Ikaal 14:2 - Uwumbɔr aagbaŋ

² Nidindaan Uwumbɔr le yeh nimi, uma le nyan nimi binib bimɔk bi dulnyaa wee ponn ni na, ke ni li ye waanib.

Ikaal 14:2 ပူးပေါင်းရင်းမြစ်များ

Esra 9:2

Bi yoor biwɔwɔmpiib la, le bima Uwumbɔr aanib bi bi chain na kpaln tijɔŋ aanib. Biyidam ni bininkpiib na le nan ye biyikpaadam.

Aisaya 41:9

M nyan ni nimi kitiŋ aanaanmɔk; M yin nimi ki nyan ni kitiŋ aalɔlɔnn mɔmɔk ti bi ni daa na ki bui nimi ke, ‘Ni ye maatutum la.’ Maa yii nimi, le ki lee nimi.

Aisaya 6:13

Hali unii ubaa baanja le yaa gur binib kipiik ponn ni kitiŋ ngbaan pu kan, u mu ga kpo; unibaan ngbaan ga gur li bi ke baah gaa gii likpaln ki cha lisikpiil pu na la.” Lisikpiil ngbaan mɔk Uwumbɔr aanib bi ga nan ki naahn linibol pɔln na la.

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Jeremia 2:3

Israel yaab, ni ye min baanja yaab la; ni nan ye maawangokpaan la. M nan cha unii umɔk tii nimi titotonn na kan falaa ni iween. Min Uwumbɔr le len kina.”

Esekiel 21:2

“Unibɔn, lik Jerusalem aatiŋ wɔb, ki len tibɔbir ŋibuu ŋi ponn ni binib dooni ŋiwaa na pu. Sak Israel aatiŋ

Daniel 12:7

Le Uwumbɔr aatuun ngbaan yoor uŋaal ilee paacham; le m ŋun u puu tipuur Uwumbɔr u bi n‑yoonn mɔmɔk na aayimbil pu ki len ke, “Ni ga li ye ŋibin ŋitaa ni ligeln la. Buyoonn Uwumbɔr aanib aapɔɔn ga kuln na, le tiwan nee mɔmɔk ga ŋa doo.”

Daniel 8:24

U ga pɔɔk pam, ni mu aan li ye ubaa aapɔɔn pu. U ga bii tiwan pam, ki kan linyaŋ tiwan nimɔk u ŋa na ponn ni. U ga bii doo binib bi pɔɔ na, ki kpaan kpee Uwumbɔr aanib mu.

Liifai Yaab 11:45

Min le ye Uwumbɔr u nyan ni nimi Ijipt aatiŋ ni ke m li ye nimi Aawumbɔr na. Ni li bi chain, ba pu? m bi chain la.

Liifai Yaab 19:2

ke u tuk Israel yaab ke, “Ni li bi chain, ba pu? min Nidindaan Uwumbɔr bi chain la.

Liifai Yaab 20:24

M puu ke m ga di kitiŋ ki kpa tiwakor aamoŋmɔpaan ni ŋisubil sakpen na tii nimi ki li ye nimi yaan, le m ga sil di ki tii nimi. Min le ye Nidindaan Uwumbɔr, le ki nyan nimi nibaa ŋinibol mɔmɔk ni.

Liifai Yaab 20:26

Ni li bi chain aan ki li ye maanib, ba pu? Min le ye Uwumbɔr le ki bi chain. M nyan ni nimi ŋinibol mɔmɔk ni ke min baanja le li yeh nimi.

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Ikaal 14:21

“Ni taa ji kiwakork ki kpo kibaa pu na. Ni ga ŋmaa di ki tii biwɔwɔm bi koo ni chee na, bee ni ga ŋmaa di kooh tii biwɔwɔm biken. Nimi ma kan, Nidindaan Uwumbɔr le yeh nimi; ni ye waanib la. “Ni taa di upiih, bee uŋoob aabiin ŋaa waabo.

Ikaal 28:9

“Ni yaa kii Nidindaan Uwumbɔr aamɔb ki ŋa waah len pu na mɔmɔk kan, u ga di nimi ŋa waanib, ke waah nan puu tipuur pu na.

Ikaal 33:3

Uwumbɔr gee waanib, le ki lik binib bi ye u yaab na. Nima pu na, ti gbaani unimbiin ni, le ki keei waamɔb.

Ikaal 4:20

Nimi ma kan, uma le nyan nimi Ijipt yaab aamuk ni. U nyan ni nimi ke u di nimi ŋa waanib, ke naah ye waanib din wee pu na.

Ikaal 7:6

Naah ye Nidindaan Uwumbɔr aanib pu na, ni ŋa kina. Nimi le u nyan dulnyaa aanib mɔmɔk ni, ke ni li ye uma ubaa aanib.

Ikaal 7:7

“Naa ye ke ni wiir le jer binib biken, nima le cha Uwumbɔr gee nimi ki nyan nimi ŋinibol mɔmɔk ni; nimi le par, kaa wiir dulnyaa wee ni.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.