Ikaal 13:1 - Uwumbɔr aagbaŋ

¹ “Unii u bui ke u ye Uwumbɔr aabɔnabr na, bee unii u nyi tidaŋ aatataa na yaa puu tipuur tii nimi ke u ga mɔk nimi lijinjiir aawan,

Ikaal 13:1 ပူးပေါင်းရင်းမြစ်များ

1 Bibɔrb 13:18

Le Uwumbɔr aabɔnabkpok u nyan Betel ni na nan bui u ke, “Min mbaa mu ye Uwumbɔr aabɔnabr ke sin na la; le Uwumbɔr aatuun bui mi ke m nan di si buen linampal ki ti ŋa si tichann.” Tɔ, Uwumbɔr aabɔnabkpok ngbaan nan bi geei la.

1 Bibɔrb 13:19

Kina pu le Uwumbɔr aabɔnabr u nan nyan ni Juda aatiŋ ni na dii ubɔnabkpok na buen linampal, le u ni u ti jin tijikaar.

Ŋiyataŋak 30:6

Aa yaa bui ke u len tibɔr tibaa aan waa len ti kan, u ga daa aatafal ki mɔk si ke aa ye unyamɔndaan la.”

Aisaya 9:15

Bininkpiib bi por na, ni baaninyuum le ye liyil, le ŋitaa ye Uwumbɔr aabɔnabr bi joo inyamɔn mɔk binib ngbaan na.

Jeremia 23:11

Uwumbɔr bui ke, “Maabɔnabtiib ni bitotoorb aa dii min Uwumbɔr; m kan bi Maadichal ponn ni, bi bi tun titunwanbir.

Jeremia 23:32

Uwumbɔr bui ke, “Li pel man maah len pu na. M ni bibɔnabr bi joo baadaŋ ti gbii inyamɔn na mooni na ga kan tɔb. Bi joo tidaŋ ngbaan le len, ki joo baanyamɔn ni kipupuk ŋmanni maanib. Maa tun bi, kaa bui bi ke bi li cha, le baa kpa nterm mubaa ki tii binib ngbaan. Min Uwumbɔr le len kina.”

Jeremia 27:9

Taa ŋun tii bibɔnabr man, bee unii umɔk bui ke u ga ŋmaa len tiwan ni ga fe ŋa fen na tidaŋ ni, bee bitekpiib aawiin, bee binib bi joo inyɔk tun na. Bi mɔmɔk tuk nimi le ke ni taa kii tii Babiloŋ aabɔr.

Jeremia 29:24

Uwumbɔr Mpɔɔnsakpiindaan, u ye Israel yaab Aawumbɔr na, nan tii mi tibɔr ke m di tii Semaya, u ye Nehelam aatiŋ aanii, ki nan di ubaa aayimbil pu ki ŋmee kigbaŋ tii Jerusalem aanib mɔmɔk, ni utotoor Sefania, u aate ye Maaseya na, ni bitotoorb biken na mɔmɔk. Semaya nan ŋmee tibɔr timina le waagbaŋ ngbaan ni tii Sefania:

Jeremia 29:26

“Uwumbɔr nan yii Jehoyada le ki di si ŋa utotoor, sin le ye uma Uwumbɔr Aadichal ni aayidaan. Ni ye sin le aatuln ke aa chur biwaarb bi mɔmɔk chuun ŋmanni ke bi ye bibɔnabr na, ki di tikur aabuen ŋmaan bisil, ki di tikululn baa bi kaan.

Jeremia 29:8

Min Uwumbɔr u ye Israel yaab Aawumbɔr na sak nimi ke ni taa cha bibɔnabr bi bi ni ponn ni na li ŋmanni nimi, ki taa cha binib bi bui ke bi nyi fen aabɔr na ŋmann nimi. Taa pel man baadaŋ ti bi daŋni na.

Jeremia 6:13

Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil, hali maabɔnabtiib ni bitotoorb ji binib ngbaan la.

Esekiel 13:23

Nimi aanyamɔn aabɔkpiirkaan, ni tibɔr ti ni joo cha binib yenni isan na aabɔr doo a. M bi nyani maanib nimi aapɔɔn ni, le ni ga bee ke min le ye Uwumbɔr.”

