Ikaal 16:22 - Uwumbɔr aagbaŋ

²² ki taa di ŋitakpal kuun bil ke ŋi li ye ŋiwaa, ba pu? Uwumbɔr aa gee ŋiwaa aabɔr.

Ikaal 16:22 ပူးပေါင်းရင်းမြစ်များ

1 Bibɔrb 14:23

Bi nan maa maa nin chee bi dooni ŋiwaa ŋi ye fam na, le ki maa ŋibimbifɔfɔŋ, ni liwaapii Asera aanaŋ ŋigongon paab, ni isui i kpa mboon na taab.

2 Bibɔrb 17:10

Bi nan siin siin ŋigongon mɔmɔk, ni busub bumɔk kpa mboon na taab ŋiwaabimbin ni liwaapii Asera aanaŋ,

Nnyam 20:4

“Ni taa naan tiwan nibaa ki di naŋ paacham aawan nibaa, bee kitiŋ aawan nibaa, bee nnyun ni aawan nibaa, ke ni doon ni.

Nnyam 34:13

Ni gbaa wii baawaa aatork aabimbin, ni ŋitakpal ŋi bi dooni na, ki bii baawaapii li bi yin li ke Asera na, ni laawan mɔmɔk.

Jeremia 44:4

Le m joo maatutum bi ye bibɔnabr na tuni ni chee, le bi nan bui nimi ke ni taa ŋani tiwan ni sukr ponn ni na maah kaa gee ni na.

Liifai Yaab 26:1

Uwumbɔr nan bui ke, “Ni taa naan ŋiwaa, bee ni maa ŋitakpal aajaatɔlk tiib, bee ni kpii ŋitakpal aawaa ki doon ŋi. Min le ye Nidindaan Uwumbɔr.

Sekaria 8:17

Ni taa ŋa nlandak ke ni tun niŋeen aatɔ taani. Ni taa puu tipuur ki ŋa inyamɔn aaseeraadaan. Maah kaa gee tiwan ni na le ye inyamɔn, ni ibamɔn gangal, ni mbimbin mu pɔɔ na.”

Ikaal 12:31

Ni taa li dooni Nidindaan Uwumbɔr ke baah dooni baawaa pu na, ba pu? bi dooni baawaa ki ŋani tiwan ni kaa ŋan na aabɔŋ, le Uwumbɔr nan kina aabimbin. Hali bi joo baabim le kɔr toor kitork ki seer mmii ni, ŋibimbin paab tii ŋiwaa.

Ikaal 4:16

ki taa tun titunwanbir ke ni di tiwan nibaa ŋa liwaal tii nibaa, aan ni li naahn upii, bee uja,

Ikaal 4:23

Ni pɔɔn nibaa, ki taa suln tipuur ti Nidindaan Uwumbɔr nan puu tii nimi na. Ni kii waamɔb, ki taa naan liwaal libaa tii nibaa.

Ikaal 4:25

“Hali ni yaa bi kitiŋ ngbaan ni ki ti saa n‑yoonn mu na, ki ma mbim ni yaabitiib kan, ni taa tun titunwanbir ki naan liwaal, ki di naŋ tiwan nibaa. Kina aatun aa ŋan Uwumbɔr chee, le ki ga cha u gee liŋuul ni pu.

Tibɔkpiirkaan 2:15

Binib bibaa mu bi ni ponn ni, ki ŋani kina, ki dii Nikolas aanib aamɔkm kina.

Tibɔkpiirkaan 2:6

Tɔ, ni mu nan Nikolas aanib aah tun pu na. Naah nan baatuln na, nima le ŋan; m mu nan baah tun pu na.