Ikaal 12:12 - Uwumbɔr aagbaŋ

¹² Nima chee, le nimi, ni nimi aabim, ni nimi aatutum, ni Liifai yaab bi bi nimi aatim ni na li kpa mpopiin ki li mɔɔni Nidindaan Uwumbɔr aanimbiin ni. Ni teer ke Liifai yaab aan li kpa bibaa aakpaakon.

Ikaal 12:12 ပူးပေါင်းရင်းမြစ်များ

1 Bibɔrb 8:66

Winiin daal le Solomonn nan cha binib ngbaan kun. Bi mɔmɔk nan pak u, le ki kun, ki kpa mpopiin, Uwumbɔr aah nan di tinyoor ti mɔmɔk tii waatutunn David, ni waanib Israel yaab na pu.

2 Bibɔrb Aabɔr 29:36

Ubɔr Hesekia ni binib ngbaan nan kpa mpopiin, Uwumbɔr aah ter bi pu aan bi tun lituln limina mɔmɔk doo mala na pu.

Nehemia 8:9

Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Ilahn 147:1

Pak Uwumbɔr man. Ni ŋan ke ti li gaa ilahn ki pak Uwumbɔr; ni kpa mmɔɔn ki ŋan ke ti pak u.

Liifai Yaab 23:40

Liyaadaal kan, ni ban ŋisubinyaan nimi aasui ponn ni, ki ban tibɔkpafar, ni isui i ŋan na aafar, aan ki piin njim ngbaan ki nyuŋ Nidindaan Uwumbɔr.

Nkahm 18:20

Uwumbɔr nan ki bui Aaronn ke, “Saa kpa liwangol libaa aayaabitiib ga ji li lifaal, le baan gii Israel yaab aatiŋ nibaa chee tii si. Min Uwumbɔr ŋeer si.”

Nkahm 18:26

ke u tuk Liifai yaab ke: “Ni yaa gaa Israel yaab chee baah tii mi ipiin i aan m di i tii nimi na kan, ni mu ki nyan i ponn ni nibaabaa kipiik kipiik ni, i li ye ipiinkpaan ki tii mi Uwumbɔr.

Jɔnn 13:8

Le Piita bui u, “Saan finn ntaa daalbaadaal.” Le Yesu bui u, “M yaa kaa finn aataa kan, saan ki li ye maanii.”

Lituln 8:21

Aasui aa ŋan Uwumbɔr chee. Aaŋaal aa bi waabɔnyaan ni.

Ikaal 10:9

Kina pu le baa nan yakr kitiŋ tii Liifai yaab aanibol ke biken na. Baah nan gaa ipiin i na le ye ke bi nan kpa nsan ke bi li ye Nidindaan Uwumbɔr aatotoorb, ke waah nan puu pu na.

Ikaal 12:18

Nimi, ni nimi aabim, ki kpee nimi aatutum, ni Liifai yaab bi koo nimi aatim ni na, kpaan ki ji ipiin ngbaan aajikaar Nidindaan Uwumbɔr aanimbiin ni, nin chee u nyan ke ni li dooni u na baanja. Ni li kpa mpopiin ki mɔɔni tiwan nimɔk ni ŋa na pu.

Ikaal 12:19

Naah ga li bi kitiŋ ngbaan ni, ki cha n‑yoonn mu na, ni pɔɔn nibaa ki taa suln Liifai yaab bɔr.

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ikaal 14:29

Tijikaar ngbaan le Liifai yaab, ni biwɔwɔm, ni nkpobim, ni bikpopiib bi bi nimi aatim ni na mu ga li ji. (Liifai yaab aa kpa bibaa aakpaakon.) Nima chee le bi ga dan ki nan kan baah ban tijikaar ti na. Ni li ŋani kina, nima kan, Nidindaan Uwumbɔr ga ŋa tinyoor ŋa nimi aatuln mɔmɔk pu.

Ikaal 16:11

Nimi, ni nimi aamaal, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim pu na mɔmɔk li kpa mpopiin Uwumbɔr aanimbiin ni. Ni mɔmɔk ŋa kina nin chee ni kpaani ki dooni Uwumbɔr na.

Ikaal 16:14

Nimi, ni nimi aabim, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim ni na kpaan ji mu, ki li mɔɔni, ki li kpa mpopiin.

Ikaal 18:6

“Liifai yaab umɔk nyan ni dandar, Israel yaab aatiŋ ni na yaa ban kan, u ga ŋmaa dan nin chee bitotoorb kpaani ki tun Uwumbɔr aatuln na,

Ikaal 26:11

Li dooni ki pak Aadindaan Uwumbɔr, waah tii si, ni saamaal tiwanyaan nimɔk na, ki cha aa ni Liifai yaab, ni biwɔwɔm bi bi ni chee na kpaan ji njim ngbaan, ki li mɔɔni.

Ikaal 26:12

“Libitatar mɔmɔk ni kan, ni nyan nimi aajikaar aapiin ki tii Uwumbɔr. Nimi aasar aajikaar mɔmɔk ponn ni, ni nyan tiwan kipiik kipiik. Ni di tijikaar ngbaan tii Liifai yaab, ni biwɔwɔm, ni nkpobim, ni bikpopiib, nima kan, ntim mɔmɔk aanib ga kan baah ban pu na ki ji. Udaan yaa ŋa kina doo kan,

Ikaal 27:7

ki toor kitork, ki kpaan tɔb chee ki ji kimɔbaan aatork, ki doon Nidindaan Uwumbɔr, unimbiin ni.

Josua 13:14

Moses aa nan yakr kitiŋ tii Liifai aanibol. Uwumbɔr aah nan bui Moses pu na, Liifai yaab le nan yeh tiwan nimɔk binib nan joo toor kitork ki seer mmii ni tii Israel yaab Aadindaan Uwumbɔr na aanann ngem.

Josua 13:33

Moses aa nan tii Liifai yaab ma aanibol kitiŋ kibaa kpala. U nan tuk bi ke baawan le ga li ye ipiin i Israel yaab joo nan tii bima Israel yaab Aadindaan Uwumbɔr na, bi ga li ji ipiin ngbaan ponn ni la.