Ikaal 15:14 - Uwumbɔr aagbaŋ

¹⁴ Uwumbɔr aah ŋa tinyoor ŋa saawan ni mɔmɔk pu na, aa li kpa tibulchinn ki nyan ni ponn ni tiwan tii u. Tiwan ngbaan ngem le ye tiwakor, ni njikaabim, ni ŋisubil aadaan.

Ikaal 15:14 ပူးပေါင်းရင်းမြစ်များ

Nehemia 8:10

Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Ilahn 112:9

U tii binib bi kaa kpa na, ni usui mɔmɔk la, le waaŋann aa kpa ndoon; u ga li kpa mpɔɔn ni kipak.

Ilahn 68:10

le saanib maa baadichal nima chee; saaŋann sakpenn pu le aa tii bigiim baah ban pu na.

Ŋiyataŋak 10:22

Uwumbɔr aanyoor le tii si liwankpal. Aabaa aatusakpeln aan ŋmaa ŋa si uwankpadaan.

Lituln 20:35

Maah tun lituln kina na, m mɔk nimi ke ni mu li tun kina, ki ter bibum, ki li teer ke Tidindaan Yesu ubaa nan len ke, ‘Uwumbɔr aanyoor bi unii u tii na pu ki jer u gaa na pu.’”

1 Korenti 16:2

Likpaakool daal mɔmɔk, ni mɔmɔk aah kan tinyoor pu na, ni di ngem bil, ki li kii buyoonn m ga labr ni na. Nima kan, m yaa nan fuu ni kan, naan ki piin ki li too ŋimombil.

Ikaal 15:13

N‑yoonn ngbaan, aa yaa di u lii kan, aa taa cha u li gaan iŋaalpeen.

Ikaal 15:15

Teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m joo nkaal ngbaan tuk ni mu.