Ikaal 12:5 - Uwumbɔr aagbaŋ

⁵ Nimi aanibol mɔmɔk aah ga kal nin chee na, Uwumbɔr ga nyan nibaa chee, le ni ga choo unimbiin ni, ki nan dooni u nima.

Ikaal 12:5 ပူးပေါင်းရင်းမြစ်များ

1 Bibɔrb 14:21

Solomonn aajapɔɔn Rehoboam nan ye ŋibin imonko ilee ni libaa li ki jin Juda aanaan. U nan bi Jerusalem aatiŋ ki Uwumbɔr nan nyan Israel aapepel mɔmɔk ni ke ki li ye nin chee bi ga li dooni u na, ki joo Juda aatiŋ ki ti saa ŋibin kipiik ni ŋilole. Rehoboam aana le nan ye Naama. U nan ye Amonn aatiŋ aanii la.

1 Bibɔrb 8:16

‘Ki nyan n‑yoonn mu m nyan ni maanib Ijipt aatiŋ ni ki nan saa din na, maa lee kitiŋ kibaa Israel yaab aatiŋ ni, ke nima chee le bi ga maa Lidichal li ponn ni bi ga li dooni mi na. M tee lee si David, ke aa li joo maanib Israel yaab.’”

1 Bibɔrb 8:20

“Tɔ, le Uwumbɔr sil joo waah puu tipuur ti na. Min le nab nte aanaan pu, ki ye Israel yaab aabɔr, le ki maa Lidichal li ponn ni bi ga li dooni timi Israel yaab Aadindaan Uwumbɔr na.

1 Bibɔrb 8:27

“Tɔ, Uwumbɔr, m nyi ke saan ŋmaa koo taab do. Hali paacham mɔmɔk aa waa sakpen ki ga ŋeer si, kina pu na, Lidichal li m maa na par ke aa li koo li ponn ni.

1 Bibɔrb 8:29

Li kii Lidichal limina nwiin pu, ni kinyeek mɔmɔk, nin chee aa lee ke bi li dooni si na le na do. M yaa di nnimbil toŋ Lidichal limina ki mee si kan, aa ŋun maameel.

2 Bibɔrb 18:22

Asiria aajab aaninkpel ngbaan nan ki len ke, “Bee ni ga bui ke ni lik Nidindaan Uwumbɔr na pu la? Uwumbɔr uchachaan ngbaan aawaachur, ni kitork aabimbin le Hesekia nan ber ki bui Jerusalem ni Juda aanib ke bi li chaa ti dooni Uwumbɔr kitork aabimbiln libaa baanja chee, Jerusalem aatiŋ ni na.

1 Bibɔrb Aabɔr 22:1

Le David bui ke, “Tidindaan Uwumbɔr Aadichal aah ga sil nin chee na sɔ. Kitork aabimbiln li pu Israel aanib ga li joo baapiin seer mmii ni tii Uwumbɔr na sɔ.”

2 Bibɔrb Aabɔr 7:12

le Uwumbɔr nan dan u chee kinyeek ki nan bui u ke, “M ŋun saameel, ki gaa lidichal limina ke li li ye nin chee bi ga li toor kitork tii mi na.

Esra 3:2

le Jehosadak aajapɔɔn Josua, ni bitotoorb biken, ni Sealtiel aajapɔɔn Serubabel, ni udo yaab, kpaan ki ki gir maa bima Israel yaab Aawumbɔr aatork aabimbiln, aan bi ki ŋmaa di kitork aanann see mmii ni li pu, ke Uwumbɔr aanii Moses Aakaal aagbaŋ aah nan mɔk pu na.

Esra 6:12

Uwumbɔr u lee Jerusalem ke bi li dooni u nima chee na, cha ubɔr, bee litimbol li yii nkaal mue ki pɔɔn bibaa ke bi ber uma Uwumbɔr Aadichal ngbaan nima chee na lir. Min Darius le siin nkaal ngbaan. Unii mɔmɔk li joo mu mbamɔm.”

Esra 7:17

“Aa taa ji ŋimombil ngbaan yɔl yɔl, aa di ŋi daa inaaja, ni ipihja, ni ipihbi, ni njikaabim, ni ŋisubil aadaan, ki di ni toor kitork, Uwumbɔr Aadichal aatork aabimbiln pu, Jerusalem ni.

