Ikaal 16:8 - Uwumbɔr aagbaŋ

⁸ Iwiin iloob i gur na, ni li ŋmɔ boroboro u kaa kpa boroboro aanyɔk na, aan winlole daal kan, ni mɔmɔk kpaan ki kuun ti doon Nidindaan Uwumbɔr, ki taa tun lituln libaa liyaadaal ngbaan.

Ikaal 16:8 ပူးပေါင်းရင်းမြစ်များ

2 Bibɔrb Aabɔr 7:9

Bi nan di iwiin ilole le tun baah nan ban bi di kitork aabimbiln di ŋum Uwumbɔr aaŋaal ni pu na aatuln, le ki ki di iwiin ilole mu jin Tikakar Aajim. Kookoo aawiin daal, bi nan ŋa baah ga yaa pu na aajim,

Nehemia 8:18

Ki nyan njim ngbaan aajan aawiin daal ki ti saa kookoo aawiin daal na, bi nan karni Uwumbɔr Aakaal ngbaan siisii le mu ti doo. Bi nan jin njim ngbaan ki ti saa iwiin ilole, le winiin daal na, bi mɔmɔk nan kuun ki doon Uwumbɔr, le ki ŋa kookoo aatork, Nkaal ngbaan aah mɔk pu na.

Joel 1:14

Cha binib mɔmɔk lul bumɔb man; yin binib mɔmɔk aan bi kuun ni. Kuun binib bimɔk ye bisalolm na, ni Juda aatiŋ aanib mɔmɔk aan bi mɔmɔk dan Nidindaan Uwumbɔr Aadichal ni ki nan wii yin u.

Liifai Yaab 23:36

Iwiin ngbaan mɔmɔk daal kan, ni toor tijikaar aapiin aatork. Winiin daal kan, ni ki kuun ni, ki nan doon Uwumbɔr ki toor tijikaar aatork. Liyaadaal ye ke ni doon Uwumbɔr la, ni taa tun lituln libaa.

Nkahm 28:25

Winlole daal kan, ni kuun ni tɔb chee ki nan doon Uwumbɔr, ki taa tun lituln libaa.