Ikaal 16:10 - Uwumbɔr aagbaŋ

¹⁰ Ni ŋa kina ki nyuŋ Nidindaan Uwumbɔr, ni li joo ni nimi aageehn aapiin, ni ŋeer waah ŋa tinyoor ki tii nimi pu na aapiin.

Ikaal 16:10 ပူးပေါင်းရင်းမြစ်များ

1 Bibɔrb Aabɔr 29:14

“Tiwan mɔmɔk nyan ni sin chee la, le m ni maanib aan ŋmaa tii si nibaa. Saah tii timi ni na le ti ki joo giin ni tii si.

2 Bibɔrb Aabɔr 31:14

Imna aajapɔɔn Kore, u nan ye Liifai aanii ki ye Uwumbɔr Aadichal aabisamɔb mu bi yin mu ke Liwipuul Aabisamɔb na aaninkpel na le nan ye u gaal ipiin i bi joo nan tii Uwumbɔr na, le ki yakr i tii.

Nnyam 35:29

Le Israel aanib bimɔk nan gee bi tii na nan joo ni baapiin ki nan tii Uwumbɔr, waah nan bui Moses lituln li na pu.

Ŋiyataŋak 10:22

Uwumbɔr aanyoor le tii si liwankpal. Aabaa aatusakpeln aan ŋmaa ŋa si uwankpadaan.

Joel 2:14

Nibaakan, Nidindaan Uwumbɔr ga kpeln waalandak, ki ga ŋa waanyoor ŋa ni pu aan ni kan tijikaar sakpen. Le ni ga ŋmaa tii u njikaabim ni ndaan aapiin.

Liifai Yaab 12:8

Upii yaa kaa kpa upihbo u toor kan, u li joo ni ŋibɔrnanjel ŋilee, bee ŋinanjel ŋilee, ki di libaa toor kitork ki di see mmii ni, ki di liken mu toor titunwanbir aatork. Utotoor ga toor ki nyan u tijɔŋ ni, aan u ŋa chain.

Liifai Yaab 23:15

Likpaakool aawiin mundaal ni joo ni njan aajikaar aapiin ki nan tii Uwumbɔr na, ni piin ki kahn nwiin ngbaan daal ki ti saa ŋikpaakoo ŋilole.

Liifai Yaab 25:26

Utindaan yaa kaa kpa kina aanii kan, nibaakan, u mu ga nan kan ŋimombil, ki mu nan ki gir daa waatiŋ ngbaan, unii u nan daa ki na chee.

Liifai Yaab 5:7

U yaa kaa kpa upihsal, bee uŋosal kan, u li joo ni ŋinanjel ŋilee, bee ŋibɔrnanjel ŋilee, ki nan toor kitork tii Uwumbɔr; u di libaa toor titunwanbir aatork, ki di liken na toor kitork ki bi joo seer mmii ni na aatork.

Nkahm 28:26

Ni yaa chee nimi aajikaar doo ki ban ni ji njim ngbaan kan, njan aawiin daal, ni yaa ban ni toor tijikaapɔnn aatork tii Uwumbɔr kan, ni kuun ni tɔb chee ki nan doon u, ki taa tun lituln libaa.

Nkahm 31:28

Ligeln li ye bijab yaan na, ni yaa kahn binaagbiib ti saa ikui iŋmu kan, ni ti nyan ubaa ki tii Uwumbɔr; ni ŋa inaa, ni ibon, ni ipiih, ni iŋoob mu kina.

1 Korenti 16:2

Likpaakool daal mɔmɔk, ni mɔmɔk aah kan tinyoor pu na, ni di ngem bil, ki li kii buyoonn m ga labr ni na. Nima kan, m yaa nan fuu ni kan, naan ki piin ki li too ŋimombil.

2 Korenti 8:10

Cha m tuk nimi maalandak. Naah nan piin ki bi too ŋimombil ŋi giina na, ni ŋan ke ni too ŋi ki doo libiln lee. Ni nan puen biken ki ban ke ni tii Uwumbɔr ipiin, ki nan puen piin ki bi too ipiin ngbaan. Pɔɔn nibaa man ki too i doo. Ninimbil nan man ke ni piin ki too ipiin ngbaan.

2 Korenti 8:12

Unii yaa gee ke u tii Uwumbɔr ipiin ki yaa tii u waah kpa pu na kan, Uwumbɔr ga gaa la. Uwumbɔr aa ban ke unii tii ki jer waah kpa pu na.

Ikaal 16:11

Nimi, ni nimi aamaal, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim pu na mɔmɔk li kpa mpopiin Uwumbɔr aanimbiin ni. Ni mɔmɔk ŋa kina nin chee ni kpaani ki dooni Uwumbɔr na.

Ikaal 16:9

“Buyoonn ni piin ki bi chee nimi aajikaabim na kan, ni piin likpaakool ngbaan ni, ki kahn ti saa ŋikpaakoo ŋilole aan ki ji Lijikaacheel Aajim.