Ikaal 13:6 - Uwumbɔr aagbaŋ

⁶ “Hali ni yaa ye aana aabo, bee aajapɔɔn, bee aabisal, bee aapuu u aa gee sakpen na, bee aajɔ u aa ni u aan ŋmaa yakr tɔb chee na, le yaa loon bui si ke ni li dooni ŋiwaa kan, aa taa kii tii u. Aa ni aayaajatiib aa kee dii ŋiwaa ngbaan.

Ikaal 13:6 ပူးပေါင်းရင်းမြစ်များ

Mpiin 16:5

Sarai nan bui uchal Abram ke, “Ni ye saataani pu le Hagar aa ki lik pak mi. Min le nan di u tii si, le waah bee ke u kpa lipuul na, waa ki pak mi. Uwumbɔr le ga lik ki bee m ni si u aabɔr ŋan na.”

2 Samuel 1:26

Nna aabo Jonatann, m wii aa pu la; aa nan ye m chee unii pam. Saah nan gee mi pu na nan kpa iwaan, ngeehm ngbaan nan jer upii aageehm.

1 Bibɔrb 18:40

Le Elaija bui bi ke, “Chuu liwaal Baal aawaadam man; taa cha ubaa san ŋmar man.” Le binib ngbaan nan chur bi mɔmɔk, le Elaija di bi buen Kisonn Aamɔɔl ni ki ti ku bi mɔmɔk.

2 Bibɔrb 11:18

Le binib ngbaan buen liwaal Baal aawaadiik ni, ki ti tur ki lii; bi nan gbaa wii laawaabimbin, ni baah maa ŋiwaa ŋi siin ki ponn ni na, le ki ku Matann, u ye liwaal Baal aawaadaan na, laawaabimbin taab. Jehoyada nan kaan bikikiib Uwumbɔr Aadichal taab,

2 Bibɔrb Aabɔr 15:13

Unachipɔɔn, bee uninkpel, bee uja, bee upii, umɔk yii ke waan dii u na, bi ga ku udaan ngbaan.

2 Bibɔrb Aabɔr 23:17

Le bi mɔmɔk dii buen liwaal Baal aawaadiik ni ki ti tur ki lii. Bi nan gbaa wii laawaabimbin, ni baah maa ŋiwaa ŋi siin ki ponn ni na, le ki ku Baal aawaadaan, u bi nan yin u ke Matann na bil ŋibimbin ngbaan chee.

Job Aagbaŋ 31:27

Ubaa aa kee ŋmann mi aan m nyuŋ ni ki moor ŋŋaal ki pak ni.

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 32:27

Le u bui bi ke, “Uwumbɔr, u ye nimi Israel yaab Aawumbɔr na bui ke, ‘Nimi bi si uchaŋ ni na di nimi aajaak aajum ki bɔ dii binib bi gur na ni, ki ku nina aabim, ni nijɔtiib, ni nido yaab mɔmɔk.’”

Ŋiyataŋak 18:24

Kijɔtiik kibaa aa yunni, le jɔtiib bibaa mu jer unii ni una aabo.

Ŋiyataŋak 5:20

Maabo, ba ŋa aa joo saageehm tii upii uken? Ba ŋa aa tee gee aaŋeen aatɔ aapuu aanyaan ki jer aayoo?

Jeremia 28:15

Le m bui Hanania kina, le ki ki len ke, “Hanania, li pel. Uwumbɔr aa nan tun ni si, le aa cha binib ngbaan gaal saanyamɔn ngbaan.

Jeremia 28:16

Kina pu na, Uwumbɔr ubaa len ke u ga ku si. Saah bui binib ngbaan ke bi yii Uwumbɔr aamɔb na, aa ga kpo waahr aan libiln lee nin jer.”

Jeremia 44:3

mu aanib nan tun titunwanbir ki ŋa mi liŋuul. Bi nan toor kitork tii ŋiwaa, le ki dii ŋiwaa ŋi bima, ni nimi, ni niyaajatiib aa kee dii ŋi na.