Sekaria 10:2

Binib chaa bibɔɔb ni ŋiwaa chee ti buu tibɔɔr, ni mu aah tuk bi tibɔr ti na ye inyamɔn le kaa kpa ŋitaa. Bibaa mu bui ke bi nyi tidaŋ aatataa, le ki cha ni yenni. Bi mɔmɔk aah tii mpopiin mu na ye fam la. Kina pu le binib ngbaan chuun yiini ke ipiih i wɔŋ na. Baah kaa kpa usaloln na le cha bi bi tibɔr ni.

Sekaria 13:4

N‑yoonn ngbaan yaa nan fuu ni kan, ubɔnabr aan li kpa kigaak waah kan tibɔkpiirkaan ti na pu. Ubaa aan li tun ke ubɔnabr na. Ubaa aan kii ke u peen ubɔnabr aawanpeenkaan ni saak kuub na ke u di ŋmann binib.

Matiu 24:11

Le binib bi ŋmanni ke bi ye Uwumbɔr aabɔnabtiib na ga li wiir ki ŋmanni binib pam.

Matiu 24:24

Ba pu? biŋmaŋmannim ga li bi. Bibaa ga bui ke bi ye Kristo ngbaan la. Biken mu ga bui ke bi ye Uwumbɔr aabɔnabtiib la. Le bi ga tun lijinjiir aatun pam, ki ŋmann binib. Hali, bi ga pɔɔn bibaa ke bi ti ŋmann binib bi Uwumbɔr nyan bi na.

Matiu 7:15

“Ni li nyi binyamɔndam bi ŋmanni ke bi ye Uwumbɔr aabɔnabr na. Bi ŋmanni ke bi ye ipiih, le ki tee ye ŋisapol ŋi ga bii nimi na.

Tibɔnyaan ti Mak ŋmee ti na 13:22

Ba pu? biŋmaŋmannim ga li bi. Bibaa ga bui ke bi ye Kristo la. Biken ga bui ke bi ye Uwumbɔr aabɔnabtiib la. Bi ga tun lijinjiir aatun ki ŋmann binib; bi ga pɔɔn bibaa ke bi ŋmann Uwumbɔr aanib mu.

Tibɔnyaan ti Luk ŋmee ti na 6:26

“Binib mɔmɔk yaa pak nimi kan, tibɔbir ga li bi ni pu. Kina le biyaajatiib nan pak biŋmaŋmannim bi nan ŋmanni ke bi ye Uwumbɔr aabɔnabtiib na.”

Ikaal 18:20

Ubɔnabr umɔk di maayimbil len tibɔr ti maa tuk u na kan, ni ku u kina pu. Le ubɔnabr u mu di ŋiwaa aayimbil len tibɔr na, ni ku u kina pu.’

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Ikaal 4:2

Ni taa di nibaa kpee ikaal ngbaan ni, ki taa nyan nibaa i ni. Ni kii tii Nidindaan Uwumbɔr aakaal i m joo tuk nimi na mbamɔm.

2 Tesalonika 2:9

Titunwanbirdaan ngbaan yaa nan fuu ni kan, u ga li kpa kinimbɔŋ aapɔɔn, ki tun kaatuln, ki li kpa mpɔɔn ki ŋmann ke u tun lijinjiir aatun la,

2 Piita 2:1

Biŋmaŋmannim mu nan bi Israel yaab ponn ni n‑yoonn ngbaan, ki ŋmanni ke bi ye Uwumbɔr aabɔnabr la. Le biŋmaŋmannim ga li bi ni mu ponn ni, ki ga li looni ki mɔk nimi nnyamɔn aamɔkm mu ga bii nimi na. Hali bi ga yii Tidindaan u nan gaa bi lii na. Nima pu le Uwumbɔr ga daa bitafal mbamɔm mala.

1 Jɔnn 4:1

Maanigeekaab, binib yaa len ke bi kpa Uwumbɔr Aafuur Nyaan kan, ni taa pak bi mɔmɔk. Ni lik baah len pu na, aan ki bee ke ni ye Uwumbɔr Aafuur Nyaan le cha bi len aan naa ye. Biŋmaŋmannim chuun dulnyaa wee ni ki wiir, ki len ke bi ye Uwumbɔr aabɔnabtiib, kaa ye.