Ikaal 12:7 - Uwumbɔr aagbaŋ

⁷ Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ikaal 12:7 ပူးပေါင်းရင်းမြစ်များ

1 Bibɔrb Aabɔr 29:22

Kina pu na, bi nan jin ki nyun Uwumbɔr aanimbiin ni liyaadaal ngbaan, ki nan kpa mpopiin sakpen. Bi nan ki gir moon lelee ke Solomonn le ye ubɔr. Bi nan kaan u nnaan Uwumbɔr aayimbil pu, le ki di Sadok mu ŋa utotoor.

Nehemia 8:9

Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Ulandaan 3:12

Le m bee ke buyoonn ti laa bi dulnyaa wee ni na, ti li kpa mpopiin ki tun taah ga ŋman pu na.

Ulandaan 3:13

Ti mɔmɔk li ji ki nyu, ki li mɔɔni taah tun ki kan tiwan ni na pu. Ni ye Uwumbɔr aapiin la.

Ulandaan 5:18

Maah kan pu na sɔ: tiwan ni ŋan ke unii ŋa na le ye ke u ji ki nyu, ki li mɔɔni waah tun ki kan pu kimɔfageŋ ki Uwumbɔr di tii u na ni. Unibɔn aadoon le na.

Aisaya 23:18

Bi ga di ŋimombil ŋi bi kani kitiirk ni na di tii Uwumbɔr. Baan ki di ŋi bil; le binib bi dooni Uwumbɔr na ga gaa baamombil ngbaan ki di daa tijikaar ni tiwanpeenkaan ni bi ban na.

Aisaya 62:9

Nimi bi bun ki nan chee nimi aajikaabim na, le ga nan ji ŋaasaa aan ki pak Uwumbɔr. Nimi bi ŋum ki lik ndaan aasubil aasui na, le ga nyu ŋaadaan min Uwumbɔr Aadichal aachin ni.”

Esekiel 44:3

Israel yaab aajojoor na ga ŋmaa buen nima chee ti ji chain aajikaar nnimbiin ni. U ga dii mbisamɔb mu dii ponn ni aanaakɔsamɔb na le ki ki dii nima chee nya.”

Joel 1:16

Ti si lik kaa kpa nterm mubaa, le timi aajikaar mɔmɔk bii doo. Mpopiin mubaa aa bi timi Aawumbɔr Aadichal ni.

Joel 2:26

Dandana wee ma kan, ni ga kan sakpen ki ji bab. Ni ga pak Nidindaan Uwumbɔr u ŋa lijinjiir aawan ngbaan ki tii nimi na. Ubaa aan ki lik seen min Uwumbɔr aanib.

Liifai Yaab 23:40

Liyaadaal kan, ni ban ŋisubinyaan nimi aasui ponn ni, ki ban tibɔkpafar, ni isui i ŋan na aafar, aan ki piin njim ngbaan ki nyuŋ Nidindaan Uwumbɔr.

Malakai 2:13

Naah ki ŋani tiwan ni mu kpee na sɔ: Ni pu, le bipiib wii ki di tinyunyunn gbiin Uwumbɔr aatork aabimbiln pu, kina pu na le Uwumbɔr aa ki gaal nimi aapiin i ni joo nan tii u na.

Lituln 2:46

Idaa mɔmɔk bi nan kuuni Uwumbɔr Aadichal ni, ki kpaani bido ki ji tijikaar, ki pak Uwumbɔr, ki kpa mpopiin, ni tibulchinn. Le binib mɔmɔk pak bi. Tidindaan nan joo binib bi ŋmar na kpae waanib pu idaa mɔmɔk la.

Ikaal 12:12

Nima chee, le nimi, ni nimi aabim, ni nimi aatutum, ni Liifai yaab bi bi nimi aatim ni na li kpa mpopiin ki li mɔɔni Nidindaan Uwumbɔr aanimbiin ni. Ni teer ke Liifai yaab aan li kpa bibaa aakpaakon.

Ikaal 12:18

Nimi, ni nimi aabim, ki kpee nimi aatutum, ni Liifai yaab bi koo nimi aatim ni na, kpaan ki ji ipiin ngbaan aajikaar Nidindaan Uwumbɔr aanimbiin ni, nin chee u nyan ke ni li dooni u na baanja. Ni li kpa mpopiin ki mɔɔni tiwan nimɔk ni ŋa na pu.

Ikaal 12:8

“N‑yoonn ngbaan yaa nan fuu ni kan, naah bi ŋani pu na, ni taa ki ŋa kina.

Ikaal 14:23

Ni yaa nyan ti ki di kpaan kan, ni di buen Nidindaan Uwumbɔr aah nyan nin chee ke ni li dooni u na, ki ti ji naah nyan njikaabim, ni ŋisubil aadaan, ni olif aakpan, ni nimi aawakor aajan aabim aajim, unimbiin ni. Ni ŋa kina aan ki li nyuŋni Nidindaan Uwumbɔr n‑yoonn mɔmɔk.

Ikaal 14:26

Ni di ŋimombil ngbaan daa naah ban tiwan ni na. Ni ga ŋmaa daa naah ban tiwan ni na. Ni ga ŋmaa daa kiwakork, bee ŋisubil aadaan, bee tiwan nimɔk ni ban na. Le nimi, ni nimi aamaal ga ŋmaa kpaan ki ji tiwan ngbaan Nidindaan Uwumbɔr aanimbiin ni, ki li kpa mpopiin.

Ikaal 15:20

Ŋibin mɔmɔk kan, ni di i buen nin chee ni dooni Uwumbɔr na, ki ti kɔr i, aan nimi, ni nimi aamaal kpaan ŋmɔ i, Uwumbɔr aanimbiin ni.

Ikaal 26:11

Li dooni ki pak Aadindaan Uwumbɔr, waah tii si, ni saamaal tiwanyaan nimɔk na, ki cha aa ni Liifai yaab, ni biwɔwɔm bi bi ni chee na kpaan ji njim ngbaan, ki li mɔɔni.

Ikaal 27:7

ki toor kitork, ki kpaan tɔb chee ki ji kimɔbaan aatork, ki doon Nidindaan Uwumbɔr, unimbiin ni.

Ikaal 28:47

Uwumbɔr le ŋani tinyoor ŋani ni pu tiwan mɔmɔk ni, le ni yii ke naan doon u, kaan li kpa mpopiin ki li mɔɔni u pu.

Filipi 4:4

Ni li kpa mpopiin Tidindaan pu, n‑yoonn mɔmɔk. M ki tuk nimi la, ni li kpa mpopiin man.