Ikaal 11:17 - Uwumbɔr aagbaŋ

¹⁷ Ni yaa ŋa kina kan, Uwumbɔr ga gee ni pu liŋuul; waan ki cha utaal nu, le nimi aatiŋ ga kuur ki ti chaar jer, le nimi aajikaar aan ŋmaa ŋa. Hali kitiŋ ngbaan aah ye kitinyaan pu aan u di ki tii nimi na, naan ki yunn le ni ga kpo.

Ikaal 11:17 ပူးပေါင်းရင်းမြစ်များ

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

1 Bibɔrb 8:35

“Saanib yaa tun si titunwanbir, aan aa chuu utaal, waa ki nu, le bi yaa kpeln baabimbin, ki di binimbil toŋ ni Saadichal limina, ki sunn bibaa taab, ki mee si kan,

2 Bibɔrb Aabɔr 6:26

“Uwumbɔr, saanib yaa tun si titunwanbir aan aa chuu utaal, u taa ki nu, le bi yaa kpeln baabimbin ki di binimbil toŋ ni Saadichal limina ki sunn bibaa taab ki mee si kan,

2 Bibɔrb Aabɔr 7:13

N‑yoonn mumɔk m chuu utaal, bee m cha itoon dan nan di tijikaar ŋman, bee m yaa cha iween lir maanib pu,

Job Aagbaŋ 12:15

Uwumbɔr yaa chuu utaal kan, le ntaaweel bi; le u yaa chur nnyun lii ni kan, nwam nya.

Liifai Yaab 26:19

M ga bii nimi aatafalaaŋun aagaak ki ni kpa na; le utaal aan ki nu, kitiŋ ngbaan ga kuur ki pɔɔk ke tikur na.

Liifai Yaab 26:20

Le naah ga li pɔɔni nibaa ki tun sakpen pu na, naan ter nimi, ba pu? nimi aatiŋ aan ki ŋa tijikaar, le nimi aasui mu aan ki lu ŋisubil.

Amos 4:7

Min le nan chuu utaal buyoonn nimi aajikaar nan ban utaal sakpen na. M nan cha utaal nu kitiŋ kibaa ni, kaa nu kiken ni. Utaal nan nun bukpaab bubaa ni, le buken ma kuur.

Ikaal 31:20

Maah nan puu pu tii biyaajatiib na, m ga di bi buen kitiŋ ki kpa tiwakor aamoŋmɔpaan ni ŋisubil sakpen na ni. Nima chee le bi ga ti li bi nsuudoon ni, ki kan tijikaar timɔk bi ban na. Tɔ, bi mu ga nan fenn le ki li dooni ŋiwaa. Bi ga yii mi, le ki bii maah puu tipuur ti na,

Ikaal 4:26

Ni yaa yii maah tuk nimi pu na kan, paacham ni kitiŋ le ye maaseeraadam din wee, ni ga kpo doo kitiŋ ngbaan pu. Le kina aan cha ni li bi ki yunn, naah ban ni puur Jɔɔdann Aamɔɔl ki ti gaa kitiŋ ki na ni. U ga kuln nimi doo.

Ikaal 6:15

Ni yaa dooni ŋiwaa kan, Uwumbɔr aaŋuul ga dan ni pu ke mmii na, ki nan kuln nimi kookoo, ba pu? Nidindaan Uwumbɔr u bi ni chee na aa ban ke waanib ki li dooni nibaa ki kpee u pu.

Ikaal 9:19

Uwumbɔr aah nan gee liŋuul sakpen pu na, le ijawaan nan chuu mi. Usui nan fii sakpen, le u ban ke u kuln nimi; le maah nan ŋa pu na, Uwumbɔr nan ki sɔŋ usui ki ŋun tii mi.