Ikaal 13:13 - Uwumbɔr aagbaŋ

¹³ nibaakan ni ga ŋun ke titunwanbirdam bi ye nido yaab na mu ŋmann binaabitiib kitiŋ ki ponn ni bi bi na, le ki cha bi dooni ŋiwaa, ŋiwaa ŋi naa kee doon ŋi na,

Ikaal 13:13 ပူးပေါင်းရင်းမြစ်များ

2 Samuel 16:7

Simei nan puun lii u pu, le ki bui ke, “Nya do. Nya do. Unikur umina. Titunwanbirdaan umina.

2 Samuel 20:1

Kinifaŋ kibaa nan nyan ni Benjaminn aanibol ni, ki ye Bikri aajapɔɔn, le ki bi Gilgal ni, le bi yin u ke Seba. U nan pii kakaan ki bui ke, “Taa ban David. Taan dii u. Israel aajab, cha ti kun man.”

2 Samuel 23:6

Binib bi kaa san Uwumbɔr na naahn ikokon i bi di mee na; ubaa aan ŋmaa di uŋaal meeh i,

1 Bibɔrb 21:10

ki ban bibiindam bibaa aan bi nan len unimbil ni ke u puun lii Uwumbɔr ni ubɔr mɔmɔk pu. Ni yaa ŋa kina kan, ni di u nya kitiŋ ngbaan ni, ki ti yur ŋitakpal ku u.”

1 Bibɔrb 21:13

Bibiindam bilee ngbaan nan fii sil binib ngbaan mɔmɔk aanimbil ni, ki len ke u puun lii Uwumbɔr ni ubɔr mɔmɔk pu, kina pu le bi nan di u nyan kitiŋ ngbaan ni n‑gbaan ki yur ŋitakpal ku u.

2 Bibɔrb 17:21

Uwumbɔr aah yakr Israel yaab, Juda yaab chee doo na, le Israel yaab di Nebat aajapɔɔn Jeroboam ŋa baabɔr. Jeroboam nan cha bi suln Uwumbɔr bɔr, le ki di bi koon titunwanbir kpaan ni.

2 Bibɔrb Aabɔr 13:7

Puwɔb le u di nifam bi kaa bi tibaa ni na, le bi di baageehn tii Solomonn aajapɔɔn Rehoboam u nan par kaa nyi waah ga ŋa pu ki giin bi kaan na.

Jɔnn 8:44

Kinimbɔŋ aabim le ye nimi, kima le ye nite. Le ni ban ni li ŋani kaah gee pu na. Dulnyaa aah nan piin buyoonn ki nan saa dandana na, ki ye unikur la. Kaa len ibamɔn. Mbamɔn aa bi ki ni. Ki yaa len inyamɔn kan, ki len tibɔr ti bi ki ni na la. Ki ye unyamɔndaan la. Kima le naan inyamɔn.

2 Korenti 6:15

Kristo ni kinimbɔŋ ga li ŋmaa kpaan kimɔbaan aa? Unii u dii Yesu aasan na, ni unii u kaa dii na aabimbin kpaan aa?

Ikaal 13:12

“N‑yoonn mu ni ti bi ntim mu Nidindaan Uwumbɔr di tii nimi na ni,

Ikaal 13:14

ni yaa ŋun bi len kina aabɔr kan, ni pɔɔn nibaa ki fiir lik, ki bee ti mbamɔm; ti yaa ye mbamɔn kan,

Ikaal 13:2

ki ban ke u cha ni li dooni ŋiwaa kan, ni taa dii u. Hali waah puu tipuur ti na yaa ŋa kina kan,

Ikaal 13:6

“Hali ni yaa ye aana aabo, bee aajapɔɔn, bee aabisal, bee aapuu u aa gee sakpen na, bee aajɔ u aa ni u aan ŋmaa yakr tɔb chee na, le yaa loon bui si ke ni li dooni ŋiwaa kan, aa taa kii tii u. Aa ni aayaajatiib aa kee dii ŋiwaa ngbaan.

Ikaal 17:4

Ni yaa ŋun kina aabɔr kan, ni pɔɔn nibaa ki lik tibɔr ngbaan ponn ni mbamɔm. Ni yaa ye mbamɔn ke titunwanbir ngbaan sil bi Israel aatiŋ ni kan,

Ikaal 4:19

Ni taa cha nibaa tɔŋ nimi aan ni li dooni tiwan ni ni waa kitaapaak, ni ye nwiin, ni uŋmal, ni iŋmabi na. Nidindaan Uwumbɔr le di tiwan nimina mɔmɔk tii binib bi mɔmɔk bi dulnyaa wee ni na.

1 Jɔnn 2:19

Binib bi ye Kristo aadim na nyan ti chee. Bi mu aa nan ye timi aanib. Bi yaa ba ye timi aanib kan, bi ba ga li beenin bi ti chee. Bi nyan ti chee ke ti bee ke bi ponn ni ubaa aa ye timi aanii.

1 Jɔnn 3:10

Unii umɔk kaa ŋani ni ŋan na aa ye Uwumbɔr aabo. Unii umɔk kaa gee una aabo na, u mu aa ye Uwumbɔr aabo. Nima le cha ni beer binib bi ye Uwumbɔr aabim na, ni binib bi ye kinimbɔŋ aabim na.

Juud 1:19

Binib ngbaan yakr Yesu aanib la, ki dii bisui aah gee pu na, kaa kpa Uwumbɔr Aafuur Nyaan.

Bibɔjirb 19:22

Bi nan bi ji ki mɔɔni, le bininsum bibaa nyan ni kitiŋ ni ki nan kpaan gob lidichal ngbaan ti ton ki gbaa jaaleŋ. Bi nan bui ujaninkpel ngbaan ke, “Nyan ni uja u ba dii si kun ni na. Ti ban ti doon u chee la.”

Bibɔjirb 20:13

Nyan ni man bininsum ngbaan Gibea aatiŋ ni, aan ti ku bi ki nyan titunwanbir ngbaan Israel aanib ni.” Tɔ, Benjaminn aanibol aanib ngbaan aa nan di Israel yaab ngbaan aabɔr ngbaan yin nibaa.

1 Samuel 10:27

Le nifam bibaa bui ke, “Umina ga ŋmaa ŋa ba tii timi?” Bi nan lik seen Sɔɔl, le kaa tii ni u ipiin ibaa. Le Sɔɔl aa len tibaa.

1 Samuel 2:12

Eli aajapɔtiib nan ye bibiindam la. Bitafal aa nan bi Uwumbɔr ni,

1 Samuel 25:17

Nimina ga ŋmaa tii timi aaninkpel ni waadichal tibɔbir. U kpa mbiin sakpen, kaa ban u ŋun tii ubaa.”

1 Samuel 25:25

M gaŋ si, taa pel maabitibaani daan Nabal ngbaan. U sil ye waayimbil aatataa aah ye pu na la, ke ujɔr. Maaninkpel, maa ba bi nima le saanaagbiib dan.