Ikaal 13:4 - Uwumbɔr aagbaŋ

⁴ Ni li dii Uwumbɔr aasan ki pak u. Ni ŋun tii u, ki li joo waakaal mɔmɔk; ni li dooni uma baanja, ki li ŋani waah len pu na n‑yoonn mɔmɔk.

Ikaal 13:4 ပူးပေါင်းရင်းမြစ်များ

2 Bibɔrb 23:3

U nan si gbɔk nnaan aajaatɔlk chee le ki puu tipuur tii Uwumbɔr ke u ga di usui kii waamɔb ki li joo waakaal ni waamɔkm, ki ŋa tipuur ngbaan aah ban pu, aan ni ŋmee dɔ kigbaŋ ngbaan ni na. Le binib ngbaan mɔmɔk mu puu ke bi ga li joo tipuur ngbaan.

2 Bibɔrb Aabɔr 34:31

U nan si gbɔk nnaan aajaatɔlk na, le ki puu tipuur tii Uwumbɔr ke u ga di usui mɔmɔk kii waamɔb, ki li joo waakaal ni waamɔkm, ki ŋa tipuur ngbaan aah ban pu aan ni ŋmee dɔ kigbaŋ ngbaan ni na.

Jeremia 7:23

Tɔ, m nan tee bui bi ke bi li keei maamɔb, aan m li ye Baawumbɔr, le bi mu li ye maanib. M nan bui bi ke bi li bi maah bui bi ke bi li bi pu na, aan ki li kpa lifuur.

Maika 6:8

Aayii. Uwumbɔr bui timi tiwan ni ŋan na. Waah ban tiwan ni ti chee na sɔ: ke ti ŋa tiwan ni tok ki ŋan na, ki li kpa ngeehm n‑yoonn mɔmɔk, ki li bi suuna timi Aawumbɔr chee.

Tibɔnyaan ti Luk ŋmee ti na 1:6

Sekaria ni upuu mɔmɔk nan ye bininyaam Uwumbɔr chee, ki dii waakaal mɔmɔk, ki ŋani waah ban pu na, kaa kpa taani ubaa.

Rom Yaab 6:13

Ni taa di nimi aawon tii titunwanbir, ki taa tun lituln li kaa ŋan na. Ni di nibaa tii Uwumbɔr, ke binib bi fikr nkun ni na, ki di nimi aawon tii Uwumbɔr, ke ni tun lituln li ŋan na ki tii u.

1 Korenti 6:17

Tɔ, unii u kpaan Tidindaan chee na, bi kpaan nwiinbaan la.

Ikaal 10:20

Ni kii Nidindaan Uwumbɔr aamɔb aan ki li dooni uma baanja. Ni li si chob ki dii u mbamɔm, ki li puur tipuur waayimbil baanja pu.

Ikaal 11:1

“Ni li gee Nidindaan Uwumbɔr, ki li joo waakaal n‑yoonn mɔmɔk.

Ikaal 30:20

Ni li gee Nidindaan Uwumbɔr, ki kii tii u, ki li dii u mbamɔm. Le nimi ni niyaabitiib ga ti li bi waah nan puu tipuur ke u ga di kitiŋ ki tii niyaajatiib Abraham, ni Aisak, ni Jakob na ponn ni, ki yunn.”

Ikaal 6:13

Ni li pak Nidindaan Uwumbɔr, ki li dooni uma baanja, aan ki li puur nimi aapuur waayimbil baanja pu.

Ikaal 6:5

Ni li gee Nidindaan Uwumbɔr nimi aasui mɔmɔk ni, ni nimi aawiin mɔmɔk, ni nimi aapɔɔn mɔmɔk.

Kolosiya 1:10

aan ki li dii Tidindaan waah ban pu na, aan ki gbiin unimbil, ki tun litunyaan aabɔŋ mɔmɔk, ki moo bee waabɔr.

2 Jɔnn 1:6

Ti yaa gee Uwumbɔr kan, naatataa le ye ke ti li keei waamɔb. Naah nan piin ki dii Yesu aasan na, ni nan ŋun nkaal ngbaan la, le ki di nan saa din. Nkaal ngbaan le ye ke ti li gee tɔb n‑yoonn mɔmɔk.

1 Samuel 7:3

Le Samuel bui Israel aanib ke, “Ni yaa ban ke ni fenn ki gir ni Uwumbɔr chee kan, see ni nyan ŋiwaa, ni liwaapii Astaate aanaŋ ŋi bi nikaasisik ni na, ki di nibaa tii Uwumbɔr kookoo, ki li dooni uma baanja, le u ga gaa nimi Filistia yaab aapɔɔn chee lii.”