Ikaal 12:16 - Uwumbɔr aagbaŋ

¹⁶ Tɔ, ni taa kpaan ŋmɔ tiwakor ngbaan aanann aan nsin li bi ti ponn ni. Ni kɔr tiwakor ngbaan ki nyan taasin kpir kitiŋ, ke naah kpir nnyun pu na.

Ikaal 12:16 ပူးပေါင်းရင်းမြစ်များ

Mpiin 9:4

Taa ŋmɔ tinann ti nsin aa nyan ti ponn ni na, ni taa ji kina aawan; ba pu? limɔfal bi nsin ni la.

Esekiel 24:7

Linikul nan bi kitiŋ ngbaan ponn ni; nsin ngbaan mu aa nan yaa nin chee titan ga ŋmaa biin mu pu na; mu yaa litakpal pu la.

Esekiel 33:25

“Tuk bi min Bidindaan Uwumbɔr aah len pu na: Ni ŋmɔ tinann ti nsin aa nyan ti ponn ni na. Ni dooni ŋiwaa. Ni ku binib. Ba cha ni dak ke kitiŋ ngbaan ye nimi yaak?

Liifai Yaab 19:26

“Ni taa ŋmɔ tinann ti nsin beenin bi ti ni na. Ni taa li ŋani bibɔɔb aatuln ki ji inyɔk.

Liifai Yaab 3:17

Israel yaab ubaa taa ji nkpan, bee nsin. Israel yaab mɔmɔk yaa bi nin chee mɔk na kan, bi li joo likoobil ngbaan ki cha n‑yoonn mu kaa kpa ndoon na.

Lituln 15:20

Cha ti ŋmee kigbaŋ tii bi, ki tuk bi ke bi taa ki ŋmɔ kitork aanann, ki taa ki gɔr kidagook, ki taa ki ŋmɔ tiwan ni bi tab ku ni na, ki taa ki ŋmɔ nsin.

Lituln 15:29

Ni ŋan ke ni taa ki ŋmɔ kitork aanann, ki taa ki ŋmɔ nsin, ki taa ki ŋmɔ tiwan ni bi tab ku ni na, ki taa ki gɔr kidagook. Ni yaa kii kina kan, nima le ŋan. Uwumbɔr ter nimi.”

Ikaal 15:22

Ni ga ŋmaa ŋmɔ tiwakor kina aaboln linampal. Unii u bi chain, bee waa bi chain na kan, ni mɔmɔk ga ŋmaa ŋmɔ tiwakor ngbaan ke naah ŋmɔ ipeeman pu na.

Ikaal 15:23

Ni taa di naasin ŋa tijikaar ki ji, ni pɔɔn nibaa ki di mu kpir ke naah kpir nnyun pu na.

1 Timoti 4:4

Tiwan nimɔk Uwumbɔr naan ni na, ni ŋan la. Ti taa li kɔ tijikaar tibaa. Ti li ji ti, ki li dooni u ti pu.

1 Samuel 14:32

Kina pu le bi buen ti lir baah gaa tiwan ni baadim chee na, ki chur baawakor, ki kɔr ti libuul ngbaan ni, ki ŋman tinann ti beenin kpa nsin na.

1 Samuel 14:33

Le unii ubaa bui Sɔɔl ke, “Lik, binib ngbaan bi tun Uwumbɔr titunwanbir ki ŋmɔ tinann ti beenin kpa nsin na la.” Le Sɔɔl bui bi, “Ni ye binibiib la. Biln man litakpasakpeln tii ni mi do.”