Sekaria 13:3

Le unii u beenin ban ke u nabr tibɔr na aate ni una le ga bui u ke bi ga ku u, ba pu? u bui ke u nabr Uwumbɔr aamɔboln la, le ki tee mɔln inyamɔn. U yaa nabr tibɔr kan, ute ni una le ga saa kijuk ku u.

2 Korenti 5:16

Taan ki lik unii ubaa paacham ke dulnyaa ni aanib aah lik pu na. N‑yoonn mubaa ti nan lik Kristo kina la. Ti mu aa ki lik u kina.

Galantiya 2:4

Binib bibaa bi, ki ŋmanni ke bi dii Yesu Kristo, ki kpaan ti chee; bima le nan ban ke bi gii u. Bi kpaan ti chee ke bi lik taah gaa tibaa pu ki dii Yesu aasan kaa ki dii Moses aakaal na. Le bi nan ban ke bi muk timi ti ki dii Moses aakaal.

Efesusi 4:14

Ti taa ki li ye mbim. Biŋmaŋmannim bi kpa nnyamɔn aalan ke bi di ŋmann binib na yaa tuk nimi tibɔyayan ti kaa ye Kristo aabɔr na kan, ni taa dii bi.

Ikaal 11:32

Buyoonn ni ti kal ki ponn ni doo na kan, ni pɔɔn nibaa ki li joo waakaal i mɔmɔk m joo tuk nimi din wee na mbamɔm.

Ikaal 13:2

ki ban ke u cha ni li dooni ŋiwaa kan, ni taa dii u. Hali waah puu tipuur ti na yaa ŋa kina kan,

Ikaal 13:7

Nibaakan bi ponn ni ubaa yaa pɔɔn ubaa ke u ŋmann nimi ke ni li dooni biniyayam bi koo gbɔk nimi, bee binib bi bi dandar na aawaa kan,

Ikaal 17:12

Unii u yii ubɔjir, bee utotoor u bi lituln ni liyaadaal ngbaan na aamɔb kan, ni ku u. Ni yaa nyan udaan ngbaan kina kan, ni ga nyan kina aatunwanbir, Israel aatiŋ ni.

Ikaal 18:20

Ubɔnabr umɔk di maayimbil len tibɔr ti maa tuk u na kan, ni ku u kina pu. Le ubɔnabr u mu di ŋiwaa aayimbil len tibɔr na, ni ku u kina pu.’

Ikaal 21:21

Bi cha kitiŋ ngbaan ni aajab mɔmɔk mae ŋitakpal ki ku u, nima kan, ni ga nyan titunwanbir kina aaboln nibaa chee. Binib bimɔk bi Israel aatiŋ kee ni na yaa ŋun naah ŋa pu na kan, bi ga san ijawaan.

Ikaal 22:21

bi di u buen ute aadichal aanampal, aan kitiŋ ngbaan ni aajab mae ŋitakpal ku u. Upii ngbaan aah nan laa bi ute do ki bee uja aan ki nin kun tichar pu na, u jinn waanib Israel yaab inimɔɔn. Ni yaa ku u kan, ni ga nyan kina aatunwanbir aaboln nibaa chee.

Ikaal 24:7

“Israel aanii umɔk loon chuu uŋeen aatɔ ki di u ŋa waanaagbiija, bee u di u kooh bi ti ŋa u unaagbiinii na kan, ni ku u. Ni yaa ku u kan, ni ga nyan kina aatunwanbir aaboln nibaa chee.

Ikaal 28:54

Bi yaa lir ni pu kan, hali nimi aaninyuun u nyan ni biyidam do na, tijikaar aabɔr ga muk u, le u chur waabim ku ki ŋmɔ; ba pu? waan ki li kpa tijikaar tibaa. Le waan li gee ke una aabo, bee upuu u u gee u sakpen na, bee waabim bi gur na ubaa kan waah ga ŋmɔ biken na pu na.

Ikaal 29:18

Ni pɔɔn nibaa ki taa cha uja, bee upii, bee mmaal, bee linibol li si do din wee na fenn bipuwɔb tii Tidindaan Uwumbɔr ki dooni ŋinibol ngbaan aawaa. Ni yaa ŋa kina kan, ni ga li bi ke ulɔnn yaa punn idi ni kan, u ku i pu na la.

