Ikaal 16:2 - Uwumbɔr aagbaŋ

² Ni kuun buen nin chee ni kpaani ki dooni Uwumbɔr na, ki kɔr nimi aawakor ponn ni ubaa ki ŋa Lakr‑jer aajikaar aan ki nyuŋ Nidindaan Uwumbɔr.

Ikaal 16:2 ပူးပေါင်းရင်းမြစ်များ

2 Bibɔrb 23:21

Ubɔr Josia nan bui binib ngbaan ke bi ji Lakr‑jer Aajim ki nyuŋ Bidindaan Uwumbɔr, ke naah ŋmee nkaal aagbaŋ ni pu na.

2 Bibɔrb Aabɔr 35:7

Binib ngbaan aajim pu Ubɔr Josia nan nyan ubaa aawakor ni ipiih, ni ipihbi, ni iŋoob i laa diin na ŋichur piitaa la, ni inaaja ŋichur ŋitaa le tii.

Nkahm 9:2

ki bui ke, “Uŋmal umina aawiin kipiik ni inaa daal kan, cha Israel aanib piin Lakr‑jer aajim, nwiin aah nan ti lir na, ki ŋa mu, mu aakaal aah mɔk pu na mɔmɔk.”

Matiu 26:17

Lakr‑jer aajim, buyoonn bi ga ŋmɔ boroboro u kaa kpa nnyɔk na aajan aawiindaal, le Yesu aadidiliib dan nan baa u, “Aa ban ke ti gor njim ngbaan aajikaar la chee ki tii si?”

Matiu 26:2

“Ni nyi ke ni gur iwiin ilee le bi ga ji Lakr‑jer aajim. N‑yoonn ngbaan le bi ga di min Unibɔn Aabo ŋa binib aaŋaal ni, le bi ti kpaa mi ndɔpuinkoo pu.”

Tibɔnyaan ti Mak ŋmee ti na 14:12

Lakr‑jer aajim, buyoonn bi ga ŋmɔ boroboro u kaa kpa nnyɔk na aajan aawiindaal, bundaln bi ga kɔr upihbo na, le Yesu aadidiliib dan nan baa u ke, “Aa ban ke ti gor njim ngbaan aajikaar la chee ki tii si?”

Tibɔnyaan ti Luk ŋmee ti na 22:15

Le u bui bi, “Nnimbil nan man ke m ni nimi kpaan ji njim mue waahr aan m nin ji maafalaa ngbaan.

Tibɔnyaan ti Luk ŋmee ti na 22:8

le Yesu bui Piita ni Jɔnn, “Li cha ti gor njim ngbaan aajikaar aan ti ji.”

1 Korenti 5:7

Ni ŋan ke ni nyan boroboro aanyɔkpok, aan ki li ye boroboro u kaa kpa nnyɔk na. Ni sil ye boroboro u kaa kpa nnyɔk na la. Maah len pu na le ye ke titunwanbir siib ga bii ni mɔmɔk. Nima pu na, ni nyan titunwanbir mɔmɔk nikaasisik ni. Ni ye bininyaam la. Ni li ŋani ke bininyaam na. Ba pu? Kristo nan di ubaa toor kitork tii Uwumbɔr, timi aatunwanbir pu.

Ikaal 12:11

Uwumbɔr ga nyan nibaa chee le tii timi, aan ti li dooni u nima, le maah mɔk nimi pu na, ni li joo ni nimi aapiin mɔmɔk: ni ye nimi aatork ki ni joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni ipiin, ni ipiinkpaan i ni puu ke ni ga tii u na.

Ikaal 12:14

ni mɔmɔk kpaan libuul chachaan li Uwumbɔr ga nyan nimi aanibol libaa aatiŋ ni na, ki li toor nima. Nima chee baanja le ni ga li toor nimi aatork ki ni ga see ki mmii ni na, ni tiwan nimɔk m bui nimi ke ni li ŋani na.

Ikaal 12:18

Nimi, ni nimi aabim, ki kpee nimi aatutum, ni Liifai yaab bi koo nimi aatim ni na, kpaan ki ji ipiin ngbaan aajikaar Nidindaan Uwumbɔr aanimbiin ni, nin chee u nyan ke ni li dooni u na baanja. Ni li kpa mpopiin ki mɔɔni tiwan nimɔk ni ŋa na pu.

Ikaal 12:26

Ni li joo ni Uwumbɔr aapiin, ni naah puu tipuur ke ni ga tii u ipiin i na, ki di i buen waah nyan nin chee ke ni li dooni u na.

Ikaal 12:5

Nimi aanibol mɔmɔk aah ga kal nin chee na, Uwumbɔr ga nyan nibaa chee, le ni ga choo unimbiin ni, ki nan dooni u nima.

Ikaal 15:20

Ŋibin mɔmɔk kan, ni di i buen nin chee ni dooni Uwumbɔr na, ki ti kɔr i, aan nimi, ni nimi aamaal kpaan ŋmɔ i, Uwumbɔr aanimbiin ni.

Ikaal 16:1

“Ni nyuŋ Nidindaan Uwumbɔr, ki li ji Lakr‑jer Aajim, Abib aaŋmal ni; uŋmal ngbaan ni aanyeek kibaa, le u nan nyan nimi Ijipt aatiŋ ni.

Ikaal 16:3

Ni yaa ban ni ji tijikaar ngbaan kan, ni taa ŋmɔ boroboro u kpa boroboro aanyɔk na. N‑yoonn ngbaan kan, ni taa ŋmɔ boroboro u kpa boroboro aanyɔk na ki ti saa iwiin ilole, ke naah nan ban ni nya Ijipt aatiŋ ni woween ki ŋman pu na. Ni li ŋmɔ boroboro ngbaan aaboln; ni ga li yin u ke falaa aaboroboro la. Ni li teer nwiin mundaal ni nan nyan Ijipt aatiŋ ki ti nan jin falaa ki ponn ni na, n‑yoonn mɔmɔk.