Nehemia 1:9

Le ni yaa fenn ki gir ni m chee ki ŋa maah bui nimi pu na kan, m ga giin ni nimi nin chee m lee ke ni li dooni mi na; le ni yaa po yaa yaa ki koo kitiŋ kee aadoon mɔk nin chee na kan, m ga giin ni nimi.’

Ilahn 78:68

U nan tee lee Juda aanibol, ni Sionn Aajool li u gee mbamɔm na la.

Nnyam 15:2

Uwumbɔr le ye u kii mi ki pɔɔ na. Uma le gaa mi lii. Uma le ye Maawumbɔr, le m ga pak u. Uma le ye nte Aawumbɔr, le m ga gaa ilahn ki pak waah kpa mpɔɔn pu na.

Nnyam 20:24

Ni di titan ki maa kitork aabimbiln tii mi, aan ki di nimi aapiih, ni iŋoob, ni nimi aanaa toor kitork ki di see mmii ni tii mi, ki toor kimɔbaan aatork mu tii mi. Nin chee mɔk m nyan tii nimi ke ni li dooni mi na, le m ga dan ni chee ki nan ŋa tinyoor ŋa ni pu.

Nnyam 25:22

M ga dan nima ni chee, tiwan ni kpa ifeen na aakaasisik ni aapaacham, le m ga di maakaal mɔk si, aa di tii maanib Israel yaab.

Jeremia 26:2

le Uwumbɔr bui mi ke, “Sil Maadichal aachiln ni ki di maah bui si pu na moon tuk binib bi nyani Juda aatim ni ki nan dooni mi nima chee na. Taa nyan ti ponn ni tibaa lii.

Jeremia 7:12

Li cha man Silo aatiŋ ni, libuul li ni m nan puen lee ke ni li dooni mi nima na, ki ti lik maah ŋa nima chee, maanib Israel yaab aatunwanbir pu na.

Jeremia 7:14

Maah nan ŋa Silo pu na, m ga ŋa Maadichal li ni di naadii tii li na kina. Libuul li m di tii nimi ni niyaajatiib na, m ga ŋa li ke maah nan ŋa Silo aatiŋ pu na.

Nkahm 7:89

N‑yoonn mu Moses buen Uwumbɔr Aabool ni u ti len Uwumbɔr chee tibɔr na, le u ŋun Uwumbɔr len u chee tibɔr, tiwan ni bi Nkaal Aadakaa pu aapaacham ki kpa ifeen na aakaasisik ni.

Ikaal 12:11

Uwumbɔr ga nyan nibaa chee le tii timi, aan ti li dooni u nima, le maah mɔk nimi pu na, ni li joo ni nimi aapiin mɔmɔk: ni ye nimi aatork ki ni joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni ipiin, ni ipiinkpaan i ni puu ke ni ga tii u na.

Ikaal 12:13

Ni taa li toor nimi aatork naah gee nin chee na,

Ikaal 12:18

Nimi, ni nimi aabim, ki kpee nimi aatutum, ni Liifai yaab bi koo nimi aatim ni na, kpaan ki ji ipiin ngbaan aajikaar Nidindaan Uwumbɔr aanimbiin ni, nin chee u nyan ke ni li dooni u na baanja. Ni li kpa mpopiin ki mɔɔni tiwan nimɔk ni ŋa na pu.

Ikaal 12:4

“Binib ngbaan aah dooni baawaa pu na, ni mu taa li dooni Nidindaan Uwumbɔr kina aaboln.

Ikaal 14:23

Ni yaa nyan ti ki di kpaan kan, ni di buen Nidindaan Uwumbɔr aah nyan nin chee ke ni li dooni u na, ki ti ji naah nyan njikaabim, ni ŋisubil aadaan, ni olif aakpan, ni nimi aawakor aajan aabim aajim, unimbiin ni. Ni ŋa kina aan ki li nyuŋni Nidindaan Uwumbɔr n‑yoonn mɔmɔk.

