Ikaal 15:6 - Uwumbɔr aagbaŋ

⁶ Uwumbɔr ga ŋa tinyoor ŋa ni pu ke waah nan puu pu na. Ni ga li kpa ŋimombil ki pinn tii ŋitimbol pam, le nimi Israel yaab ma kan, naan buen ubaa chee ki ti pinn bi ŋimombil. Ni ga li joo ŋitimbol pam, le litimbol libaa aan ŋmaa joo nimi Israel yaab ma.

Ikaal 15:6 ပူးပေါင်းရင်းမြစ်များ

1 Bibɔrb 4:21

Solomonn le nan joo ŋitimbol aanib bi bi Yufrates Aamɔɔl, ni Filistia, ni Ijipt aatim aakaasisik ni na. Bi nan pa lampoo tii u, le ki ye waatutum, waamɔfal yoonn mɔmɔk.

1 Bibɔrb 4:24

Solomonn le nan joo kitiŋ ki bi Yufrates Aamɔɔl liwilir wɔb na, ki nyan Tifsa aatiŋ ki bi Yufrates aagbaan na, ki ti saa Gasa aatiŋ ki bi liwilir wɔb na. Bibɔrb bi mɔmɔk nan bi Yufrates aawilir wɔb na nan ye waatutum la, le u nan kpa nsuudoon ŋitimbol ŋi mann goln u na chee.

1 Bibɔrb Aabɔr 17:27

M mee si ke aa biin n‑yaabitiib pu aan bi ji saah lik ki faar bi pu na aamɔɔn. Sin Uwumbɔr le biin bi pu, le saanyoor ga li bi bi pu ki ti saa n‑yoonn mu kaa kpa ndoon na.”

2 Bibɔrb Aabɔr 9:26

Uma le nan ye bibɔrb bi mɔmɔk nan bi Yufrates Aamɔɔl wɔb ki ti saa Filistia ni Ijipt aatinaanmɔk na aabɔrkpaan.

Esra 4:20

Bibɔrb bi kpa mpɔɔn sakpen na nan joo Jerusalem ni Yufrates aamɔɔl aawilir aapepel mɔmɔk, ki gaal lampoo ni ŋimombil,

Nehemia 9:27

kina pu le aa nan cha baadim nyaŋ bi ki joo bi. Baah nan bi limukl ponn ni na bi nan yin si ke aa ter bi, le aa nan bi paacham ki kii. Saanimbaasaln sakpeln ponn ni le aa tii bi biyidam bi nan gaa bi lii baadim chee na.

Ilahn 112:5

Unii u pinn biken tiwan, kaa san ijawaan, kaa kpa beebee waatuln ni na kpa mpopiin.

Ilahn 37:21

Ubiindaan yaa pinn tiwan kan, waa ki teeni, le uninyaan ma tii waapiin usui mɔmɔk.

Ilahn 37:26

N‑yoonn mɔmɔk kan, bi tii la, le ki pinni tii binib biken kaa gaal nibaa, le baabim mu ye bi tinyoor.

Ŋiyataŋak 22:7

Bigiim le ye biwankpadam aanaagbiib. Pinn unii chee ŋimombil ki kpaln udaan aanaagbiija.

Tibɔnyaan ti Luk ŋmee ti na 6:35

Ni ma kan, ni li gee nimi aadim, ki ŋa bi tiŋann, ki pinn binib tiwan, ki taa ki li ban ni. Le Uwumbɔr ga tii nimi tinyoor sakpen. Ni ga li ye Uwumbɔr u kaa kpa ŋeen aatɔ na aabim. Uma le ŋani titunwanbirdam ni binib bi kaa dooni u na tibulchinn.

Ikaal 15:5

Ni yaa joo waakaal mbamɔm ki ŋa maah mɔk nimi din wee pu na kan, nimi aanii ubaa aan li ye ugiin.

Ikaal 28:44

Biwɔwɔm ngbaan le ga li kpa ŋimombil bi pinn tii nimi, le naan li kpa nibaa ni pinn tii bi. Le ni yaa bi cha kan, bima le ga ti gaa nimi aasaloln ki li joo nimi.