Ikaal 11:16 - Uwumbɔr aagbaŋ

¹⁶ Ni taa cha nibaa ŋmann nimi aan ni yii Uwumbɔr ki fenn dii ŋiwaa ki dooni ŋi.

Ikaal 11:16 ပူးပေါင်းရင်းမြစ်များ

1 Bibɔrb 8:35

“Saanib yaa tun si titunwanbir, aan aa chuu utaal, waa ki nu, le bi yaa kpeln baabimbin, ki di binimbil toŋ ni Saadichal limina, ki sunn bibaa taab, ki mee si kan,

Job Aagbaŋ 31:27

Ubaa aa kee ŋmann mi aan m nyuŋ ni ki moor ŋŋaal ki pak ni.

Aisaya 44:20

Nimina ni unii aah ga moo nfatan pu na ye tiwan nibaa la. Waajɔrk aalandak ngbaan ŋmann u sakpen le ubaa aan ki ŋmaa sur u. Waan kii ke liwaal li u joo uŋaal ponn ni na aa ye Uwumbɔr kpala.

Tibɔnyaan ti Luk ŋmee ti na 21:34

“Ni li nyi man, ki taa nyu ndaan gbii ki li kpa ndaan aaween, ki taa cha nimi aabimbin aabɔr gbiin nimi aalandak mɔmɔk, aan maagirndaal taa yuk nipobil.

Tibɔnyaan ti Luk ŋmee ti na 21:36

Li nyi man n‑yoonn mɔmɔk, ki mee Uwumbɔr u tii nimi mpɔɔn ke ni nya falaa umɔk choo na ni, ki nan sil min Unibɔn Aabo aanimbiin ni.”

Tibɔnyaan ti Luk ŋmee ti na 21:8

Le u bui bi, “Ni li nyi man, aan ubaa taa ŋmann nimi. Binib pam ga nan dan ki pur maayimbil ke bima le ye min Yesu, ki ga bui ke ni ŋeer a. Ni taa dii bi man.

Ikaal 12:30

Uwumbɔr yaa kuln ŋinibol ngbaan doo aan ni koo ŋaatim ni kan, ni pɔɔn nibaa ki taa li dii baah dooni ŋiwaa ŋi na; ba pu? ni ye nnikun la. Ni taa li ban ni bee baah dooni baawaa pu na aan ki mu li dooni Uwumbɔr kina.

Ikaal 13:3

ni taa kii tii u. Naa kee dii ŋiwaa ngbaan. Nidindaan Uwumbɔr ban ke u di unii ngbaan tɔŋ nimi ki lik ke ni gee u nisui mɔmɔk ni aan naa gee u.

Ikaal 17:3

ki dooni ŋiwaa, bee nwiin, bee uŋmal, bee iŋmabi, ki yenn Uwumbɔr chee.

Ikaal 28:14

Ni taa yii ikaal ngbaan ponn ni mubaa, ki mu taa dii liwaal libaa mu, ki taa li dooni li.

Ikaal 29:17

Ni nan kan baawaawanbir ŋi bi di idɔ, ni ŋitakpal, ni tikunabr, ni salmaa ŋa ŋi na.

Ikaal 29:18

Ni pɔɔn nibaa ki taa cha uja, bee upii, bee mmaal, bee linibol li si do din wee na fenn bipuwɔb tii Tidindaan Uwumbɔr ki dooni ŋinibol ngbaan aawaa. Ni yaa ŋa kina kan, ni ga li bi ke ulɔnn yaa punn idi ni kan, u ku i pu na la.

Ikaal 30:17

Tɔ, ni yaa yii, kaa ŋun waah len pu na, ki yenn ki ti bi dooni ŋiwaa kan,

Ikaal 31:20

Maah nan puu pu tii biyaajatiib na, m ga di bi buen kitiŋ ki kpa tiwakor aamoŋmɔpaan ni ŋisubil sakpen na ni. Nima chee le bi ga ti li bi nsuudoon ni, ki kan tijikaar timɔk bi ban na. Tɔ, bi mu ga nan fenn le ki li dooni ŋiwaa. Bi ga yii mi, le ki bii maah puu tipuur ti na,

Ikaal 4:23

Ni pɔɔn nibaa, ki taa suln tipuur ti Nidindaan Uwumbɔr nan puu tii nimi na. Ni kii waamɔb, ki taa naan liwaal libaa tii nibaa.

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,

Ikaal 5:7

“‘Ni taa doon liwaal libaa ki kpee min Uwumbɔr pu.

Ikaal 8:19

Ni taa suln Nidindaan Uwumbɔr bɔr aan ki fenn dii ŋiwaa, ki dooni ŋi, ki tun tii ŋi. Mbamɔn le m tuk nimi din wee na, ni yaa ŋa kina kan, u ga kuln nimi.

Hiibru Yaab 12:15

Ni li nyi man, ubaa taa lann Uwumbɔr aanyoor. Ni li nyi man, ubaa taa cha usui li to, ki li muk nimi ki cha binib pam yenn.

Hiibru Yaab 2:1

Nima pu na, ni ŋan ke titafal li bi tibɔnyaan ti ti ŋun ti na ponn ni, ti taa di ti lii.

Hiibru Yaab 3:12

Nnaabitiib, ni li nyi man, ni ponn ni ubaa aasui taa li bir aan u li joo beeni ki yii Uwumbɔr u ye limɔfadaan na.

Hiibru Yaab 4:1

Tɔ, Uwumbɔr aah puu tipuur ke u ga tii timi lifuur na, nsan laa beenin bi ke ti kan li. Nima na, ni li nyi man, ubaa taa lann lifuur ngbaan.

Jemisi 1:26

Unii yaa len ke u dii Uwumbɔr aasan, u yaa kaa chuu ulambil kan, u ŋmanni ubaa la. Waa dii le na. Ni ye fam la.

1 Jɔnn 5:21

Maabim, ni nyan nibaa ŋiwaa ni man.

Tibɔkpiirkaan 13:14

ki ŋmann binib bimɔk bi dulnyaa ni na; ba pu? u nan kpa nsan ke u tun lijinjiir aatun njan aapeel aanimbiin ni, ki tuk dulnyaa ni aanib ke bi ŋa liwaal li naahn upeel u nan kpa kijuk aabuel li sɔŋ na.

Tibɔkpiirkaan 20:4

Le m kan ŋibɔrjal, ni binib bi ka ŋi pu na. Le Uwumbɔr tii bi nsan ke bi ji binib tibɔr. Bi nan ye binib bi nan kpo Yesu pu na aawiin. Binib nan chuu gii biyil lii; ba pu? bi nan moon tibɔbamɔnn ti Yesu nan kpiir na ni Uwumbɔr aabɔr. Baa dii upeel ngbaan, bee waawaal, kaa gaa waadaan biyigbeer pu, bee biŋaal pu. Bi nan kpa limɔfal ki jin nnaan Kristo chee ŋibin lichur.

1 Samuel 12:20

Le Samuel bui ke, “Taa san ijawaan man. Naah tun titunwanbir sakpenn ti na, taa fenn nipuwɔb tii Uwumbɔr, li joo nisui mɔmɔk tun tii u man.

1 Samuel 12:21

Taa chuun dii ŋiwaa man, ŋi ye yɔli la. Ŋiwaa aan ŋmaa ter nimi, kaan ŋmaa gaa nimi lii mu, ba pu? ŋaa fu.