Ikaal 14:24

Nimi ngem yaa bi ntim mu daa nin chee Uwumbɔr nyan ke ni li dooni u, aan naan ŋmaa tun waah tii nimi tijikaar ti na aageln buen kan, naah ga ŋa pu na sɔ:

Ikaal 15:20

Ŋibin mɔmɔk kan, ni di i buen nin chee ni dooni Uwumbɔr na, ki ti kɔr i, aan nimi, ni nimi aamaal kpaan ŋmɔ i, Uwumbɔr aanimbiin ni.

Ikaal 16:11

Nimi, ni nimi aamaal, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim pu na mɔmɔk li kpa mpopiin Uwumbɔr aanimbiin ni. Ni mɔmɔk ŋa kina nin chee ni kpaani ki dooni Uwumbɔr na.

Ikaal 16:15

Ni ŋa kina aajim nin chee ni kuuni ki dooni Uwumbɔr na, ki ti saa iwiin ilole, ki nyuŋ Nidindaan Uwumbɔr. Uwumbɔr aah ŋa ni pu tinyoor, nimi aatuln ponn ni, ki cha ni chee tijikaar sakpen pu na, ni ŋa njim ngbaan, ki li kpa mpopiin kina pu.

Ikaal 16:2

Ni kuun buen nin chee ni kpaani ki dooni Uwumbɔr na, ki kɔr nimi aawakor ponn ni ubaa ki ŋa Lakr‑jer aajikaar aan ki nyuŋ Nidindaan Uwumbɔr.

Ikaal 16:7

Ni ŋaa tinann ngbaan nin chee ni dooni Uwumbɔr na, ki kpaan ŋmɔ ti mɔmɔk nima, aan kitaak yaa woln kan, ni mɔmɔk gir kun nido.

Ikaal 17:8

“Nibaakan, tibɔr tibaa ga li pɔɔ, le bibɔjirb bi bi itingbaan ni na aan ŋmaa toor ti. Ni yaa ye nkun, bee kijaak, bee ubaa yaa tii uken titotonn, bee ubaa yaa gaa uken aawangol kan, ni di kina aabɔr buen nin chee Nidindaan Uwumbɔr nyan aan ni mɔmɔk dooni u na,

Ikaal 18:6

“Liifai yaab umɔk nyan ni dandar, Israel yaab aatiŋ ni na yaa ban kan, u ga ŋmaa dan nin chee bitotoorb kpaani ki tun Uwumbɔr aatuln na,

Ikaal 26:2

ni mɔmɔk ubaabaa ban tijikaar ti ni chee njan na, ki gbiin tibɔɔkur, ki di buen naah dooni Uwumbɔr nin chee na.

Ikaal 31:11

ni karn ikaal ngbaan mpɔɔn pu, Tikakar Aajim aayoonn. Bi yaa dan bi nan doon Nidindaan Uwumbɔr nin chee ni dooni u na kan, ni karn i, aan Israel aanib ngbaan mɔmɔk ŋun.

Kolosiya 2:9

Uwumbɔr aabimbin mɔmɔk bi Yesu Kristo aawon ni.

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Josua 18:1

Baah nan nyaŋ ki gaa kitiŋ ngbaan mɔmɔk doo na, le Israel yaab mɔmɔk kuun buen Silo aatiŋ ni, ki ti ŋa Uwumbɔr Aabool nima chee.

Josua 22:11

Tɔ, binib bibaa nan tuk Israel yaab biken na ke, “Li pel man, Rubenn ni Gad aanibol, ni Manase aanibol ligeln maa kitork aabimbiln sakpeln libaa Gelilof aatiŋ ni, ni bi timi aapepel wɔb, Jɔɔdann Aamɔɔl chee.”

Josua 9:27

U mu nan di bi ŋa binaagbiib la, bi nan peei idɔ, le ki lu nnyun tii Israel yaab, ki lu ŋani Uwumbɔr Aadichal mu ni. N‑yoonn ngbaan kina ki nan saa din, bi laa beenin tun lituln ngbaan, nin chee Uwumbɔr nyan ke bi li dooni u na.

Tibɔkpiirkaan 14:1

Tɔ, le m kan Upihbo na si Sionn aajool paab. Binib ŋichur nkub ni imonko ilee ni ŋinaa nan bi u chee, le waayimbil ni Ute Uwumbɔr aayimbil nan ŋmee paa biyigbeer pu.