Ikaal 12:20 - Uwumbɔr aagbaŋ

²⁰ “N‑yoonn mu Nidindaan Uwumbɔr moo tii nimi kitiŋ kpee, ke waah nan puu pu na kan, ni ga ŋmaa ŋmɔ tinann, naah ban pu na.

Ikaal 12:20 ပူးပေါင်းရင်းမြစ်များ

Mpiin 28:14

Bi ga li wiir ke kitiŋ aatanbol na. Bi ga yaa gbiin dulnyaa wee ni mɔmɔk. Le sin pu, ni aayaabitiib pu, m ga ŋa tinyoor ŋa ŋinibol mɔmɔk pu.

Mpiin 31:30

M bee ke aanimbil man aa gir kun, nima pu le aa san. Ba ŋa aa sun maadichal ni aawaa?”

2 Samuel 13:39

le waah nan suln Amnonn aakun pu na, le u nan ki gur neen ujapɔɔn Absalom aakam sakpen.

2 Samuel 23:15

David aalaasaab nan gur bi linampal ni la, le u bui ke, “Ubaa yaa ba joo ni mi nnyun mu nyan Betlehem aabisamɔb aanyunbun na ponn ni kan, m ba gee.”

1 Bibɔrb Aabɔr 4:10

Tɔ, Jabes nan mee Israel yaab Aawumbɔr ke, “Uwumbɔr, ŋa saanyoor ŋa m pu, ki tii mi kitiŋ ki wiir na. Li bi m chee, ki nyan mi kinimbɔŋ aawan nimɔk ga ŋmaa tii mi iween na ni.” Le Uwumbɔr nan tii u waah mee ki ban tiwan ni na.

Ilahn 107:9

U tii nnyunyuu aah joo binib bi na nnyun, le ki tii nkon aah joo binib bi na tijikaar ti ŋan na.

Ilahn 119:174

Uwumbɔr, m kiir buyoonn aa ga gaa mi lii na, ki ti bak a. Saakaal ponn ni le m kani mpopiin.

Ilahn 119:20

Nnimbil man ke m li nyi saakaal n‑yoonn mɔmɔk.

Ilahn 119:40

M gee ke m joo saakaal; saabimbinyaan pu, tii mi limɔfapɔln.

Ilahn 63:1

Uwumbɔr, sin le ye Maawumbɔr, le m neen si. Nsui, ni nwon mɔmɔk ban si ke kitiŋ ki kuur, ki laa itiween, kaa kpa nnyun na aah ban nnyun pu na la.

Ilahn 84:2

M gee sakpen ke m li bi li ponn ni. M neen ke m li bi Uwumbɔr Aadichal ni. M di nsui mɔmɔk gaa mpopiin aalahn tii Uwumbɔr u bi n‑yoonn mɔmɔk na.

Nnyam 23:31

M ga siin nimi aatiŋ aanaanmɔk ki yoor ni Limɔɔkal Aanyusakpem ki ti saa Yufrates aamɔɔl mɔk, ki yoor nima ki ti saa Kaasisik ni Aanyusakpem, ki ki yoor nima ki ti saa nteersakpiin ni. M ga tii nimi mpɔɔn, ni di nyaŋ binib bimɔk bi kitiŋ ngbaan ni na, le naah tur koo bi ponn ni na, ni ga li nyaŋni bi.

Nnyam 34:24

Buyoonn m ti jenn nyan ŋinibol ŋimɔk bi ni chee aan ki taln nimi aatiŋ na, ubaa aan ki tak nimi njim mutaa mue aayoonn.

Nkahm 11:20

ni ga ŋmɔ ti uŋmal ubaa le ti nuŋ nimɔfal ni, le ti ga cha ni buŋ kina pu. Ni ga ŋa kina, ba pu? ni yii Uwumbɔr u bi ni chee na, ki ŋulni ke naa ba gee ke ni nya Ijipt aatiŋ ni.’”

Nkahm 11:34

Bi nan yin nima chee ke, “Kikpeek Aacheek,” ba pu? nima chee le bi nan sub binib bi nan kpa tinann aakpeek ki kpo na.

Nkahm 11:4

Biwɔwɔm bibaa nan bi Israel yaab chee, ki dii bi cha. Bi nan cha tinann aakpeek chuu bi ni pɔɔ pam, le Israel yaab mu nan piin ki len tibɔr ti kaa ŋan na ki bui ke, “Ti yaa ba kan tinann ki ŋman kan, ni ba ŋan.

2 Korenti 9:14

ki mee u tii nimi, ki li gee nimi, Uwumbɔr aah cha ni kpa tibulchinn sakpen pu na.

Ikaal 11:24

Nitaa aah taa kitiŋ ki mɔmɔk pu na ga li ye nimi yaan la. Nimi aatiŋ mɔk ga yoor nteersakpiin aaŋangii wɔb ki ti nya Lebanonn Aajool chee, ŋŋangan wɔb, le ki ga ki yoor Yufrates Aamɔɔl chee, liwipuul wɔb, ki ti ker Kaasisik ni Aanyusakpem chee, liwilir wɔb.

Ikaal 12:15

“Nimi aawakor ma kan, ni ga ŋmaa kɔr ti nin chee ni bi na ki ŋmɔ. Uwumbɔr aah tii nimi pu na, ni ga ŋmaa kɔr naah gee pu na ki ŋmɔ. Unii umɔk bi chain na, ni u kaa bi chain na kan, ni ga ŋmaa ŋmɔ nimi aawakor, ke naah ku ipeeman ki ŋmɔ nimi aageehn pu pu na.

Ikaal 12:21

Naah dooni Uwumbɔr nin chee na yaa daa sakpen, aan ni yaa gee ke ni kɔr tiwakor ti Uwumbɔr tii nimi na tibaa, ki ŋmɔ linampal na kan, ni ga ŋmaa ŋa kina, maah tuk nimi pu na.

Ikaal 19:8

“N‑yoonn mu Nidindaan Uwumbɔr cha ni pɔr kpee, ke waah nan bui niyaajatiib ke u ga ŋa pu, ki di kitiŋ ngbaan mɔmɔk tii nimi doo na kan,

Filipi 1:8

Uwumbɔr nyi ke nnimbil man ke m ki kan nimi; ba pu? m gee nimi, Kristo aah tii mi ngeehm pu na.

Filipi 2:26

Unimbil man ke u ki kan nimi. Naah ŋun ke u bun na, nima le usui bii.