Ikaal 16:18 - Uwumbɔr aagbaŋ

¹⁸ “Nyan bibɔjirb, ni biyidam kaan ntim mu Nidindaan Uwumbɔr di tii nimi na mɔmɔk ni. Binib ngbaan li ji tibɔr, ki taa li kpa imaagann.

Ikaal 16:18 ပူးပေါင်းရင်းမြစ်များ

1 Bibɔrb Aabɔr 23:4

Ubɔr David nan cha bi ponn ni ŋichur moninko ni ŋinaa le ye Uwumbɔr Aadichal ponn ni aatutum, le ŋichur ŋiloob ye bi ŋmee Uwumbɔr Aadichal ponn ni aatuln mɔmɔk aabɔr bilni, ki toor binib bi kpa kijaak na aabɔr,

1 Bibɔrb Aabɔr 26:29

Isar aayaabitiib ponn ni, Kenania ni ujapɔtiib le nan ye bi lik ŋitun mɔmɔk pu na; bima le nan ŋmee ŋitun ni tiwan ni mɔmɔk ŋani na aabɔr bilni, le ki toor Israel aanib aakaasisik ni tibɔr.

Esra 7:25

“Le sin Esra, di nlan mu Uwumbɔr tii si na ban binib bi ga li lik ŋitun aabɔŋ na, ni bibɔjirb bi ga li joo Yufrates Aamɔɔl Aawilir aapepel aanib bi mɔmɔk bi Saawumbɔr aakaal ponn ni na. Aa mɔk unii umɔk aa nyi Nkaal ngbaan na.

Nnyam 18:21

Tɔ, tiwan ni kpee na sɔ, pɔɔn aabaa ki nyan bijab bi ga ŋmaa joo biken na, ki tii bi nsaloln aatuln bi li joo biken: bisalolm ngbaan bibaa li lik lichur lichur, bibaa mu li lik nkub nkub, bibaa mu li lik piiŋmu piiŋmu, bibaa mu li lik kipiik kipiik aanib. Cha binib ngbaan li ye binib bi san Uwumbɔr ijawaan ki tun lituln mbamɔm, kaan li gaal igaŋgaŋlik na.

Nnyam 21:22

“Nibaakan, bi yaa peln faa upiipudaan binib aajaak ponn ni aan u ker lii, le nibaa aa ŋa uma upii ngbaan kan, unii u faa upii ngbaan na ga pa uchal waah ban pu na. Bi yaa len tibɔr ni ŋeer ke u pa pu na kan, see u pan kina.

Nnyam 21:6

nima na udindaan di unaagbiija ngbaan dan Uwumbɔr aanimbiin ni, ki cha u sil kidiik aabisamɔb chee aan bi saa chir utafal. Le n‑yoonn ngbaan ki joo cha u ga li ye waanaagbiija ki ti saa waamɔfal aadoon.

Ŋiyataŋak 31:23

Le unii mɔk nyi uchal bɔr ke u ye uninyuun la.

Matiu 5:21

“Ni ŋun ke bi nan tuk n‑yaayoonn na aanib, ‘Taa ku unii, ke unii ubaa yaa ku uken kan, bi ga ji u tibɔr.’

Matiu 5:22

Min le tuk nimi ke unii umɔk gee liŋuul una aabo pu na, bi ga ji u tibɔr. Unii umɔk tuk una aabo, ‘Saa bi tibɔr tibaa ni,’ bibɔjirb aaninkpiib ga ji u tibɔr. Unii umɔk tuk una aabo ke, ‘Si ujɔr’ na, u ŋeer u koo mmii mu kaan junn na ni.

Ikaal 16:17

ni ŋeer Nidindaan Uwumbɔr aah ŋa tinyoor ŋa waatuln li pu na.

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.

Ikaal 17:12

Unii u yii ubɔjir, bee utotoor u bi lituln ni liyaadaal ngbaan na aamɔb kan, ni ku u. Ni yaa nyan udaan ngbaan kina kan, ni ga nyan kina aatunwanbir, Israel aatiŋ ni.

Ikaal 17:9

ki di tibɔr ngbaan ŋa bitotoorb bi ye Liifai yaab na, ni ubɔjir u bi lituln ni n‑yoonn ngbaan na aaŋaal ni. Bima le ga lik tibɔr ngbaan ni.

Ikaal 21:2

nimi aayidam, ni bibɔjirb buen ki ti ŋaŋ linikpol ngbaan aah dɔ nin chee na ki ti saa ntim mu peen nima chee na.

Ikaal 25:1

“Nimi Israel yaab ŋmeen aajab bilee yaa kpa kijaak ki di tɔb buen libɔjil ni, aan ubaa ti jin mbamɔn, uken aabɔr bii kan,

1 Samuel 8:1

Samuel aah nan ti por na, le u di ujapɔtiib ŋa bibɔlem Israel yaab ponn ni.