Ikaal 12:30 - Uwumbɔr aagbaŋ

³⁰ Uwumbɔr yaa kuln ŋinibol ngbaan doo aan ni koo ŋaatim ni kan, ni pɔɔn nibaa ki taa li dii baah dooni ŋiwaa ŋi na; ba pu? ni ye nnikun la. Ni taa li ban ni bee baah dooni baawaa pu na aan ki mu li dooni Uwumbɔr kina.

Ikaal 12:30 ပူးပေါင်းရင်းမြစ်များ

2 Bibɔrb 16:10

Ubɔr Ahas aah nan buen Damaskus aatiŋ ni, u ti kan Ubɔrkpaan Tiglaf Pileser na le u nan ti kan kitork aabimbiln nima, le ki di laanaŋ ti mɔk utotoor Uria. Ni nan naahn ke naah ye foto le na.

2 Bibɔrb 17:15

Bi nan yii kaa kii waamɔkm, baa nan joo tipuur ti u nan puu tii biyaajatiib na, le kaa di waah nan sak bi pu na yin nibaa. Bi nan dooni waafam tiib, le ki mu ŋa fam bibaa, le ki nan dii ŋitimbol ŋi mann goln bi na aakaal ki yiil Uwumbɔr aah bui ke bi taa li ŋani ŋitimbol ngbaan aah ŋani pu na.

Nnyam 23:24

Ni taa gbaan ki doon baawaa, ki taa gaa baah dii baawaa pu na. Ni gbaa wiil baawaa, ni ŋitakpal ŋi bi dooni na.

Jeremia 10:2

U bui ke, “Taa dii ŋitimbol ŋiken aasan man, taa cha wayɔlyɔl ni ŋani kitaapaak na li muk nimi, ke naah cha ijawaan chuu ŋitimbol ŋiken pu na.

Esekiel 11:12

Ni ga bee ke min le ye Uwumbɔr, ki bee ke naah nan joo ŋitimbol ŋi bi gbɔk nimi na aakaal na, ni nan bii maakaal ma, ki yiil maamɔb la.”

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Esekiel 20:32

Ni nan ŋa nimi aalandak ke ni li bi ke ŋitimbol ŋiken aanib bi koo ntim muken ni ki dooni isui ni ŋitakpal na. Tɔ, kina mu aan ŋa.

Liifai Yaab 18:3

Ni taa dii Ijipt yaab bi ni nan bi bi chee na aah ŋani pu na, bee Kanaann yaab bi aatiŋ pu m joo nimi cha na aah ŋani pu na.

Liifai Yaab 18:30

Le Uwumbɔr bui ke, “Ni kii ki li joo maah di ikaal i tuk nimi na, ki taa dii binib bi koo kitiŋ ngbaan ni na aah ŋani pu na ki cha baabimbin ngbaan bii nimi, ki ŋa nimi tijɔŋ. Min le ye Nidindaan Uwumbɔr.”

Nkahm 33:52

ni pɔɔn nibaa ki jenn nyan binib bimɔk bi kitiŋ ngbaan ni na. Ni bii baah di ŋitakpal ni tikur ŋa baawaa ŋi na, ni ŋiwaa ngbaan aah si nin chee na mɔmɔk.

Rom Yaab 12:2

Ni taa ki li bi ke dulnyaa wee aanib aah bi pu na. Kpeln nimi aalandak man aan ki kpeln nimi aabimbin. Nima le ni ga bee Uwumbɔr aah gee pu na. Ni ga bee naah ga ŋa pu ki li bi mbamɔm ki tun litunyaan ki piir usui na.

Efesusi 4:17

Ni taa li dii ke binib bi kaa nyi Uwumbɔr na aah dii pu na. Tidindaan aayimbil pu, le m len tibɔr timina. Baalandak mɔmɔk ye ilandak yɔli la.

Ikaal 11:16

Ni taa cha nibaa ŋmann nimi aan ni yii Uwumbɔr ki fenn dii ŋiwaa ki dooni ŋi.

Ikaal 12:29

“Nidindaan Uwumbɔr ga kuln ŋinibol ŋimɔk ni ban ni koo ŋaatim ponn ni na mɔmɔk, le ni ga kal nima.

Ikaal 12:31

Ni taa li dooni Nidindaan Uwumbɔr ke baah dooni baawaa pu na, ba pu? bi dooni baawaa ki ŋani tiwan ni kaa ŋan na aabɔŋ, le Uwumbɔr nan kina aabimbin. Hali bi joo baabim le kɔr toor kitork ki seer mmii ni, ŋibimbin paab tii ŋiwaa.

Ikaal 18:9

“Ni yaa ti fuu kitiŋ ki Nidindaan Uwumbɔr ban u di ki tii nimi na ni kan, ni taa dii ŋitimbol ŋi ka nima na aasanbir i bi dii na.

Ikaal 20:18

Ni ku bi mɔmɔk, nima kan, baan ŋmaa ŋmann nimi, ni ŋa tiwan ni kaa ŋan na, ke baah dooni baawaa pu na. Ni yaa ŋa kina kan, ni ga li ye titunwanbir Uwumbɔr aanimbiin ni.

Ikaal 7:16

Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.