Ikaal 13:5 - Uwumbɔr aagbaŋ

⁵ Tɔ, ubɔnabr ngbaan, bee unii u nyi tidaŋ aatataa na yaa bui nimi ke ni yii Uwumbɔr u nan nyan ni nimi Ijipt yaab aatiŋ ni, nin chee ni nan ye binaagbiib na kan, ni ku u. Unii ngbaan aaboln ye mbiindaan la, le ki pɔɔni ubaa ke u nyan nimi Uwumbɔr aasan mu u tuk nimi ke ni li dii mu na ni. Ni ku udaan ngbaan, nima kan, ni ga gaa nibaa titunwanbir chee lii.

Ikaal 13:5 ပူးပေါင်းရင်းမြစ်များ

1 Bibɔrb 13:19

Kina pu le Uwumbɔr aabɔnabr u nan nyan ni Juda aatiŋ ni na dii ubɔnabkpok na buen linampal, le u ni u ti jin tijikaar.

1 Bibɔrb 18:40

Le Elaija bui bi ke, “Chuu liwaal Baal aawaadam man; taa cha ubaa san ŋmar man.” Le binib ngbaan nan chur bi mɔmɔk, le Elaija di bi buen Kisonn Aamɔɔl ni ki ti ku bi mɔmɔk.

2 Bibɔrb Aabɔr 34:31

U nan si gbɔk nnaan aajaatɔlk na, le ki puu tipuur tii Uwumbɔr ke u ga di usui mɔmɔk kii waamɔb, ki li joo waakaal ni waamɔkm, ki ŋa tipuur ngbaan aah ban pu aan ni ŋmee dɔ kigbaŋ ngbaan ni na.

Jeremia 14:15

Min Uwumbɔr bui si tiwan ni m ga ŋa bibɔnabr bi maa nan tun bi aan bi di maayimbil len ke butɔb ni nkon aan dan kitiŋ kee pu na, m ga di butɔb ni nkon le ku bi.

Jeremia 50:6

“Maanib bi ke ipiih i aapihkpaal cha i wɔŋ ŋijoo ponn ni na la. Bi chuun yenni ki nya lijool libaa paab ki ti saa liken paab, le ki suln bido aah ye nin wɔb na.

Jeremia 7:23

Tɔ, m nan tee bui bi ke bi li keei maamɔb, aan m li ye Baawumbɔr, le bi mu li ye maanib. M nan bui bi ke bi li bi maah bui bi ke bi li bi pu na, aan ki li kpa lifuur.

Sekaria 13:3

Le unii u beenin ban ke u nabr tibɔr na aate ni una le ga bui u ke bi ga ku u, ba pu? u bui ke u nabr Uwumbɔr aamɔboln la, le ki tee mɔln inyamɔn. U yaa nabr tibɔr kan, ute ni una le ga saa kijuk ku u.

Lituln 13:8

Ubɔɔ ngbaan aayimbil leler nan ye Elimas la. Elimas aatataa le ye ke ubɔɔ. Le u kpak Banabas ni Sɔɔl kinikpakpak, ki pɔɔni ubaa ke uninkpel ngbaan taa gaa Yesu ki kii.

Ikaal 13:10

Ni mae ŋitakpal ku u, ba pu? u ban u ŋmann nimi aan ni yii Nidindaan Uwumbɔr u nyan ni nimi Ijipt aatiŋ ni, ki nyan nimi tinaagbiir ni na la.

Ikaal 13:15

ni kpaan ki ku binib bimɔk bi kitiŋ ngbaan ni na, ni baawakor mu. Ni kuln kitiŋ ngbaan mɔmɔk.

Ikaal 13:9

Ni ku u. Sin u, u pue len aa chee kina na kan, aa piin ki li mae u ŋitakpal aan ki cha biken kpee aa pu.

Ikaal 17:5

ni nyan udaan ngbaan kitiŋ aagbaan aan ki mee ŋitakpal ku u.

Ikaal 17:7

Ni cha seeraadam ngbaan pue mee u ŋitakpal, aan nimi bi gur na mu kpee bi pu, ki ku u. Ni yaa ŋa kina kan, ni ga nyan titunwanbir ngbaan ni chee.

Ikaal 18:20

Ubɔnabr umɔk di maayimbil len tibɔr ti maa tuk u na kan, ni ku u kina pu. Le ubɔnabr u mu di ŋiwaa aayimbil len tibɔr na, ni ku u kina pu.’

Ikaal 22:21

bi di u buen ute aadichal aanampal, aan kitiŋ ngbaan ni aajab mae ŋitakpal ku u. Upii ngbaan aah nan laa bi ute do ki bee uja aan ki nin kun tichar pu na, u jinn waanib Israel yaab inimɔɔn. Ni yaa ku u kan, ni ga nyan kina aatunwanbir aaboln nibaa chee.

Ikaal 22:24

ni nyan bi kitiŋ ngbaan aagbaan ki ti mae ŋitakpal ku bi. Ni ŋeer ke ni ku upiibo ngbaan, ba pu? u yii, kaa wii yin binib; u yaa ba wii kan, binib ba ga ŋun ki gaa u lii. Le uja mu ŋeer ke u kpo, ba pu? u doon upiibo u ubaa ban u yoor na chee. Ni yaa ku bi mɔmɔk bilee ngbaan kan, ni nyan kina aatunwanbir aaboln nibaa chee a.

Ikaal 24:7

“Israel aanii umɔk loon chuu uŋeen aatɔ ki di u ŋa waanaagbiija, bee u di u kooh bi ti ŋa u unaagbiinii na kan, ni ku u. Ni yaa ku u kan, ni ga nyan kina aatunwanbir aaboln nibaa chee.

Ikaal 26:14

Maah nan wii ikpowiil na, maa nan jin ti ponn ni, buyoonn maa nan bi chain na, maa nan lee ti ponn ni ngem nyan maadichal ni, ki mu aa lee ti tii bitekpiib. Uwumbɔr, saah bui ke m tii tijikaar aapiin pu na, m ŋa ni mɔmɔk.

Ikaal 4:19

Ni taa cha nibaa tɔŋ nimi aan ni li dooni tiwan ni ni waa kitaapaak, ni ye nwiin, ni uŋmal, ni iŋmabi na. Nidindaan Uwumbɔr le di tiwan nimina mɔmɔk tii binib bi mɔmɔk bi dulnyaa wee ni na.

Ikaal 6:13

Ni li pak Nidindaan Uwumbɔr, ki li dooni uma baanja, aan ki li puur nimi aapuur waayimbil baanja pu.

Ikaal 7:4

Ba pu? ni yaa ŋa kina kan, bi ga cha nimi aabim yii Uwumbɔr, le ki dooni ŋiwaa. Ni yaa ŋa kina kan, Uwumbɔr aaŋuul ga fii ni pu, le u kuln nimi doo.

Josua 23:8

Ni tee li dii Uwumbɔr mbamɔm, ke naah gaa u ki kii ki nan saa dandana wee pu na.

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.

Bibɔjirb 20:13

Nyan ni man bininsum ngbaan Gibea aatiŋ ni, aan ti ku bi ki nyan titunwanbir ngbaan Israel aanib ni.” Tɔ, Benjaminn aanibol aanib ngbaan aa nan di Israel yaab ngbaan aabɔr ngbaan yin nibaa.

1 Samuel 12:14

Nimi ni nimi aabɔr yaa nyuŋ Nidindaan Uwumbɔr ki tun tii u, ki ŋun tii u, ki dii waakaal, ki dii u mbamɔn kan, tiwan mɔmɔk ga li ŋan tii ni mɔmɔk.