Ikaal 8:14

ni li nyi ki taa li kpa kigaak, aan ki suln Nidindaan Uwumbɔr u nan nyan ni nimi Ijipt aatiŋ ni, nin chee ni nan ye binaagbiib na bɔr.

Kolosiya 2:4

M tuk nimi kina ke ubaa taa ŋmann nimi la. Unii yaa mɔln inyamɔn i mɔ na ki tuk nimi kan, ni taa kii.

Josua 7:13

Fii sil. Toor binib ngbaan ki cha bi dan m chee. Tuk bi ke bi fe gor bibaa; ba pu? Min, u ye nimi Israel yaab Aadindaan Uwumbɔr na aah kpa pu m len na sɔ: ‘Israel yaab, ni joo tiwan ni m bui nimi ke ni bii ni na nibaa chee. Naan ŋmaa sil nimi aadim aanimbiin ni, see ni nyan tiwan ngbaan.’

2 Piita 2:1

Biŋmaŋmannim mu nan bi Israel yaab ponn ni n‑yoonn ngbaan, ki ŋmanni ke bi ye Uwumbɔr aabɔnabr la. Le biŋmaŋmannim ga li bi ni mu ponn ni, ki ga li looni ki mɔk nimi nnyamɔn aamɔkm mu ga bii nimi na. Hali bi ga yii Tidindaan u nan gaa bi lii na. Nima pu le Uwumbɔr ga daa bitafal mbamɔm mala.

Tibɔkpiirkaan 13:14

ki ŋmann binib bimɔk bi dulnyaa ni na; ba pu? u nan kpa nsan ke u tun lijinjiir aatun njan aapeel aanimbiin ni, ki tuk dulnyaa ni aanib ke bi ŋa liwaal li naahn upeel u nan kpa kijuk aabuel li sɔŋ na.

Tibɔkpiirkaan 20:3

ki di ki ŋa libuul ngbaan ni, ki di libiil biin, ki laŋ, ke ki li bi ni ponn ni ŋibin lichur, ki taa ki ŋmanni binib ki ti saa buyoonn ŋibin lichur ngbaan ga jer na. N‑yoonn ngbaan aapuwɔb, see bi chuu buur ki, ki di ki lii, ni yunn siib.

Bibɔjirb 10:6

Israel aanib nan ki piin ki dooni ŋiwaa Baal, ni Astaate, le ki tun Uwumbɔr titunwanbir. Bi nan ki dooni Siria yaab, ni Saidonn yaab, ni Moab yaab, ni Amonn yaab, ni Filistia yaab aawaa mu. Bi nan suln Uwumbɔr bɔr, kaa ki dooni u.

Bibɔjirb 2:13

Bi nan di cha Uwumbɔr aadoon, le ki dooni liwaal Baal, ni liwaal Astaate.

Bibɔjirb 20:13

Nyan ni man bininsum ngbaan Gibea aatiŋ ni, aan ti ku bi ki nyan titunwanbir ngbaan Israel aanib ni.” Tɔ, Benjaminn aanibol aanib ngbaan aa nan di Israel yaab ngbaan aabɔr ngbaan yin nibaa.

Bibɔjirb 5:8

Israel yaab nan ban ŋiwaa la, nima pu le butɔb dan kitiŋ ngbaan pu. Israel aajab ŋichur imonko ilee ngbaan ni, ulau nan joo kijaak aapeln, bee kikpaatuŋ?

1 Samuel 18:1

Sɔɔl ni David aah nan gbaa baabɔr doo na, nee aapuwɔb le Sɔɔl aajapɔɔn Jonatann aasui koo David ni sakpen, le u gee u ke waah gee ubaa pu na.

1 Samuel 18:3

Jonatann nan puu limɔfal aajɔtiik aapuur tii David, waah gee u sakpen pu na.

1 Samuel 20:17

Jonatann nan ki cha David puu ke u gee u; ba pu? Jonatann nan gee David ke waah gee ubaa pu na.