Ikaal 11:2 - Uwumbɔr aagbaŋ

² Din wee, ni teer naah bee Uwumbɔr aabimbin, waah tun ŋitukpaan ŋi ni chee na pu. Naa ye nimi aabim le kan, nimi le nan kan ŋitukpaan ngbaan.

Ikaal 11:2 ပူးပေါင်းရင်းမြစ်များ

Ilahn 136:12

U nan di waaŋaal mu kpa mpɔɔn sakpen na le ŋa kina; waageehm aa kpa ndoon.

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Ŋiyataŋak 22:19

M ban ke aa ŋa Uwumbɔr naadii, kina pu le m ban m tuk si mu dandana wee.

Aisaya 53:5

Timi aatunwanbir pu le bi gbaa u, le uwon ŋa ibuun. Waah gaa timi aatafadaan pu na, le Uwumbɔr cha ti pɔɔk, Ti kan laafee waah gaa tigbar ti na pu la.

Lituln 26:22

Le Uwumbɔr mu ter mi n‑yoonn mɔmɔk ki nan saa din, ki cha m si do, ki ye waaseeraadaan, ki tuk binib aabɔŋ mɔmɔk waabɔr. M po tuk bi Uwumbɔr aabɔnabtiib ni Moses aah nan len pu na. Bi nan len tiwan ni ga nan ŋa na,

Ikaal 29:10

“Din wee na, ni mɔmɔk, bi ye biyidam, ni bininkpiib, ni bijab,

Ikaal 3:24

‘Ndindaan Uwumbɔr, m nyi ke aa piin ki mɔk mi saah ga ŋa tiwan sakpenn, ni iwaan aawan ni aa ban ke aa ŋa na. Liwaal libaa aa bi paacham, bee kitiŋ pu, ki ga ŋmaa ŋa tiwan sakpenn nimɔk aa ŋa na.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Ikaal 5:24

ki nan bui ke, ‘Tidindaan Uwumbɔr mɔk timi waapɔɔn sakpiin, ni waanyuŋ, buyoonn ti ŋun u len mmii ni na. Din wee, ti kan ke Uwumbɔr yaa len unii chee tibɔr kan, udaan ngbaan ga ŋmaa li beenin fu.

Ikaal 7:19

Ni teer tiwanbir ti ninimbigbaŋ nan kan na, ni laasib, ni iwaan aawan, ni mpɔɔn sakpiin mu Nidindaan Uwumbɔr nan di gaa nimi lii na. Waah nan ŋa pu ki bii Ijipt yaab na, u ga ki ŋa kina le ki kuln binib bi ni san bi ijawaan na.

Ikaal 8:19

Ni taa suln Nidindaan Uwumbɔr bɔr aan ki fenn dii ŋiwaa, ki dooni ŋi, ki tun tii ŋi. Mbamɔn le m tuk nimi din wee na, ni yaa ŋa kina kan, u ga kuln nimi.

Ikaal 9:26

M nan mee ke, ‘Ndindaan Uwumbɔr, taa kuln saanib bi aa di saapɔɔnsakpiin gaa bi lii, ki nyan ni bi Ijipt aatiŋ ni na.

Josua 24:31

Josua aah nan bi limɔfal ni, ki ti saa buyoonn u kpo na, Israel yaab nan dii Uwumbɔr mbamɔm, le waah kpo na, bi nan beenin dii u mbamɔm, ki ti saa buyoonn baaninkpiib bi nan kan Uwumbɔr aah nan ŋa lijinjiir aawan pu na, mu nan kpoi.