Ikaal 12:10 - Uwumbɔr aagbaŋ

¹⁰ N‑yoonn mu ni ti puur Jɔɔdann Aamɔɔl doo na kan, Uwumbɔr ga cha ni gaa kitiŋ ngbaan, ki li bi nima. U ga li kii nimi, nimi aadim chee, le ni ga li kpa nsuudoon.

Ikaal 12:10 ပူးပေါင်းရင်းမြစ်များ

1 Bibɔrb 4:25

Waamɔfal yoonn mɔmɔk, Juda ni Israel aanib nan bi ŋŋmarm ni la, le lidichal mɔk kpa laasubil aasui aasaak.

1 Bibɔrb 8:56

“Pak Uwumbɔr u tii waanib nsuudoon, waah nan puu ke u ga ŋa pu na. U joo tiŋann aapuur ti u nan puu tii waatutunn Moses timi pu na.

1 Bibɔrb Aabɔr 22:18

U nan bui ke, “Tidindaan Uwumbɔr bi ni chee le ki tii nimi nsuudoon ŋipepel mɔmɔk pu. U cha m nyaŋ binib bi mɔmɔk nan bi kitiŋ kee pu na, le bi kpaln nimi ni Uwumbɔr aatutum.

Ilahn 4:8

M yaa doon kan, le m geen suuna; Uwumbɔr, sin baanja le kii mi mbamɔm.

Nnyam 33:14

Le Uwumbɔr bui u ke, “M mamaŋ ga dii si buen, le ki ga tii si lifuur.”

Ŋiyataŋak 1:33

Unii umɔk ŋun tii mi na aan kan tibɔbir tibaa. U ga li kpa lifuur, kaan li san ijawaan.”

Jeremia 23:6

U yaa nan ŋa ubɔr kan, Juda aanib ga kan lifuur, le Israel aanib kan nsuudoon. Bi ga li yin u ke ‘Uwumbɔr u gaal timi lir na’ la.”

Jeremia 32:37

M ga ki kuun ni binib ngbaan maaŋuusakpeln aah nan cha bi yaa ki bi ntim mu ni na, ki giin ni bi do, ki nan cha bi li koo nsuudoon ni.

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Esekiel 28:26

Bi ga li bi nima lifuur ni la. Bi ga maa ŋidichal ki ko ŋisubil aasar. M ga daa ŋitimbol ŋi nan lik bi fam na aatafal, le Israel aatiŋ ga kan nsuudoon. N‑yoonn ngbaan le bi ga bee ke min le ye Bidindaan Uwumbɔr.”

Esekiel 34:25

M ga puu tipuur ti ga mɔk ke i ga li bi ŋŋmarm ni na tii i. M ga jenn nyan tipeewanbir mɔmɔk kitiŋ ngbaan ni, aan maapiih ga ŋmaa li bi ikpaakon, ni ŋŋmarm ni, ki doo tichoor ni.

Esekiel 34:28

Ŋitimbol ŋi kaa nyi Uwumbɔr na aan ki yoor baawangol buen, le tipeewanbir mu aan ki ku bi ki ŋmɔ bi. Bi ga li bi ŋŋmarm ni, le ubaa aan ki cha ijawaan chuu bi.

Esekiel 38:11

Aa ga ŋa nlandak ke aa koo ti tak kitiŋ ki kaa kpa uteter ubaa aan kaanib bi nsuudoon, ni lifuur, ki koo ntim mu kaa kpa ŋigon ŋi ga ŋmaa kiir bidim na.

Esekiel 38:8

Ŋibin pam aapuwɔb le m ga bui u ke u ti di butɔb koo kitiŋ ki aanib nyan ni ŋitimbol pam ni ki gir ni, kaa nyi butɔb aajawan aan ni yunn na ni. U ga koo Israel aajoo ŋi bi nan san cha ŋi aan ŋi doon nkuun ki yunn, ki mu gur kpa binib bi bi lifuur ni na ni.

Ikaal 11:31

Ni ban ni puur Jɔɔdann Aamɔɔl, ki gaa kitiŋ ki Nidindaan Uwumbɔr ban u di tii nimi na la.

Ikaal 3:27

Li cha Pisga Aajool aapaacham, ki ti lik ŋŋangan wɔb ki ti saa ŋŋangii wɔb, ki ki lik liwipuul wɔb ki ti saa liwilir wɔb. Saah waa tiwan nimɔk na, aa lik ni mbamɔm, ba pu? saa kpa nsan ke aa puur Jɔɔdann Aamɔɔl.

Ikaal 33:12

U nan ŋa tinyoor ŋa Benjaminn aanibol pu ki bui ke; “Linibol limina le Uwumbɔr gee, le ki kii li. Uma le bii bi pu iwiin mɔmɔk, le ki bi bikaasisik ni.”

Ikaal 33:28

Nima pu na, le Jakob aayaabitiib bi bibaa pu, ki kpa nsuudoon, ni mpɔɔn, ki bi kitiŋ ki gbii tijikaar, ni ŋisubil aadaan na, nin chee limaln nyani kitaapaak ki sɔŋni kitiŋ ngbaan n‑yoonn mɔmɔk na.

Ikaal 4:22

Mma kan, m ga kpo kitiŋ kee ni, kaan puur limɔɔl ngbaan daalbaadaal. Le ni ma ban ni puur ki ti gaa kitinyanyaan ngbaan.

Ikaal 9:1

“Israel yaab, li pel man. Din wee na, ni ban ni puur Jɔɔdann Aamɔɔl aan ki gaa ŋinibol ŋi wiir ki kpa mpɔɔn jer nimi na aatiŋ la. Baatim ye mukpaan la, le bi maa ŋigon ŋi fɔk ti nyan paacham na gob mu.

Josua 11:23

Josua nan nyaŋ kitiŋ ngbaan mɔmɔk, Uwumbɔr aah nan bui Moses ke u ŋa pu na. Le Josua nan di kitiŋ ngbaan mɔmɔk tii Israel yaab, ki li ye biyaan; u nan yakr ki tii Israel yaab aanibol ngbaan. Le Israel yaab kan lifuur, kaa ki to butɔb.

Josua 14:1

Tibɔr ti paa na le ye baah nan yakr Kanaann aatiŋ, Jɔɔdann Aamɔɔl aawilir wɔb tii Israel yaab pu na. Utotoor Eleasar, ni Nunn aajapɔɔn u bi nan yin u ke Josua na, ni Israel yaab aanibol aamaal aaninkpiib le nan yakr kitiŋ tii Israel yaab aanib mɔmɔk.

Josua 3:17

Binib ngbaan aah nan chuun kitikuun pu ki puur na, bitotoorb bi nan tu Uwumbɔr Aakaal Aadakaa na nan si limɔɔl ngbaan aakaasisik ni, kitikuun pu, le binib ngbaan mɔmɔk chuun ki ti puur doo.

Josua 4:12

Rubenn, ni Gad, ni Manase aanibol ligeln libaa aajab nan puen puur ki loln biken pu nsan, ki ti gor ke bi to butɔb, Moses aah nan bui bi ke bi ŋa pu na.

1 Samuel 7:12

Samuel nan yoor litakpal ki di ŋum Mispa ni Senn aakaasisik ni, ki bui ke, “Uwumbɔr le ter timi ki nan saa din,” le ki yin li ke, “Nterm Aatakpal.”