Ikaal 16:3 - Uwumbɔr aagbaŋ

³ Ni yaa ban ni ji tijikaar ngbaan kan, ni taa ŋmɔ boroboro u kpa boroboro aanyɔk na. N‑yoonn ngbaan kan, ni taa ŋmɔ boroboro u kpa boroboro aanyɔk na ki ti saa iwiin ilole, ke naah nan ban ni nya Ijipt aatiŋ ni woween ki ŋman pu na. Ni li ŋmɔ boroboro ngbaan aaboln; ni ga li yin u ke falaa aaboroboro la. Ni li teer nwiin mundaal ni nan nyan Ijipt aatiŋ ki ti nan jin falaa ki ponn ni na, n‑yoonn mɔmɔk.

Ikaal 16:3 ပူးပေါင်းရင်းမြစ်များ

1 Bibɔrb 22:27

Aa ti bui bi ke bi di u ŋa kiyondiik ni, ki li tii u tikonjiir ki ti saa bundaal m ga gir ni, ni laafee na.”

Ilahn 102:9

Saaŋuul li pɔɔ sakpen na pu, nfatan le gur ye maajikaar, le maanyunyunn ŋmalni maanyunyukoo ni. Aa bɔ yoor mi le ki di mee.

Ilahn 111:4

Uwumbɔr cha ti teer waatukpaan na pu, u kpa tiŋann le ki san kinimbaak mu.

Ilahn 127:2

Aa yaa fii kichakpiik ni mala ki nan gir ni kijoobɔŋ ke aa tun ki kan kan, ni ye fam la. Uwumbɔr aah gee binib bi na dɔ geen le u tii bi baah ban pu na.

Nnyam 12:11

Ni li ŋmɔ ti mala mala, ki pee nimi aawan, ki gor lisachuln, ki tak nimi aanaatak, ki li joo nimi aadabil niŋaal ponn ni. Lakr‑jer aajim mue ponn ni, le ni ga nyuŋ mi Uwumbɔr.

Nnyam 12:17

Ni li teer njim ngbaan aabɔr ki li joo mu, ba pu? nwiin ngbaan daal le m nyan nimi aanibol Ijipt aatiŋ ponn ni. N‑yoonn mu choo na, ni li teer njim ngbaan aawiin daal, ki li nyuŋni mu.

Nnyam 12:39

Bi nan di boroboro aayon mu kaa kpa nnyɔk na le ki ŋa boroboro, ba pu? bi nan jenn nyan bi Ijipt aatiŋ ni mala sakpen, nima pu le baa nan ŋmaa gor ki ŋa tijikaar waahr le ki nin nyan Ijipt aatiŋ ni.

Nnyam 12:8

Kinyeek ngbaan le bi ga pu tinann ngbaan mɔmɔk, ki kpaan di ti ni tifar ti cho na, ni boroboro u kaa kpa boroboro aanyɔk na, ki ŋmɔ ni mɔmɔk ŋmal tɔb ni.

Nnyam 34:18

“Ni li ji boroboro u kaa kpa boroboro aanyɔk na aajim. N‑yoonn ngbaan kan, ni li ŋmɔ boroboro u kaa kpa nnyɔk na ki ti saa iwiin ilole, Abib aaŋmal ni, ba pu? uŋmal ngbaan ni, le ni nan nyan Ijipt aatiŋ ni.

Aisaya 52:12

N‑yoonn mumina ma kan, naan li ban mala ke ni nya; naan li ban ke ni san ŋmar. Nidindaan Uwumbɔr le ga cheen nimi aan ki li kii nimi ŋipepel mɔmɔk pu.

Liifai Yaab 23:6

Winpiik ni iŋmu daal le boroboro u kaa kpa nnyɔk na aajim mu piini, le ki yoor liyaadaal ngbaan ki ti saa iwiin ilole, ni taa ŋmɔ boroboro u kpa nnyɔk na.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Nkahm 28:17

Winpiik ni iŋmu daal kan, ni piin njim ki ti saa winlole daal, n‑yoonn ngbaan kan, ni li ŋmɔ boroboro u kaa kpa boroboro aanyɔk na.

Nkahm 9:11

lelee aaŋmal aawiin kipiik ni inaa daal kijook wɔb, udaan ngbaan mu ga ŋmaa ji njim ngbaan. Bi di boroboro u kaa kpa nnyɔk na, ni tifar ti cho na kpaan ji njim ngbaan.

Tibɔnyaan ti Luk ŋmee ti na 22:19

Le u yoor boroboro, le ki doon Uwumbɔr, ki gii, ki di tii waadidiliib ki bui bi, “Maawon le na. Nimi aatunwanbir pu le m tii tiwon tee. Ni li ŋmɔ kina aan ki li teer mbɔr.”

1 Korenti 5:8

Nima pu na, cha ti li ji Lakr‑jer aajim, ki ŋmɔ boroboro u kaa kpa nnyɔk na, ki di boroboro aanyɔkpok lii. Maah len pu na le ye ke ti li dak ilandak i ŋan na, ki li ŋani mbamɔm, ki di bakaa ni titunwanbir lii.

Ikaal 16:2

Ni kuun buen nin chee ni kpaani ki dooni Uwumbɔr na, ki kɔr nimi aawakor ponn ni ubaa ki ŋa Lakr‑jer aajikaar aan ki nyuŋ Nidindaan Uwumbɔr.

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,

1 Tesalonika 1:6

Le ni nan ŋakni timi ni Tidindaan; ba pu? ni gaa Yesu aabɔr ki kan falaa sakpen tibɔr ngbaan pu, ki mu nan kpa mpopiin mu Uwumbɔr Aafuur Nyaan tii nimi na.

Josua 4:7

ni tuk bi ke bundaal bi nan di Uwumbɔr Aakaal Aadakaa koo sil Jɔɔdann Aamɔɔl ni na, limɔɔl ngbaan aanyun nan sil kaa ki puu. Ŋitakpal ŋee le ga li teer Israel yaab tiwan ni nan ŋa do na, n‑yoonn mɔmɔk.”