ye aana aabo, bee aajapɔɔn, bee aabisal, bee aapuu u aa gee sakpen na, bee aajɔ u aa ni u aan ŋmaa yakr tɔb chee na, le yaa loon bui si ke ni li dooni ŋiwaa kan, aa taa kii tii u. Aa ni aayaajatiib aa kee dii ŋiwaa ngbaan.

Ikaal 17:13

Unii umɔk ga ŋun tibɔr ngbaan na ga san ijawaan, le kaan kii ke u ŋa kina aatuln.

Ikaal 17:7

Ni cha seeraadam ngbaan pue mee u ŋitakpal, aan nimi bi gur na mu kpee bi pu, ki ku u. Ni yaa ŋa kina kan, ni ga nyan titunwanbir ngbaan ni chee.

Ikaal 18:20

Ubɔnabr umɔk di maayimbil len tibɔr ti maa tuk u na kan, ni ku u kina pu. Le ubɔnabr u mu di ŋiwaa aayimbil len tibɔr na, ni ku u kina pu.’

Ikaal 18:5

Uwumbɔr le nyan nimi aanibol ponn ni Liifai yaab, ke bi li ye waatotoorb ki cha n‑yoonn mu kaa kpa ndoon na.

Ikaal 18:7

ki mu nan tun tii Udindaan Uwumbɔr, ke Liifai yaab biken aah tun pu na.

1 Tesalonika 4:2

Ni bee taah nan sur nimi pu Tidindaan Yesu aayimbil pu na.

1 Tesalonika 4:8

Unii umɔk yii mmɔkm ngbaan na, naa ye binib aamɔkm le u yii, u yii Uwumbɔr u tii nimi Waafuur Nyaan na aamɔkm la.

1 Timoti 5:20

Kae binib bi tun titunwanbir na Yesu aanib mɔmɔk aanimbil ni, aan bi gur na san ijawaan.

Josua 1:18

Unii umɔk kpak si ki yii saah len pu na kan, udaan ŋeer bi ku u. Pɔɔn aabaa ki li kpa lipobil.”

Bibɔjirb 20:13

Nyan ni man bininsum ngbaan Gibea aatiŋ ni, aan ti ku bi ki nyan titunwanbir ngbaan Israel aanib ni.” Tɔ, Benjaminn aanibol aanib ngbaan aa nan di Israel yaab ngbaan aabɔr ngbaan yin nibaa.

1 Samuel 3:13

M puen tuk u ke m ga daa waadichal aatafal ki ti saa n‑yoonn mu kaa kpa ndoon na; ba pu? ujapɔtiib len mi tibɔr ti kaa ŋan na. Eli nyi ke bi ŋani kina, le kaa sur bi.