Ikaal 13:3 - Uwumbɔr aagbaŋ

³ ni taa kii tii u. Naa kee dii ŋiwaa ngbaan. Nidindaan Uwumbɔr ban ke u di unii ngbaan tɔŋ nimi ki lik ke ni gee u nisui mɔmɔk ni aan naa gee u.

Ikaal 13:3 ပူးပေါင်းရင်းမြစ်များ

1 Bibɔrb 13:19

Kina pu le Uwumbɔr aabɔnabr u nan nyan ni Juda aatiŋ ni na dii ubɔnabkpok na buen linampal, le u ni u ti jin tijikaar.

Ilahn 119:2

Binib bi joo waamɔboln ki kii tii u bisui mɔmɔk ni na kpa mpopiin,

Ilahn 66:10

Uwumbɔr, aa tɔŋ timi; baah pu tikunabr mmii ni pu ki nyani tijɔŋ na, kina le aa tɔŋ timi.

Ilahn 81:7

Buyoonn ni nan bi tibɔr ni na, le ni nan yin mi, le m gaa nimi lii. M nan bi maabɔbɔryaan mu ye kitaabuŋ ni na, le ki kii nimi aayim ngbaan. M nan tɔŋ nimi Meriba aanyunbun na chee.

Nnyam 20:20

Moses nan giin bui bi ke, “Taa san ijawaan man, Uwumbɔr dan ke u nan tɔŋ nimi, le ki ban ke ni kii waamɔb, nima kan, naan tun titunwanbir.”

Aisaya 8:20

Le ni ga gar bi ke, “Li pel man Uwumbɔr aah mɔkni nimi pu na. Taa pel man bipɔnijoob aah len pu na. Baah tuk nimi pu na aa kpa tinyoor.”

Matiu 24:24

Ba pu? biŋmaŋmannim ga li bi. Bibaa ga bui ke bi ye Kristo ngbaan la. Biken mu ga bui ke bi ye Uwumbɔr aabɔnabtiib la. Le bi ga tun lijinjiir aatun pam, ki ŋmann binib. Hali, bi ga pɔɔn bibaa ke bi ti ŋmann binib bi Uwumbɔr nyan bi na.

Lituln 17:11

Le binib bi bi nima na pel Pɔɔl aah len pu na. Binib ngbaan ye binib ki jer Tesalonika aatiŋ ni yaab. Le binimbil man Pɔɔl aah len pu na pu. Idaa mɔmɔk bi nan kpar Uwumbɔr Aagbaŋ ponn ni, ki karni ke bi lik ke ti gbii aan taa gbii.

1 Korenti 11:19

Nnyamɔn aamɔmɔkb ga li bi ni ponn ni ki cha ni bee binib bi ye mbamɔndam na.

2 Korenti 8:8

Maah len pu na, naa ye ke m muk nimi ke ni tii. M tuk nimi ke Yesu aanib biken aanimbil man ke bi tii u ipiin, ke m bee ni mu aah gee u pu na.

Efesusi 4:14

Ti taa ki li ye mbim. Biŋmaŋmannim bi kpa nnyamɔn aalan ke bi di ŋmann binib na yaa tuk nimi tibɔyayan ti kaa ye Kristo aabɔr na kan, ni taa dii bi.

Ikaal 6:5

Ni li gee Nidindaan Uwumbɔr nimi aasui mɔmɔk ni, ni nimi aawiin mɔmɔk, ni nimi aapɔɔn mɔmɔk.

Ikaal 8:16

Nteersakpiin ngbaan ni, le u nan tii nimi tijikaar ti bi yin ti ke mana na, le ni jin, tijikaar ti niyaajatiib aa nan nyi ti na. U nan cha falaa pii nimi ke u ŋaŋ nimi; nima kan, naadoon na, ni yaa nan nyaŋ kan, u ga ŋa tinyoor ŋa ni pu.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

2 Tesalonika 2:11

Baah yii Uwumbɔr aabɔr na, nima le u cha nnyamɔn aapak bi bisui ni, bi li pak nnyamɔn.

1 Jɔnn 2:19

Binib bi ye Kristo aadim na nyan ti chee. Bi mu aa nan ye timi aanib. Bi yaa ba ye timi aanib kan, bi ba ga li beenin bi ti chee. Bi nyan ti chee ke ti bee ke bi ponn ni ubaa aa ye timi aanii.

1 Jɔnn 4:1

Maanigeekaab, binib yaa len ke bi kpa Uwumbɔr Aafuur Nyaan kan, ni taa pak bi mɔmɔk. Ni lik baah len pu na, aan ki bee ke ni ye Uwumbɔr Aafuur Nyaan le cha bi len aan naa ye. Biŋmaŋmannim chuun dulnyaa wee ni ki wiir, ki len ke bi ye Uwumbɔr aabɔnabtiib, kaa ye.

1 Jɔnn 4:4

Maabim, ni ye Uwumbɔr yaab la. Uwumbɔr Aafuur Nyaan mu bi nisui ni na jer kinimbɔŋ ki bi dulnyaa wee ni na. Nima pu le ni nyaŋ Yesu aadin aabɔnabtiib ngbaan.

Tibɔkpiirkaan 13:14

ki ŋmann binib bimɔk bi dulnyaa ni na; ba pu? u nan kpa nsan ke u tun lijinjiir aatun njan aapeel aanimbiin ni, ki tuk dulnyaa ni aanib ke bi ŋa liwaal li naahn upeel u nan kpa kijuk aabuel li sɔŋ na.

Bibɔjirb 2:22

M ga di bima le lik ke Israel yaab bimina ga dii maasan ke biyaajatiib aah nan dii pu na aan baan dii.”

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.