Ikaal 16:5 - Uwumbɔr aagbaŋ

^5-6 “Nidindaan Uwumbɔr aah ban u di kitiŋ ki tii nimi na, ni mɔmɔk kɔr Lakr‑jer aawakor ngbaan, nin chee ni kpaani ki dooni u na. Ni ŋa kina nwiin aah lir buyoonn na; n‑yoonn ngbaan le ni nan nya Ijipt aatiŋ ni.

Ikaal 16:5 ပူးပေါင်းရင်းမြစ်များ

Tibɔnyaan ti Mak ŋmee ti na 14:12

Lakr‑jer aajim, buyoonn bi ga ŋmɔ boroboro u kaa kpa nnyɔk na aajan aawiindaal, bundaln bi ga kɔr upihbo na, le Yesu aadidiliib dan nan baa u ke, “Aa ban ke ti gor njim ngbaan aajikaar la chee ki tii si?”

Ikaal 16:2

Ni kuun buen nin chee ni kpaani ki dooni Uwumbɔr na, ki kɔr nimi aawakor ponn ni ubaa ki ŋa Lakr‑jer aajikaar aan ki nyuŋ Nidindaan Uwumbɔr.

Ikaal 16:4

Iwiin ilole ngbaan aayoonn, nimi aatiŋ ni aanii ubaa taa li kpa boroboro aanyɔk udo. Tiwakor ti ni kɔr njan aawiin daal, kijook wɔb na, ni mɔmɔk ŋmɔ nimi aawakor aanann doo kinyeek ngbaan.