Ikaal 16:11 - Uwumbɔr aagbaŋ

¹¹ Nimi, ni nimi aamaal, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim pu na mɔmɔk li kpa mpopiin Uwumbɔr aanimbiin ni. Ni mɔmɔk ŋa kina nin chee ni kpaani ki dooni Uwumbɔr na.

Ikaal 16:11 ပူးပေါင်းရင်းမြစ်များ

Nnyam 20:24

Ni di titan ki maa kitork aabimbiln tii mi, aan ki di nimi aapiih, ni iŋoob, ni nimi aanaa toor kitork ki di see mmii ni tii mi, ki toor kimɔbaan aatork mu tii mi. Nin chee mɔk m nyan tii nimi ke ni li dooni mi na, le m ga dan ni chee ki nan ŋa tinyoor ŋa ni pu.

Aisaya 64:5

Aa yin binib bi gee ke bi li ŋani ni ŋan na, binib bi teer saah ban pu na, ke bi dan aa chee. Aa nan gee ti pu liŋuul, le ti nan beenin tun titunwanbir; hali saaŋuusakpeln ponn ni ti nan beenin tun titunwanbir ki nyan ni n‑yaajayoonn.

Joel 1:16

Ti si lik kaa kpa nterm mubaa, le timi aajikaar mɔmɔk bii doo. Mpopiin mubaa aa bi timi Aawumbɔr Aadichal ni.

Habakuk 3:18

m tee ga li mɔɔni Uwumbɔr pu, m ga li kpa mpopiin Uwumbɔr u gaal mi lir na pu.

Rom Yaab 5:11

Naa ye nima baanja pu le ti mɔɔni. Tidindaan Yesu Kristo pu le ti bee Uwumbɔr aah ŋan pu na, le ki mɔɔni. U pu le ti ni Uwumbɔr kpaan kijɔtiik.

2 Korenti 1:24

Taa joo nimi mpɔɔn; naah gaa Yesu ki kii mbamɔm na, le ti ban ti ter nimi ni li kpa mpopiin. Timi aatuln le na.

Ikaal 12:12

Nima chee, le nimi, ni nimi aabim, ni nimi aatutum, ni Liifai yaab bi bi nimi aatim ni na li kpa mpopiin ki li mɔɔni Nidindaan Uwumbɔr aanimbiin ni. Ni teer ke Liifai yaab aan li kpa bibaa aakpaakon.

Ikaal 12:18

Nimi, ni nimi aabim, ki kpee nimi aatutum, ni Liifai yaab bi koo nimi aatim ni na, kpaan ki ji ipiin ngbaan aajikaar Nidindaan Uwumbɔr aanimbiin ni, nin chee u nyan ke ni li dooni u na baanja. Ni li kpa mpopiin ki mɔɔni tiwan nimɔk ni ŋa na pu.

Ikaal 12:5

Nimi aanibol mɔmɔk aah ga kal nin chee na, Uwumbɔr ga nyan nibaa chee, le ni ga choo unimbiin ni, ki nan dooni u nima.

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ikaal 14:29

Tijikaar ngbaan le Liifai yaab, ni biwɔwɔm, ni nkpobim, ni bikpopiib bi bi nimi aatim ni na mu ga li ji. (Liifai yaab aa kpa bibaa aakpaakon.) Nima chee le bi ga dan ki nan kan baah ban tijikaar ti na. Ni li ŋani kina, nima kan, Nidindaan Uwumbɔr ga ŋa tinyoor ŋa nimi aatuln mɔmɔk pu.

Ikaal 16:10

Ni ŋa kina ki nyuŋ Nidindaan Uwumbɔr, ni li joo ni nimi aageehn aapiin, ni ŋeer waah ŋa tinyoor ki tii nimi pu na aapiin.

Ikaal 16:14

Nimi, ni nimi aabim, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim ni na kpaan ji mu, ki li mɔɔni, ki li kpa mpopiin.

Ikaal 26:11

Li dooni ki pak Aadindaan Uwumbɔr, waah tii si, ni saamaal tiwanyaan nimɔk na, ki cha aa ni Liifai yaab, ni biwɔwɔm bi bi ni chee na kpaan ji njim ngbaan, ki li mɔɔni.

Filipi 4:4

Ni li kpa mpopiin Tidindaan pu, n‑yoonn mɔmɔk. M ki tuk nimi la, ni li kpa mpopiin man.