Ikaal 16:4 - Uwumbɔr aagbaŋ

⁴ Iwiin ilole ngbaan aayoonn, nimi aatiŋ ni aanii ubaa taa li kpa boroboro aanyɔk udo. Tiwakor ti ni kɔr njan aawiin daal, kijook wɔb na, ni mɔmɔk ŋmɔ nimi aawakor aanann doo kinyeek ngbaan.

Ikaal 16:4 ပူးပေါင်းရင်းမြစ်များ

Nnyam 12:10

Ni taa gur ti ki woln kitaak; tibaa yaa gur, baa ŋmaa ŋmɔ ti doo kan, bi see ti mmii.

Nnyam 12:15

Uwumbɔr nan bui ke, “Iwiin ilole aakaasisik ni, ubaa taa ŋmɔ boroboro u kpa boroboro aanyɔk na, ni li ŋmɔ boroboro u kaa kpa nnyɔk na ŋmeen. Njan aawiin daal, see ni nyan boroboro aanyɔk mu bi nimi aadichal ponn ni na mɔmɔk; iwiin ilole ngbaan aasisik ni, ni ponn ni ubaa yaa ŋman boroboro u kpa boroboro aanyɔk na kan, maan ki yin u maanii.

Nnyam 12:6

Uŋmal ngbaan aawiin kipiik ni inaa daal aajoobɔŋ kan, Israel yaab mɔmɔk kpaan ki kɔr baawakor ngbaan.

Nnyam 12:8

Kinyeek ngbaan le bi ga pu tinann ngbaan mɔmɔk, ki kpaan di ti ni tifar ti cho na, ni boroboro u kaa kpa boroboro aanyɔk na, ki ŋmɔ ni mɔmɔk ŋmal tɔb ni.

Nnyam 13:7

Iwiin ilole, ni taa ŋmɔ boroboro u kpa boroboro aanyɔk na; boroboro aanyɔk, bee boroboro u kpa nnyɔk na taa li bi ubaa do, nimi aatiŋ ni.

Nnyam 23:18

“Ni yaa ban ni di kiwakork toor kitork tii mi kan, ni taa di boroboro u kpa boroboro aanyɔk na tii mi. Le tiwakor ti ni di toor kitork tii mi njim mutaa mue ni na aakpan taa sil ki woln kitaak.

Nnyam 34:25

“N‑yoonn mu ni di kiwakork toor kitork na kan, ni taa di boroboro u kpa nnyɔk na kpaan tii mi. Ni yaa di kiwakork toor Lakr‑jer Aajim aatork kan, ni taa cha tinann ngbaan gur ki woln kitaak.

Matiu 13:33

Yesu nan ki ŋakl bi liyataŋakl liken ke, “Uwumbɔr aanaan naahn boroboro aanyɔk mu upii nan di ŋa boroboro aayon ponn ni, aan boroboro ngbaan mɔk duun na la.”

Ikaal 16:5

“Nidindaan Uwumbɔr aah ban u di kitiŋ ki tii nimi na, ni mɔmɔk kɔr Lakr‑jer aawakor ngbaan, nin chee ni kpaani ki dooni u na. Ni ŋa kina nwiin aah lir buyoonn na; n‑yoonn ngbaan le ni nan nya Ijipt aatiŋ ni.