Ikaal 12:18 - Uwumbɔr aagbaŋ

¹⁸ Nimi, ni nimi aabim, ki kpee nimi aatutum, ni Liifai yaab bi koo nimi aatim ni na, kpaan ki ji ipiin ngbaan aajikaar Nidindaan Uwumbɔr aanimbiin ni, nin chee u nyan ke ni li dooni u na baanja. Ni li kpa mpopiin ki mɔɔni tiwan nimɔk ni ŋa na pu.

Ikaal 12:18 ပူးပေါင်းရင်းမြစ်များ

Ilahn 32:11

Nimi bi ye bininyaam na, cha nisui li piin aan ni li mɔɔni, Uwumbɔr aah ŋa pu tii nimi na pu. Nimi bi kii waamɔb na, li tar man mpopiin pu.

Ilahn 68:3

Le bininyaam ma kpa mpopiin ki mɔɔni unimbiin ni, bi kpa mpopiin le ki tar mmɔɔn pu.

Ŋiyataŋak 3:17

Nlan ga ŋmaa tii si mmɔɔn aamɔfal, ki ga li joo si mbamɔm ki ti saa saadoon.

Ulandaan 3:12

Le m bee ke buyoonn ti laa bi dulnyaa wee ni na, ti li kpa mpopiin ki tun taah ga ŋman pu na.

Ulandaan 5:18

Maah kan pu na sɔ: tiwan ni ŋan ke unii ŋa na le ye ke u ji ki nyu, ki li mɔɔni waah tun ki kan pu kimɔfageŋ ki Uwumbɔr di tii u na ni. Unibɔn aadoon le na.

Aisaya 12:3

Uwumbɔr yaa gaa waanib lii kan, bi kpa mpopiin ke nnyunsoom aah tii unii u nnyunyuu joo u na mpopiin pu na la.”

Lituln 16:34

Le u di Pɔɔl ni Sailas buen waadichal ni, ki ti tii bi tijikaar ke bi ji. U ni waachiln ni aanib aah nan gaa Uwumbɔr ki kii na, ni ŋa bi mpopiin pam.

Lituln 2:46

Idaa mɔmɔk bi nan kuuni Uwumbɔr Aadichal ni, ki kpaani bido ki ji tijikaar, ki pak Uwumbɔr, ki kpa mpopiin, ni tibulchinn. Le binib mɔmɔk pak bi. Tidindaan nan joo binib bi ŋmar na kpae waanib pu idaa mɔmɔk la.

1 Korenti 10:31

Maah len pu na le ye ke ni yaa jin kan, jim ke ni nyuŋ Uwumbɔr; ni yaa nyun kan, nyum ke ni nyuŋ Uwumbɔr; ni yaa ŋani tiwan nimɔk na kan, ni li ŋani ke ni nyuŋ Uwumbɔr.

Galantiya 5:22

Uwumbɔr Aafuur Nyaan le cha binib gee tɔb, ki kpa mpopiin, ni nsuudoon, ni limɔr, ni tibulchinn, ni mbimbinyaan, ni ibamɔn,

Ikaal 12:14

ni mɔmɔk kpaan libuul chachaan li Uwumbɔr ga nyan nimi aanibol libaa aatiŋ ni na, ki li toor nima. Nima chee baanja le ni ga li toor nimi aatork ki ni ga see ki mmii ni na, ni tiwan nimɔk m bui nimi ke ni li ŋani na.

Ikaal 12:19

Naah ga li bi kitiŋ ngbaan ni, ki cha n‑yoonn mu na, ni pɔɔn nibaa ki taa suln Liifai yaab bɔr.

Ikaal 12:5

Nimi aanibol mɔmɔk aah ga kal nin chee na, Uwumbɔr ga nyan nibaa chee, le ni ga choo unimbiin ni, ki nan dooni u nima.

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ikaal 14:23

Ni yaa nyan ti ki di kpaan kan, ni di buen Nidindaan Uwumbɔr aah nyan nin chee ke ni li dooni u na, ki ti ji naah nyan njikaabim, ni ŋisubil aadaan, ni olif aakpan, ni nimi aawakor aajan aabim aajim, unimbiin ni. Ni ŋa kina aan ki li nyuŋni Nidindaan Uwumbɔr n‑yoonn mɔmɔk.

Ikaal 15:20

Ŋibin mɔmɔk kan, ni di i buen nin chee ni dooni Uwumbɔr na, ki ti kɔr i, aan nimi, ni nimi aamaal kpaan ŋmɔ i, Uwumbɔr aanimbiin ni.

1 Samuel 1:4

N‑yoonn mumɔk Elkana yaa nan ti toor kitork na kan, u nan yakr tinann ngbaan tibaa tii upuu Penina, ki di tiken mu tii waabim mu.