Ikaal 13:16 - Uwumbɔr aagbaŋ

¹⁶ Ni kuun ni kitiŋ ngbaan aawan mɔmɔk nan kpaan kinyaŋ ni, ki see kitiŋ ngbaan ni kaawan mɔmɔk, aan ni li ye kitork aapiin ki tii Nidindaan Uwumbɔr. Ni cha kitiŋ ngbaan gaar kina ki li ye ŋilangben; ubaa taa ki maa kitiŋ ngbaan daalbaadaal.

Ikaal 13:16 ပူးပေါင်းရင်းမြစ်များ

Nnyam 22:19

“Ni ku uja u doon kiwakork chee na.

Aisaya 17:1

Uwumbɔr len ke, “Damaskus aan ki li ye kitiŋ sakpeŋ; ki ga li gur ye ŋilangbentanjal ŋmeen la.

Aisaya 25:2

Aa cha ntisakpem kpaln ŋilangben, ki bii ntim ngbaan aah bi nin chee na. Timi aadim aah nan maa ŋibɔrdichal ŋi na kuln, kaa ki si.

Jeremia 49:2

Tɔ, n‑yoonn choo, le m ga cha Amonn aatiyil Raba aanib ŋun butɔb aafuuk pu, le ki gur tilangbenn, kaatiwaatiir wu mmii. Le Israel yaab ga ki gaa baatiŋ ki bi nan gaa ki na bi chee.

Esekiel 26:14

M ga di cha litakpal li pu bijanbam ga li dei baapɔr na ŋmeen la. Ubaa aan ki gir maa si. Min, Aadindaan Uwumbɔr le len kina.”

Maika 1:6

Kina pu le Uwumbɔr len ke, “M ga cha Samaria kpaln litakpakpokl le kipɔɔk ni, nin chee bi ga ko ndaan aasubil aasui aasar na. M ga ber kaagon lii, ki faa kaabir ti mee kifataŋ ni.

Ikaal 7:25

Ni see baawaa mmii. Baah di tikunabr ni salmaa u paan ŋi pu na, ni taa li neen ŋi, ki taa yoor ŋi. Ni yaa ŋa kina kan, naan li ŋan, ni ga bii nimi, ba pu? Uwumbɔr aa gee ŋiwaa kpala.

Ikaal 7:26

Ni taa joo ni ŋiwaa ngbaan ŋibaa nido, ni yaa ŋa kina kan, Uwumbɔr aah ga kuln ŋi pu na, u ga kuln ni mu kina la. Uwumbɔr aah ga kuln ŋiwaa ngbaan pu na, ni mu li nan ŋi, ki yii ŋi.

Josua 6:21

Bi nan di baajum le ki ku bijab ni bipiib mɔmɔk, ni mbim, ni bininkpiib. Bi nan ku inaa, ni ipiih, ni ibon mu.

Josua 6:24

Bi nan see kitiŋ ngbaan, le mmii nan gaa tiwan nimɔk nan bi ki ponn ni na, see tiwan ni bi nan di salmaa, ni tikunabr, ni tikumann, ni tikur ŋa ni na, le bi nan yoor buen ti ŋa Uwumbɔr Aabool ni.

Josua 6:26

N‑yoonn ngbaan le Josua nan puu tipuur ki sak ke, “Unii u ban ke u ki gir maa Jeriko aatiŋ na, Uwumbɔr ga daa utafal. Umɔk ban u ki gir bil kitiŋ ngbaan aadinyikl na ga kɔŋ waajan aabo. Umɔk ban ke u ki gir kpaa kitiŋ ngbaan aabisamɔi na ga kɔŋ waabigbiln.”

Josua 8:28

Josua nan see Ai aatiŋ ngbaan mmii, le ki kpaln ŋilangben ŋmeen ki nan saa din.