Ikaal 17:1 - Uwumbɔr aagbaŋ

¹ “Kiwakork yaa kaa ŋan, kaa kpa laafee kan, ni taa di ki toor kitork tii Nidindaan Uwumbɔr. Waa gee kina.

Ikaal 17:1 ပူးပေါင်းရင်းမြစ်များ

Mpiin 41:19

Libuul ngbaan ni, le inaa i kaa filk na ilole mu nyan ni. I nan bi kpɔkpɔr sakpen, le maa kee kan inaa ngbaan aaboln Ijipt aatiŋ kee ponn ni.

Nnyam 12:5

Ni ga ŋmaa nyan upihjabo, bee uŋojabo; kiwakork ngbaan mu li ye libiln libaa aawakork, ki taa li kpa iween ibaa.

Ŋiyataŋak 11:1

Uwumbɔr nan binib bi joo beebee aawaŋaŋkaan ŋaŋni tiwan na. Usui piin tiwaŋaŋkaan ni ye nibamɔnn na pu.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 20:10

Uwumbɔr aa gee binib bi joo tiwaŋaŋkaan ni kaa ye nibamɔnn ŋaŋni tiwan na.

Ŋiyataŋak 6:16

Tiwan nilole nibaa le bi aan Uwumbɔr kaa gee ni, kaan ŋmaa gaa ni ŋa usui ni. Nima le ye: Kigaak aanimbilikl, ni lilambil li geei inyamɔn na, ni iŋaal i ku bininyaam na, ni nsui mu dakl tilandakwanbir na, ni ŋitaa ŋi chuun mala cha ŋi ti tun titunwanbir na, ni useeraadaan u geei inyamɔn ki ki gir geei na, ni unii u fikr tibɔr jɔtiib aakaasisik ni na.

Liifai Yaab 1:3

Ni yaa ye waanaa ponn ni le u ban u di toor ki see mmii ni kan, u nyan unaaja u ŋan na. U di kitork ngbaan buen Uwumbɔr Aabool aabisamɔb, nima kan, uma Uwumbɔr ga gaa waatork ngbaan.

Malakai 1:8

Buyoonn ni joo ni kiwakork ki jɔb, bee ki bun, bee ki aataal koo na nan toor kitork tii mi na, ni dak ke taani ubaa aa bi ii? Di kina aawakork tii nimi aayidaan man ki lik. Ni dak ke kina aawakork ga li piin usui ii? U ga faar nimi aapiin ngbaan ki ter nimi ii?”

Nkahm 29:8

Ni toor kitork ki di see mmii ni, tii Uwumbɔr; kina aatork nu mɔ u chee: ni di unaajabo ubaa, ni upihja ubaa, ni libiln libaa aapihjabi ilole, i mɔmɔk taa li kpa iween, ki li ŋan chain,

Ikaal 15:21

Tɔ, nibaa yaa ŋa tiwakor ngbaan, nibaakan ki yaa wɔb, bee ki jɔb, bee ni nibaa chee yaa bii kan, ni taa di ki toor kitork tii Nidindaan Uwumbɔr.

Ikaal 23:18

Bi yaa ŋa kina aatuln ki kan ŋimombil kan, bi taa joo ni ŋi, ke bi nan pa tipuur aapiin Nidindaan Uwumbɔr Aadichal ni. Uwumbɔr aa gee ŋiwaa aamaakpayal kpala.

Ikaal 24:4

uchakpok na aan ki ŋmaa yoor u, ba pu? u nan ki mɔn tichar a. U yaa ki yoor upii ngbaan kan, ni ye tibɔbir Uwumbɔr chee la. Nidindaan Uwumbɔr aah ban u di kitiŋ ki tii nimi na, ni taa ŋa titunwanbir kina aaboln nima chee.

Ikaal 25:16

Uwumbɔr aa gee binib bi ji biken pem pem na.

Ikaal 7:25

Ni see baawaa mmii. Baah di tikunabr ni salmaa u paan ŋi pu na, ni taa li neen ŋi, ki taa yoor ŋi. Ni yaa ŋa kina kan, naan li ŋan, ni ga bii nimi, ba pu? Uwumbɔr aa gee ŋiwaa kpala.

Hiibru Yaab 9:14

Nimina yaa nan ŋa tiwon chain kan, Kristo aasin ga ter timi, ki jer kina. Uwumbɔr Aafuur Nyaan mu bi n‑yoonn mu kaa kpa ndoon na aapɔɔn pu, u nan di ubaa toor kitork ki kaa kpa ngalm na tii Uwumbɔr. Waasin ga nyan titunwanbir ti ga ku timi na tisui ni, aan ti dii Uwumbɔr u ye limɔfadaan na.

1 Piita 1:19

U nan di Kristo aasin mu jer ŋimombil na le gaa nimi lii; uma Yesu nan di ubaa toor kitork ki tii Uwumbɔr, ki bi ke upihbo nyaan u kaa kpa iween ibaa na.